u/No_Candidate_5

بجد يجماعه انا مصدومه من كميه الناس هنا على ريديت الي مرت بتجارب جنسيه والي اقل حاجه عملوها انهم يشتروا نو*ز هو في احتماليه اني اقابل واحد نضيف معملش كل دا؟ يعني انا محافظه على نفسي وعمر محد لمسني ولا عملت كل دا ف من حقي اخد حد زيي بس انا بجد اكتشفت ان معظم الولاد مروا بحجات زي دي ف انا اعرف منين ان الشخص دا نضيف فعلا ومعملش كدا لانه وارد يخبي او يعرف اني عايزه حد كويس ف يمثل انه كويس

انا ف شله بنات وولاد بقالنا ٣ سنين ف الجامعه صحاب واخوات

من فتره كنت بهزر قدامهم بقولهم انا لما اتجوز الي هيتجوزني لازم يجيب اقل حاجه ٢٠٠ جرام دهب وبهزر عادي يعني ف في واحد منهم وقتها قالي(هسميه محمود)متخلنيش اقوم بقى من القعده واقطع معاكي ف حد قاله وانت مضايق لي هي بتتكلم ع الي هيقدملها ف اتبرجل ف الكلام وقاله اه يسطا بس كدا انا مش هعرف اتجوز لو كل البنات هتطلب كدا،، المهم احتا ف جروب كلنا ع الواتس ف كنت عمله ريبلاي ع رساله حد من صحابي ف هو اتدخل وقالي انا معايا ٢٠ جرام دهب اي الكلام وعمل ايمو الغمز احنا ف الواقع بنرازي بعض لما بنتقابل ف قولت اكيد بيضايقني يعني على اساس بيتريق عشان انا عايزه ٢٠٠ جرام دهب ف رديت عليه رد غشيم شويه ف قالي ممم متشكرين وبان انه اضايق بس انا فكست وبعدها بشويه بنتفق كلنا اننا نخرج ف انا مش فاضيه غير يوم واحد بس معين وهما اجمعوا على يوم تاني ف قالهم طب خلونا يوم كذه عشان فلانه تخرج عليا يعني ف حد قاله مش لازم بهزار ف قاله يعم تبقى فرصه اقنعها بيا ب ال٢٠ جرام دهب بتوعي لما وريت الكلام لصحبتي قالتلي شكله نعجب وصحابك عارفين ف بيتكلم عادي قدامهم وعامل نفسه بيهزر

وانا عن نفسي شايفاه بيرخم او بيرازيني عادي بس الحوار برضو غريب انه يعرض نفسه عليا كذه مره على اساس يعني وافقي بيا وقبل كدا كان بيقولي انا واحد بشتغل كذه شغلانه تفتكري لو مجبتش دهب كتير للي هتجوزها هتوافق بيا وهكذا من هذا النوع

ف انتو اي رايكم اي ترجمه الموقف دي وخصوصا الولاد عشان اكيد الولاد بتفهم بعضيها اكتر

انا ف بدايه رحلتي ف الجيم كنت حاطه يوم بوش ويوم بول ويوم ليج بس حسيت اني عريضه من فوق ورجلي مش بتتطور ف خليت الرجل يومين ف الاسبوع بينهم راحه ٣ ايام والبوش عادي مره والبول مره بس بدأت الاحظ اني بقيت من تحت مليانه عن فوق خصوصا مع منطقه الضهر اللاتس الي تحت بقت صغيره ف حسه بعدم تناسق او يمكن بيتهيقلي عشان مكنتش متعوده ع كدا بس انا مبقتش عارفه اخلي الرجل يوم واحد وله يومين وله اعمل اي يعني بشوف البنات عموما بيتمرنوا الرجل يومين او اكتر

بقول لصحبتي حوار لعن الملايكه

ف بتقولي عادي دا عقاب ليها لانه بسببها ممكن يزني

قولتلها طب ما مفيش لعن للراجل لو امتنع عن مراته وهي ممكن تزني برضو بالعكس دا في ايه للمراه الناشز انه يهجرها ف الفراش وشيوخ كتير بتقول لو الراجل نفسه مش كويس يبقى تهجره ف الكلام مش ف الفراش قالتلي اكيد ليه عقاب بس متذكرش بتفاصيل لان ف المصحف في تهديدات كتير للراجل والمشكله انها مقتنعه انها عادي تتلعن للصبح عشان امتنعت عن النوم مع جوزها

(وجابتلي رأي دار الإفتاء انهم قالوا الست عادي تمتنع عن معاشره جوزها ف حاله امتناعه عن حقوقها او معاشرتها او الانفاق عليها وسعتها عادي مش هتتلعن)

هما فعلا بيبقوا مقتنعين بكدا ؟!وله مجبورين يقتنعوا بكدا وله معمولهم غسيل مخ انا بستغرب جدا المسلمات ف طريقه تفكيرهم ومبرراتهم

بجد ببقى مصدومه كل مره لما الاقي واحده مش معترضه عادي على حوار لعن الملايكه ليها وله حوار ان الجنه فيها حور عين للرجاله بس وانها زانيه لو اتعطرت وزانيه لو كشفت ايديها وشعرها وبيبقوا مقتنعين عادي

هو انا ف كليه حاسبات ومعلومات بس بفكر اشتغل data entry انا مش ف دماغي اوي شغل دلوقت بس قولت اشتغل كدا طالما ف اجازه يعني وكدا ف هل ليها شغل وممكن مرتبها كام ولو حد قدامه شغل ليها ياريت يقول

وهل فعلا في شغل ليها اونلاين(ريموتلي) عشان لقيت حد بيقول ان في شركه سعوديه منزله شغل داتا انتري ريموتلي بس مش داخله دماغي القصه دي

هي الحياه حلوه والناس هي الي بتبقى مصعباها على نفسها وله فعلا الحياه صعبه وضغط

وحتى لو حلوه الانسان ازاي يحس فعلا انها حلوه ويبقى عايش فسلام نفسي منغير ضغط وتوتر ويبقى سعيد فعلا

قعدت شهرين مبطله خالص وبعدين رجعت عملتها بتاع ٥ مرات ف شهر وندمانه جدا حسه اني منغيرها كنت احسن

تفتكروا هي فعلا مضره وله دي بتبقى تهيقات من العقل نفسه بس فعلا انا كنت مرتاحه منغيرها ونفسي ارجع ابطلها تاني وندمانه اني رجعتلها

انا بحكي هنا لاني لو قولت لحد من صحابي هيهزقوني بجد لأنهم شافوا المعاناه الي عيشتها مع الشخص الي هحكي عنه دلوقت🤡

الي مش هيقدر يقرأ عادي يسكب مش لازم يكتب ف كومنت مش هقرا كل دا* الحوار طويل وعلاقه سنتين بس انا هحاول الخص حجات واحكي النقاط المهمه بس

هحاول احكي المختصر ،ف البدايه انا كنت ف ١ كليه اتعرفت على شخص كان باين انه غلبان وحنين و و و وف نفس الوقت انا كنت ف شله بنات وولاد اتعرفت عليهم برضو ف ١ كليه بس من اول ترم هو اتعرفت عليه ف أواخر الترم التاني تقريبا المهم صحابي دول كويسين جدا ومامتي كانت عرفاهم وكنا كلنا اخوات ف بعض وعارفين حدودنا والشخص دا لما دخل حياتي اعجبنا ببعض وارتبطنا وشرط عليا اسيبهم وابعد عنهم انا موافقتش ف الاول بس بسبب حبي ليه وغبائي وافقت وقطعت معاهم وكانت حركه نداله مني بس الحمدلله فيما بعد ما سبته رجعت علاقتي بيهم

المهم الشخص دا ف البدايه (هسميه احمد) كان حنين ومتفاهم حتى ف اللبس كان بيخليني البس واسع وكدا بس بهدوء وتفاهم مش غصب وواحده وواحده بقى لبسي كله واسع بس بقى بيقفلى على الواحده وقولت مش مشكله عادي كان بيخليني اخفف ميكب خالص والبس واسع وطويل حتى لو شكلي وحش حتى شعري لو جيباه على جنب يقولي رجعيه تاني عشان رقبتك والولاد دماغهم مش حلوه وف الاخر اكتشف انه بصاص ومقضيها وانا عارفه ان معظم الولاد كدا بس لما واجهته قالي انا ولد ومش قطه مغمضه ودا عشان عندي هرمون التيستسترون كأنه بيقولي يعني انا شهواني. فحقي ابص عادي وانتي عقلك صغير وبدل ميعترف انه غلطان طلعني انا الي عبيطه والمفروض يعني اسيبه يبصبص عادي ولما لاقا نفسه هيخسرني اعتذر وقالي اسف وانا غلطان وكنت متعصب وغير كدا اصلا لقيت كلام قديم ليه كان قبل ميعرفني ب اسابيع يعني مش بكتير كان كاتب لواحده غالبا مشهوره ف الاسك عندها نفسي احط كذه ف كذه وكلام بشع وسعتها حلف انه مش هو الي كاتب كدغ بس مصدقتوش لان ب الي شوفته يعمل كدا عادي ولو مش هو هيكون مين يعني واصلا لقيت كلام شبيه لدا ف شاتات صحابه وغيرو وانا سعتها اديته فرصه تانيه بس مكنتش واثقه فيه حسيت اني مع شخص شهواني ومش محترم الي معاه وخلاني احس نفسي قليله رغم اني كنت بسمع كلامه عشان محدش يبصلي خالص وهو ف الاخر يطلع كدا

وحرفيا كان مش ناضج لدرجه ف مره سبني ف عربيه المترو وسط الرجاله ونزل من العربيه وبعتلي. فالشات لو منزلتيش ورايا اعتبرينا برا حياه بعض وبالفعل نزل وسبني وانا منزلتش لان مكنش في سبب يستاهل كل دا (كل دا عشان واحنا بنركب المترو كان هيقفل الباب بتاعه وهو مسكهولي وانا ركبت من باب تاني عشان كان قريب مني ف الحق ولما دخلت بعتله قولتله اعمل نفسك متعرفنيش عشان اخويا نازل ف مينفعش يشوفنا سوا ف حس يعني ان شكله وحش قدام الناس ف نزل وسبني ومش مهم بقى ابقى وسط رجاله عادي المهم كبريائه)وهو عمتا بيخاف جدا ع شكله قدام الناس دا غير انه كان واحنا سوا مكنش بيركز مين بيبصلي ومين بيعمل ولو حد عايز يعدي وانا مسمعتش يروح يقولي انتي عاميه ومبتشوفيش وحرقتيلي دمي وكل دا عادي الناس تسمعه المهم برضو منظره قدام الناس لدرجه ف مره عشان كنت مسكه فونه وهو شده مني وكنت بضحك معاه وبرخم غليه مش عايزه اديهوله قعد يزعق برضو ويقولي انا الراجل وازاي تشدي مني الفون كدا وبعد حوار الفرصه دي كنت كل معاتبه ع حوار البصبصه واقوله حط نفسك مكاني يقولي خلاص كانت غلطه ويعدين متعمليش عقلك بعقلي انا راجل وانتي بنت عندك حياء مفيش بنت هتبص وكلام من دا كأنه من حقه يعمل اي حاجه يعني لمجرد انه راجل،،، الموقف الكبير بقى اني اكتشفت ان صحبه بيقعد يبصلي دا غير انه كان ييخشلي كتير يكلمني شات هو كان ليه ٣ صحاب ف الكليه وكانوا معانا فكانوا عرفني وهو ف مره كان قافل ومش عارفه اوصله. فبعت لصحبه دا قولتله حاول توصله وعرفني لو في حاجه ومن سعتها وهو كل شويه يخش يبعتلي ويهزر (مش كتير بس كان بيخش بدون سبب) والاكس مكنش بيعترض على حاجه زي كدا كان بالنسباله عادي مع ان سبحان الله ف نفس الوقت خلاني اقطع مع صحابي عشان الشله فيها ولاد المهم لما قولتله صحبك مش مظبوط وبيبصلي وكدا بعدها باباه اتوفى ف قولت اكيد مش هيركز وكدا ف عديت الموضوع وبعدها بكذه شهر الموضوع اتفتح سعتها طلعني انا غلطانه قالي انتي سعتها قولتي يمكن ظلماه وبعدين ميمكن بيتهيقلك وانا طلعتك بيتهيقلك لي مش من عمايلك معايا وانتي عندك وسواس ان الناس بتبصلك وقالي كلام تاني بشع وسعتها كسر الأمان الي كنت بحسه معاه حسيت طيب اومال لو المفروض احكي لمين لما انت وبتقولي كدا وراح ف الاخر اتخانق مع صحبه بعدها ب ٤ ايام يعني كتر خيره بصراحه زف الاخر انا قطعت معاه وبعدت عنه وواحده واحده علاقتي رجعت ب صحابي تاني بالصدفه وهو راح اتعرف ع بنات بالشقط من ببجي( عنده ٢١ سنه وبيشقط اندر ايدج من ببجي) ومن شهر كدا كنت بدور ع تيم لمشروع التخرج ف دخل كلمني قالي تعالي عندنا وبتاع ومع الوقت حصل بينا كلام وبدأت احس اني كنت ظلماه لانه قعد يقولي انا كنت ببقى متعصب وانا اتغيرت وحتى حوار البنات دي كلمتهم عشان كنت بفش غلي من انك رجعتي لصحابك بس بعدها حسيت انه عبط ف بطلت (رغم ان البنات لسا عنده عادي يعني لو بطل كلن شالهم) ف حسه اني بدأت اشوفه انه كويس تاني وحرفيا عايزه حد يفوقني انا بقالي اسبوع ف الدوامه دي انا مستحيل ارجعله بس مش عايزه قلبي يحن واشوفه ملاك وهو اصلا اذاني انا اخدت فتره كانت عيني طول اليوم بتدمع حتى وانا على الاكل وف نفس الوقت انا حتى لو عملت بلوك وقطعت مش حبه احس احساس اني ظلمته وانا اصلا الي اتظلمت ومش عارفه مالي هو قعد يحكيلي ان مامته تعبانه وهو شايل الهم (هو فعلا ف ظروف مش احسن حاجه وباباه متوفي ف شايل مسئوليه مامته وأخوه ) ف بدأت احس ب ناحيته انه كويس ومش حبه احس ب دا وعايزه الي يفوقني بجد لانه كان شخص مؤذي وكداب ونسيت اقول اني كنت بشوف حجلت كتير بعيني ع فونه كان بيقعد يحلف انه مش هو كنت بحس اني خلاص دمي بيغلي يعني لو مش انت هيكون مين وكنت برضي ضميري واخش ع الاك اشوف مين فيه مش بلاقي حد ف كنت ببقى زي المجنونه

ليه انا كبنت ممكن ارجع من برا البيت احس اني هورني مع اني مش بتعرض لاي مؤثرات خصوصا لو مروحه متاخر هل في سبب لكدا🤡