u/One-East4883

لو معك هالمبلغ او اكثر شوي، وش ممكن تسوي ؟ متجر الكتروني؟ وش بتبيع؟ او غيرها من الافكار بهالميزانية المحدودة

النفسية كانت مضروبة بمعنى الكلمة وشايل هم كذا موضوع ولكن سبحان الله بعد ماتعرض نفسك لضغط التمرين والحديد، ضغوطك ونفسيتك تهدا. نعم الرياضة مب حل سحري يخلصك من مشاكل النفسية للأبد، لكن تخليك اهدا وترجع تعيد حساباتك وتفكر بهدوء.

السلام عليكم،
اللي سبق وان استأجر شقة/استديو بشكل سنوي واعاد تأجيرها بشكل يومي/اسبوعي/شهري عبر التطبيقات مثل Airbnb أو Gathern، هل فيها فرصة؟ انوي بشكل جدي اشتغل في هالمجال. اللي عنده تجربة مشابهه ليت يذكرها او يتواصل عبر الخاص.

السلام عليكم،
سيارتي باترول بلاتينيوم v6 2024, و اليوم رحت للصيانة الدورية حقت 40 الف والمهندس قال اذا مشت السيارة 40 الف يفترض تغير زيت القير، زيت الديفرنس الامامي، وزيت الدبل ويقول هذا الشيء بناء على توصية نيسان نفسهم. وش رايكم بكلامه ؟ هل فعلا احتاج اغيرهم ؟

انا الان في سويسرا وقبل كم يوم في النمسا وقبلها في ميونخ. اغلب الايام الجو للأسف سيء جدا وكأنك ماطلعت من السعودية. ماتقدر تطلع الا اماكن مغلقة او متأخر بعد ٦ مساء. ولاتعتمد ابدا على التوقعات الجوية، انا كنا مخططين رحلتنا على اساس انها بعد نهاية موجة الحر والاجواء بتزين لكن للأسف الوضع غالبا نفس الشيء بإستثناء يومين. من بعد هالسفره مستحيل اسافر الصيف مره ثانية خصوصا لهذه الدول. اللي عنده مخطط لسفره قريب يراجعها بشكل جيد علشان مايخسر مال ووقت بدون مايستمتع بسفرته.

عندي سفره قريب وسمعت اني اقدر استفيد من بطاقة الماستر كارد ترافل (الاهلي) في كذا شيء ولا ادري صراحة وش ممكن استفيد منها ؟ مثلا لاونجات المطارات مثل الفرسان وغيرها ؟ وايضا سمعت اني اقدر استخدم اوبر او كريم مجاني للمطار ؟
اللي يعرف عن مميزاتها ليت يفيدنا مشكورا

السلام عليكم، نبي مكان قهوة مناسب وجوه ممتاز (مغلق) في شمال الرياض أو العليا لمتابعة مباراة السعودية اليوم

قبل/بعد التمرين ؟
غالبا اروح للنادي بعد وجبة الغداء بساعة تقريبا.
وش افضل وقت للقياس؟

هل هي مناسبة لهذي الفئة العمرية؟ وش نوع التمارين المناسبة لهم و هل تفرق في هرمون النمو؟

السلام عليكم، ودي استفسر من موظفين التمويل/المبيعات في البنوك، هل عندهم مشكلة في الحصول على عملاء يطلبون تمويل؟ وهل الجميع يقفل التارقت المطلوب منه ؟ وياليت اذا فيه موظف بنك او جهة تمويلية في هذا المجال يتواصل معي او يرسل هنا وانا راح اتواصل معه مشكورا.

السلام عليكم، انا محلل بيانات واحصائي وعندي وثيقة عمل حر، وين ممكن احصل اعمال ومشاريع ؟ وش افضل المنصات للسوق السعودي خصوصا؟

السلام عليكم وكل عام وانتم بخير، هل فيه احد حجز على طيران اوروبي قريب والغيت رحلاته ؟ انا حاجز على الايطالية شهر ٧ وتواصلت مع واحد من الشباب يشتغل في المطار وذكر لي ان جميع الطيران الاوروبي موقف له فتره ومتوقع يستمر التعليق للشهور القادمة واللي عنده حجوزات مؤكده بيجيهم الغاء قبل الرحلة بأسبوع. هل فيه احد جاه الغاء ؟ افكر الغيه الان لأن حجزي كان بإسترداد كامل المبلغ واحجز على الاتحاد. وش رايكم ؟

السلام عليكم، عندنا شركة صغيره (تحت التأسيس) في مجال تحليل البيانات. حاليا الفريق مكون من شخصين فقط والحمدلله عندنا الخبره اللي تخلينا على الاقل نبدا نشتغل. محتارين في نوع الخدمات اللي ممكن نقدمها (dashboards, data cleaning, data viz. )؟
او نخليها على حسب مايطلب العميل ؟

وايضا بخصوص التسويق، كيف ممكن نسوق لخدماتنا ؟ وش اكثر قطاع ممكن نستهدفه ؟ هل لو تواصلنا مع وكالات تسويق بحيث اننا نشتغل معهم ونكون جزء من خدماتهم ؟ وش رايكم؟

واللي عنده اضافه او نصيحة ليت يشاركنا بها.

السلام عليكم، عندنا شركة صغيره (تحت التأسيس) في مجال تحليل البيانات. حاليا الفريق مكون من شخصين فقط والحمدلله عندنا الخبره اللي تخلينا على الاقل نبدا نشتغل. محتارين في نوع الخدمات اللي ممكن نقدمها (dashboards, data cleaning, data viz. )؟
او نخليها على حسب مايطلب العميل ؟

وايضا بخصوص التسويق، كيف ممكن نسوق لخدماتنا ؟ وش اكثر قطاع ممكن نستهدفه ؟ هل لو تواصلنا مع وكالات تسويق بحيث اننا نشتغل معهم ونكون جزء من خدماتهم ؟ وش رايكم؟

واللي عنده اضافه او نصيحة ليت يشاركنا بها.

شريت ٢ كيلو صدور دجاج وللأسف نزلتها في المطبخ ونسيت احطها بالفريز ونمت وصحيت وصارت طريه لكن بارده توها بالكيس مافتحت. هل عادي لو اعدت تجميدها بالفريز او تعتبر غير صالحة ؟

وش غالبا يكون عشاكم خصوصا العوائل + ٤ اشخاص ؟ خفيف ؟ طبخ ؟
او بدون عشاء

وش طريقة استخدامهم له؟ هل مع مويه ؟ وكم الكميه ؟ او مع مشروب اخر.
انا احطه ب٣٠٠ مل ماء واخلطه بشكل سريع وعلى دفعه وحده او ثنتين. وطبعا مايكون ذايب مره. مدري اذا استخدامي صحيح او لا افيدونا مشكورين.

السلام عليكم،
ولله الحمد حصلت على درجة الدكتوراه من احد الجامعات البريطانية قبل مايقارب السنة، واعمل حاليا كعضو هيئة تدريس في احد الجامعات. تخصصي في البيانات والاحصاء ومهام عملي حاليا بنسبة ٩٠٪؜ تدريس + ابحاث وبعض المهام الادارية الروتينية.
ماعندي مشكلة بالتدريس وكذلك الابحاث، ولكن ارغب بتجربة العمل خارج القطاع الاكاديمي، سواء شركات او جهات حكومية كمتعاون أو مستشار (متفرغ او غير متفرغ). للأسف العلاقات عندي ضعيفة واعتقد أن الشيء هذا عائق لي للحصول على فرصة خارج الجامعة اللي عنده تجربة مشابهه، ليت يفيدنا بهذا الخصوص؟ وايضا من الافكار اللي عندي هو تأسيس شركة مرتبطة بالاحصاء والبيانات واركز عليها بدل محاولة البحث عن فرص خارج الجامعة.

انتبهو تخلونهم يتابعون كرة القدم السعودية أو يشجعون نادي سعودي وابعدوهم عنها بكل قوة. والله انها خطر حقيقي على جميع المستويات واهدار للطاقة.

الوضع عندنا هنا فيما يخص الكورة عبارة عن حرب وبعيد تماما عن المنافسة والتحدي الرياضي.

تعصب اعلامي غيي مقرف غير مراقب والتعصب هذا قاعد ينتشر للأطفال والمراهقين وللأسف احيانا برعاية الوالدين.

لو كان الوضع عندنا ينتهي بنهاية المباراة كان ممكن نقول مافيه مشكلة، لكن اللي يصير أن الطقطقة والسخرية تستمر فترات طويلة وغالبا تنتهي بمشاكل وشخصنة.

كثير من المدرسين يتكلمون عن الوضع في المدارس وكيف أن التعصب واصل لمراحل خطيرة وقاعد يأثر على شخصيات الاطفال ونفسياتهم.

الجميع خسران في هذا التعصب، اللي فريقه فاز او اللي فريقه خسر.

عيالكم امانة وشكرا.