u/Pale_mari

ازاي بتصحوا على المنبهات؟ انا بجد كنت بظبط بال ٢٥ منبه اقسم بالله المنبه مش بيطفي ساعتين كاملين والبيت كله بيصحى عليه واتهزق كل يوم على الصبح علشان مش بصحى اعمل ايه بجد؟ ومؤخرا نزلت تطبيق منبه وحطيت النغمه مزعجه تفجع والمنبه مش بيطفي غير لما احل ٥ مسائل ماث وامشي ٢٠ خطوه ،صحيت عليه اول يومين بس مفجوعه ومن بعدها بيرن في ودني مش بصحى ،الموضوع عاملي ازمه بجد لجنه العربي من سنتين ضاع منها ساعتين الا تلت بسبب اني صحيت متاخر ، ولحد دلوقتي احيانا بفوت دروس ومواعيد وااموضوع بجد مش بايدي ،ادوني حلول بالله 🙏🙏

شعري تقيل جدا وطوله واصل ل اخر ظهري وكيرلي ، كل مره بغسله ريحته بتكون حلوه طبيعي ريحه شعر نظيف ،بس لو سبته ينشف من غير ما اضفره بينفش جامد موت ومش بعرف المه خالص وبيبقى شكله سيئ كإني مجنونه متعرفش يعني ايه تسريح ، ومش بيرضى يتلم اصلا من كتر ما مش بلاقي توكه تلمه ، ولو لميته كحكه او ضفيره مش بينشف ممكن يقعد للغسله اللي بعدهة مبلول من جوا وطبعا ده بيعمل قشره وريحه مش لطيفه خالص ، اعمل ايه علشان الموضوع مرهق بجد ومش لاقياله حل

​

لما باجي اتكلم قدام مجموعه حتى لو صغيره ثقتي كلها بتتبخر ،انا شخص بعتبر نفسي واثقه في نفسي بشكل كبير، في اسوء الاحوال عارفه اني مثلا شكلي مش هيبان عبيط لما اتكلم ، بس دايما لما بتكلم قدام ناس مش عارفاهم لو مجموعه اكتر من ٧ مثلا او لو حسيت اني تحت ال spotlight بتوتر لدرجه اني لو ببتسم مثلا في كلامي شفايفي بترتعش وصوتي بيتهز وممكن عيني تدمع من التوتر ،مش عارفه ده ليه بجد ،قبل كده حالتي كانت اصعب كنت مش بعرف اتكلم وانا حاطه عيني في عين اللي قدامي بس الحمد لله تغلبت على النقطه دي ،دلوقتي ازاي ايدي وشفايفي وصوتي مبترعشوش وانا بتكلم علشان الموضوع مسببلي مشكله حقيقيه

بيبقى ايه وجهه نظر الولاد المتخلفين اللي بيستنوا عربيه تكون معديه وبنت قاعده جنب الشباك ف يدخلوا ايدهم ويضربوها ؟

كنت بسمع عن الموضوع دايما وان البنات بتتضايق بجد بس النهارده حسيت انه لا يقل حاجه عن التحرش لو مكانش تحرش علشان التحرش هو انك تلمس حد بدون اذنه ، وانا اتضربت حرفيا مش اتلمست وبصيت ورايا في ساعتها علشان اشتمه او اهزقه او اي حاجه بس العربيه كانت مشيت بينا حته حلوه والبجح لافف باصصلي بيضحك ، بجد موقف وحش اوي وايدي فضلت واجعاني لحد ما روحت البيت مسافه ييجي نص ساعه وكنت هعيط بجد من الخضه وبقيت مش عارفه اتنفس كويس انا حرفيا حتى مش فاكره كان شاب مثلا ولا مراهق عيل صغير من الفجعه ووجع ايدي فمش عارفه ادعي عليه ولا ادعي ربنا يهديه ويتربى

بيبقى ايه وجهه نظر الولاد المتخلفين اللي بيستنوا عربيه تكون معديه وبنت قاعده جنب الشباك ف يدخلوا ايدهم ويضربوها ؟

كنت بسمع عن الموضوع دايما وان البنات بتتضايق بجد بس النهارده حسيت انه لا يقل حاجه عن التحرش لو مكانش تحرش علشان التحرش هو انك تلمس حد بدون اذنه ، وانا اتضربت حرفيا مش اتلمست وبصيت ورايا في ساعتها علشان اشتمه او اهزقه او اي حاجه بس العربيه كانت مشيت بينا حته حلوه والبجح لافف باصصلي بيضحك ، بجد موقف وحش اوي وايدي فضلت واجعاني لحد ما روحت البيت مسافه ييجي نص ساعه وكنت هعيط بجد من الخضه وبقيت مش عارفه اتنفس كويس انا حرفيا حتى مش فاكره كان شاب مثلا ولا مراهق عيل صغير من الفجعه ووجع ايدي فمش عارفه ادعي عليه ولا ادعي ربنا يهديه ويتربى

احكولي قصصكم معاهم بدأت ازاي وانتهت ازاي ،بمر بمرحله من الحنين والحزن على طير فقدته ومش عارفه اتعامل ازاي مع الموضوع، مرت اكتر من ٥ شهور بس بعيط كل ما اشوف صور او فيديوهات واحنا بنلعب سوا او حتى لما بسمع صوتها ،فقدانها غذى خوفي من الفقد اكتر خصوصا ان ليا تاريخ مع الخوف من وفاه حد او كائن بحبه ومتعلقه بيه