نصائح و اقتراحات لبنت مصابة ب ADHD
الحالة
بنت مصابة ب ADHD، و حاليا إجازة دراسية من الجامعة و هتستمر شهر أو أكتر بشوية. طبعا كونها شخص شره لإستهلاك الإنترنت و خصوصا المقاطع القصيرة و مع عدم وجود دراسة أو روتين يومي. أصبحت تقضي وقت طويل جدا على الهاتف و بدأت تحس إن ده مأثر عليها بشكل سلبي. و وجب التنويه إن البنت إجتماعية و ليست إنطوائية
جربت تنزل تشتغل لكن الوالد مش راضي + أصحاب الشغل عايزين يمضوا عقود أقلها سنتين و في حالة الاستقالة قبل انتهاء المدة يتم دفع غرامة. الوالد معترض لأنها لازالت تدرس و أيضا لأنه يوفر لها كل ماتحتاجه و أكثر.
جربت القراءة لملء وقت الفراغ لكن في نصف الطريق لاتستطيع الإكمال.
- - -
المشكلة
البحث عن أنشطة أو هوايات أو أفكار تساعدها في أن تشغل وقتها و تستغله بشكل أفضل، أملا في تقليل استخدام الهاتف و يحب أو تكون الأنشطة متوافقة و مناسبة لطبيعة شخص عنده ADHD.
- - -
الإقتراحات المطلوبة
يفضل اللي يرد يكون عنده ADHD، ولو كانت بنت هيكون أفضل لأن التجربة غالبا هتكون أقرب.
ياريت تكون الاقتراحات عن تجربة شخصية، مش مجرد نصايح عامة.
- إيه الأنشطة أو الهوايات اللي قدرتوا تستمروا فيها؟
- إزاي قللتوا استخدام التليفون؟
- إيه اللي ساعدكم تعملوا روتين أو تستمتعوا بالأجازة؟
أي تجربة حقيقية أو نصيحة عملية هتكون محل تقدير.
شكرا مقدما لكل اللي هيشارك.