u/Pretend-Regular-8556

I'm genuinely surprised this song never got the attention it deserves

قبل شهرين تقريبا انصبت بمرض معين وقعدت بالمستشفى لفترة والي قهرني انه شخص جدا حبيته بحياتي تركني فجأة بدون سبب بأول يوم دخلت فيه المستشفى.. حرفيا كنت بحس بوجع عاطفي وجسدي بنفس الوقت وأنا قعدت اتسائل ليش ممكن شخص يعمل هيك ليش الناس بس تحس انك ضعفت بتتركك؟ بدي ناس فهمانين يجاوبوني لأني صارت تجيني افكار سوداوية وصرت اتجنب الناس حتى المنيحة وبطلت بدي شريك حياة وبدي اكمل حياتي لحالي :(

انا جسمي نحيف بس حابب احصل على امتلاء صحي بوجهي هل ممكن انصح بمنطقة معينة بالجسم واحافظ على نحافة باقي الجسم؟ اذا نعم شو ممكن اعمل؟

برأيي الشخص الي بنحرف عن الموضوع وبستغل موقف معين وبوجه التهمة عليك بطريقة غير مباشرة تخلي الجمهور يتعاطف معه عن طريق استغلال نقاط ضعفهم لصالحه مع انك ما بتكون الفاعل😵‍💫

شو المعيار الي ماشي عليه الإله عشان يحدد متى بده يكون يوم القيامة؟

هل ممكن بس تخلص كل الاحتمالات والتجارب الفلسفية على البشر؟

قبل فترة انصبت بمرض ولا يجي علي صاحبي المتدين وبنص السوالف فجأة بقلي: هاي مية بالمية عين معلم.. ترد علي؟ اقرا سورة البقرة كاملة عقعدة وحدة عيب علي ما ترجع زي الحصان.. ولك ملعون ابو تعريص

.

كنت دايما متضايق من أبوي وأسلوبه معي.. علاقتنا كانت سطحية وفيها اضطراب نوعا ما وما عمري حسيت بقرب الأبوة منه أو انه قريب مني فعلا

بس مرت علي فترة مرضت فيها بمرض معين وهاي الفترة بصراحة خلتني أعيد التفكير شوي بنظرتي إله. من أول المرض لآخره كان يزورني تقريبا كل يوم ويسأل ويتابع ويضل موجود. حسيته انسان ثاني وانصدمت من كمية الاهتمام اللي اجت فجأة خصوصا انه ما كنت متوقعها منه

يمكن أبوي متبلد عاطفيا وما عمري طقته بس وقت ما احتجته لقيته. انا متقبله زي ما هو بدون ما انكر صفاته السلبية لانه مافي انسان كامل

مرات الواحد لازم يحاول يفهم الناس وطبعها بشكل أعمق وما يفترض أشياء سلبية بشكل مسبق أو يحكم على كل شيء من زاوية وحدة.. المواقف الصعبة هي اللي بتبين معدن الناس.

لازم نسوي فعاليات بزبطش نضل متخبين هيك😖

الحياة جميلة بسبب الألم. الواحد ما بشعر بلذة الراحة إلا بعد التعب ولا بحس معنى النجاح إلا بعد الفشل.. وهالاشي بخلي المعاناة جزء أساسي بعطي التجربة الانسانية العمق والمعنى.

السعادة الدائمة الخالية من أي نقص مع الوقت بتفقد أثرها النفسي، لما تختفي التحديات بختفي شعور الانجاز وبتتحول المتعة لحالة روتينية بلا قيمة

عشان هيك بشوف الحياة تجربة أكثر قيمة وأغنى فلسفيا من الجنة.. شعور لما تتعب تتوتر وبعدين تنتصر وتتطور هون ينخلق المعنى والقيمة

زي لما تلعب لعبتك المفضلة بتستمتع فيها لما تعيشها زي ما هي.. تتعب فيها تتطور وتخسر وتفوز بس إذا نزلتها مهكرة ويصير كلشي متاح بلا جهد بختفي الحماس والشغف تدريجيا