u/Old_Resolution6276

hi yes I’m very dumb. so long story short I booked through an app and i kept going back and forth to check if the time was correct and somehow ended up booking basic instead of value economy. im now between two options: 1- cancel my booking and book again. 2- pay 170$ for luggage on return flight. I seriously don’t know what to do but I wanna see if someone was in my situation before and how did they manage? I saw someone on TikTok with the same experience as well. I been dreaming of this trip for over a year and I don’t want it to be ruined because of some overweight luggage. also not to mention that the dumb app was actually more expensive than the actual airways website. GOSH I don’t know what got into me during booking it!!

مرحبا ، حجزت على طيران الاتحاد وفيه ناس يقولون احجز مقاعد ولا إذا رحت المطار ماراح يركبوني الطيارة ، على موقعهم مكتوب فيه خصم على حجز المقاعد الآن والصدق اوفر تقريبا الاتجاه الواحد ٧٨ ريال الشخص من غير سعر التذاكر واحنا كثير ، أفكر ما اشتري كرسي واذا رحت للمطار القى ما يحتاج؟

وش رأيكم و وش تجربتكم؟

لقيت برنامج مفصل علي تفصيل ورهيب مره وسعره يا بلاش، الجامعة تصنيفها كويس بتخصصي لكن الدولة سمعتها سياحية "مو اكاديمية زي سنغافورة او ماليزيا مثلا" (وهذا الشيء يهمني نوعّا ما) وما فيها خريجين سعوديين لانها مو معتمده ، فهل تسوى اني ادرس فيها ؟ وهل عدم معادلة الشهادة يضرني ولا بس ياثر على الوظايف الاكاديمية ؟ اهلي يبوني ادرس ماستر مرره وبكون اول وحده بعايلتنا تدرس ماستر، بس ضايعه مره

طبعا البيئة اللي أنا فيها حاليا الله بالخير، ومافيه ترقيات ناس صارلها ١٣-١٧ سنة ماتغير حالهم، الصدق عاجبني الوضع انها اول وظيفة لي يعني اغلط عادي يمشي الوضع و أتعلم كثيييير من ضغط العمل احسها صقلتني. موضوعنا زميلاتي كلهم يشهدون لي ويحلفون اني اشطر موظفة شافوها ويقطعوني مدح، اليوم رديت عليهم بمزح "اجل بصير مديرة القسم" وانقلبت وجوههم وانطرموا حتى مجاملة ماقدروا يطلعونها؟ ومو اول مره، بداية السنة مدحوني بعد وقلت لهم "رشحوني الموظفة المثالية" وقالو توووك جديده. عمومًا دعواتكم اتركهم بالقريب العاجل واروح مكان يقدرني بس.

تعرفون لما تدمنون لعبة وتلعبونها من تصحون وترجعون من الدوام وتكملون لين قبل ما تنامون؟ هذا وضعي مع الباور بي اي طبعا ما توقعت أتقنه واتعلم له لكن ممتع جدا جدا، صرت احمل داتاسيت واشتغل عليهم وأتونس عليهم الصدق

كوحدة تخصصها صحي وودها تسوي كارير شيفت للادارة والعمل المكتبي وش رأيكم فيه؟ هل اخذ فيه شهايد مهنية ولا ما أتحمس مره ؟ ابي اسمع من ناس بالمجال وإذا تعرفون احد فيه، كيف طبيعة الشغل؟ لان مره مستمتعه فيه راضيه يكون my full time job

وايش افضل طريقة عشان اعرض أعمالي؟

السلام عليكم ، بالمختصر المفيد دوام المستشفى اهلكني شفتات وئررف ئرررف، وكل ما اتحلطم عند قريباتي اللي بالتعليم يقولون التعليم متعب اكثر ويتحلطمون عن مشكلاتهم مع الطالبات سواءّا مدرسة او بكالوريوس ، طبعا ماصدقتهم لين شفت المسلسل الكوري هذاك اللي صار ترند فترة، الحين وضعي الحالي وشو؟ جتني فرصة بجامعة قريبة لبيتي بمسمى assistant

، والصدق وقفت شوي افكر قبل اتخذ قرار اندم عليه، شوروا علي وابي تجارب ناس مرت بهالنقلة؟

كنت اقدم على وظايف لمدة ٤ شهور بشكل يومي وماجاني إلا قبول تمهير قلت ما اقدر احضر اول أسبوع عندي زواج ، وسافرنا لديرة الزواج وآلمني ضرسي دخلت الانستقرام أدور دكاتره اسنان من مدينتي وطلع لي صفحة مستشفى طالبين تخصصي بالضبط وقدمت عليهم ونسيت ، رجعت لتمهير بعد أسبوع داومت اول أسبوع واتصلوا علي المستشفى هذولا والحمدلله توظفت بأسرع طريقه خياليه

دبلوم مالية او ادارة ، او مدري صراحة اي مجال يخلي شغلي مكتبي ، مستحيل اسوي كارير شيفت وكل الوظايف تطلب تخصص معين بعدين استوعبت ان اختلاف الدرجة بيختلف الراتب ، مدري شرايكم؟ مو حابه مجال شغلي ابدًا ابدًا ابي اهرب بالمختصر

السلام عليكم قدمت على شاغر طالبينها والصدق مو عندي بس ابي اخذها باقرب فرصة وما ادري من وين او كيف، شفت واحد بلينكد ان ينزل جهات ويسوي لهم والظاهر يسويها اونلاين بس سعره مرررره عالي ، اللي يعرف وين اقدر اخذها اونلاين ياليت يساعدني

الحزام الاصفر والاخضر

اخصائية صحية مهلوكة تعبت من دوام المستشفى والشفتات وتبحث عن مخرج. حاليا قدامي خيارين شركات الاجهزة الطبية وشايفين نفسهم لي سنة اقدم عليهم ولا جاء حتى رد مع اني شاطرة وخبرتي بجهات قوية و معاي ايلتس ٧. الان اتجهت لشركات التأمين مع اني خلفيتي عنهم صفر فابي استفسر كيف البيئة وطبيعة العمل فيها؟ وايش المسميات اللي ممكن اكون فيها؟ ببدأ ادرس لشهادة IFCE

تخرجت قبل سنتين و تدربت امتياز بمستشفى قوي جدًا وله اسمه وسمعته ومايقبلون اي احد وحكوني بالارض من كثر الكرف، قعدت كم شهر عطاله بعدين رحت مختبرات تجاربة وكرفوني كم يوم بعدين سحبت عليهم لان ماكانو واضحين بالعرض، بعدين رحت تمهير بمستشفى كبير جنب بيتي وله اسمه بعد وكان الدوام كرف فعليًا الشغل مره كثير مو بسيط بس كنت اشتغل واقدم ويجيني مدح على قوقل ماب وما اشتكيت، وبعدها بفتره بسيطه جاني عرض وظيفي من مجمع طبي صغير وقديم ومافيه تنظيم كأنك بالقاهرة وكل المناصب والمدراء محتكره لبص حضرتك، الآن صارلي ٨ شهور معهم وعلى كثر ما اقدم جربت كل الطرق ماقدرت القى اي فرصة ثانية لا مستشفيات ولا شركات التامين ولا شركات الاجهزه الطبيه

احس اني افشل شخص على وجه الارض

يعني الحمدلله توظفت وعندي راتب بس هل هذا كل شيء؟ ما استاهل شيء اكثر؟ ما استاهل بيئة تطورني وتقدرني؟ 

عاجبني المجال واخطط اسوي كارير شيفت له بس ليش ما اشوف احد يتكلم عنه؟ وبكل المستشفيات اللي اشتغل فيهم اشوف اللي فيه أجانب نادر فيه سعوديين. وش رأيكم فيه بشكل عام ؟

ابي استفسر كم راتب الsales executive عندهم

وطبيعي اجراءات التقديم عندهم تطول ولا لازم referral عشان يعطوني وجه؟

قدمت على انتري ليفل بهذا المسمى و ابي اعرف ايش المهام اللي ممكن أتوقعها من الوظيفه؟

لقيت رحلة الصيف بأوقات روعة اقلاع وهبوط و ترانزيت روعة واسعار روعة

الموضوع شككني بحثت شوي لقيت كثير انتقادات عليه و ان الرحلات تتأخر ورحلة الترانزيت تطير قبل وصول الرحلة الأولى، غير انه يرفضون يركبون ويقولون اوفربوكد!!! صراحة خفت خصوصا انها اول سفرة أنا وأخوتي

احتاج رأيكم وتجاربكم ونصايحكم قبل احجز؟

السلام عليكم زميلتي اجنبية فنية سحب دم كبيرة بالسن ممكن بالسبعين عمرها مرة سحبت دم للبيشنت وماحطت باركود وضاعت العينة والمراجعة رفعت شكوى وهددت بوزارة الصحة، طبعا طلعت نفسها من السالفه ودبستها بموظفه ثانيه حطتها بالوجه هذي حركاتها، جانا مدير قسم جديد، وقبل يومين سوت نفس الحركة وكانت تبي تدبسها فيني بس تداركت الموقف قبل تضيع العينة وتهاوشت معها هوشه كبيره انه كيف تعطين عينه بدون باركود، امس برضو نفس الشيء جابت عينة بدون باركود وتداركت أنا الوضع قبل تضيع، الحين بعد ثلاث أغلاط ودي أحط لها خط احمر واشتكيها عند مدير قسم المختبر الجديد وش رأيكم؟ ووش أقول له بالشكوى؟ ودي اكلمه وجه لوجه بس وحده من معارفي قالت ارسلي له رسالة واتساب احسن، مابي اتصادم معها ترفع ضغطي مره والكل حاط لها اعتبار عشان عمرها