عايز تروح مكان؟ روح.
معاك حد؟ حلو.
مفيش حد؟ عادي، روح لوحدك.

اتعلم تستمتع بوقتك مع نفسك، ومتخليش خوفك من إنك تبقى لوحدك يمنعك من حاجات نفسك تجربها. 💚

أنا لسه فاكر إن عيد ميلادي كان امبارح 1 أكتوبر 😂

والله كنت مشغول جدًا بالدراسة، لدرجة إني نسيت اليوم نفسه. فقلت أقولكم دلوقتي بدل ما اليوم يعدّي كده وخلاص.

وعارف إن الاحتفال بعيد الميلاد فيه اختلاف بين العلماء، ومش قصدي أفتح نقاش في الموضوع، أنا بس حبيت أشارككم بشكل بسيط.

المهم، ادعولي إن السنة دي تكون أهدى وأحسن، وربنا يوفقني وإياكم، ويرزقنا راحة البال ويكتب لنا الخير في اللي جاي 🤲💚

وشكرًا لكل حد افتكرني أو دعالي، حتى لو بدعوة بسيطة.

انا شخص حلمي لما أتجوز أخلف بنت لأن فعلا أحلي خلفة هي البنات ونفسي جدا وعشان برضو أنا بحب البنات ده بجد ( حاجه بديهي موت )

المهم أني لسه كنت بكلم واحد وبقوله ياه لما اتجوز وأخلف بنت لقيته قالي يعم بينات مين هي ناقصه، أنا هنا أتصدمت وقولتله ليه؟ لقيته بيتوه في الكلام وعاوز ينقل الحوار رحت زعقت وقلت ليه فهمني بقا وجهة نظرك لخلفة البنات

قالي : يعم دي هتبوظ شرفك ( قاصده علي كلام الشباب وكده)

أنا عملت أيرور 404

فقلت ليه ده علي حسب التربية

قالي ولو برضو هي هتبوظ شرفك

هو لسه فيه حد بالعقليات دي ؟ أن حاليا مصدوم بجد

يخرب بيت البورن الي بوظ الناس وبوظ عقليتهم وييجي واحد يقولك ده انا بتفرج كده وخلاص

بجد انا مصدوم

اختلاف الرأي لا يفسد للود قضية

الشعب المصر :

وربنا فيديو أيقوني

لسه عارف معلومة صدمتني :

أن الإنسان لا يقدر علي فعل معصية الا باستعمال بنعمة من أنعم الله عليه.

وبحثت شوية لقيت أقوال من الناس الصالحين ومنها قال ابن قدامة المقدسي رحمه الله:

>«واعلم أنك لا تقدر على معصيته إلا بنعمته؛ فكم له عليك من نعمةٍ في يدك التي مددتها إلى معصيته، وكم له من نعمةٍ في عينك التي نظرت بها إلى ما حرَّم عليك، وفي لسانك الذي نطقت به بما لا يحلّ لك.

المهم أني لسه مصدوم

بجد ده من افضل ( إن لم يكن الأفضل) الفيدوهات الي اتفرجت عليها علي يتيوب

القناة جميلة أنا تابعتها من فترة ولكن مكنتش بتفرج الفيديوهات كانت طويلة شوية وعشان تتفرج المدة دي لواحد انت اصلًا متعرفوش فده صعب .

الفيديو ده مناسب لأي واحد يكون إنسان .

وقال جملة جميلة جدًا :

انت برَّك بوالديك مش لأن هما يستحقو ولكن لأنك تستحق تكون ابن بار بوالديه.

بحبك يا جدي ( قصدي علي صاحب الفيديو)

لسه بادئ اشوف افلام واقترحو عليا افلام عشان مبحبش استني للحلقة الجديدة وكده

انا عاوز افلام رعب نفسي

أنا كإنسان داخل تالتة ثانوي أزهر وعاوز أخد منحة، عندي استفسار معين ومش عارف أوصله بشكل مرتب، بس هحاول 😂.

هل أنا لازم أدخل في المجالات اللي بقت منتشرة حاليًا زي الـMarketing والـDigital Marketing والـGraphic Design والـMedia Buying، والمجالات اللي بقت مطلوبة في السوق دلوقتي؟

ولا عادي جدًا إني أتخصص في مجال مختلف تمامًا، زي الهندسة أو الطب أو القانون أو غيرهم؟

مش عارف ليه حاسس إن أغلب الناس بقت متجهة لنفس المجالات دي، وكأن لازم الواحد يدخل فيها عشان ينجح أو يلاقي فرصة.

أنا أصلًا عاوز أخد منحة، لكن لسه مش محدد هخد منحة في إيه بالضبط.

أنا شايف نفسي مهتم بالتسويق، بس مش التسويق بالشكل اللي منتشر حاليًا، يعني مش قصدي إني أكتب محتوى، أو أصور فيديوهات، أو أشتغل Sales وأبيع لعميل.

أنا أقصد التسويق من فوق خالص؛ أفهم هو بدأ إزاي، وإزاي الإعلانات اتطورت، وإزاي الشركات بتفكر، وإزاي بيتبني السوق والـBrand والـPositioning والاستراتيجية من الأساس. يعني عاوز أفهم التسويق كعلم وفكر، مش مجرد تنفيذ.

فهل لازم عشان أدرس النوع ده من التسويق إني أتخصص أصلًا في Marketing في الجامعة؟

ولا ممكن مثلًا أدرس هندسة أو طب أو أي مجال تاني، وأفضل في نفس الوقت بكتب وبقرأ وبدرس التسويق، وأبني نفسي فيه؟

عارف إن الكلام ممكن يكون عشوائي شوية ومش مرتب، بس الفكرة لسه مغبشة في دماغي، فحابب أسمع آراءكم وتجاربكم.

وآسف إني طولت عليكم 😂.