فيهي حماس وطاقة كبيرة بأذن الله ناوي استمر وخصوصًا انه عندي صديق اتمرن معه وبيساعدني هالشيء استمر ان شاء الله
انصحكم كلكم تدخلوا جيم ممتع التمرين ويشيل التوتر👌
اقيم تمرين اليوم 10/10
سؤال للمتعة، هل الرغوة والفقاعات تدل على التخدير الممتاز أم مجرد صبة قوية ؟ ولماذا ؟
وما تقييمكم لرغوة؟😇
هذا اول pc شريته وهو اللي حببني بالتقنية والالعاب، صح ما اعتبر نفسي قيمر كثر ما اني مبرمج لكن لعبت فيه العاب كثير، قبل ثمان شهور شريت لابتوب خارق ومع ضغط الدراسة سحبت على ال pc وصار جهازي الاساسي اللابتوب.
الحين رجع لي الشغف وعندي الفلوس عشان اطور من مواصفات ال pc لكن اخاف اطوره واسحب عليه 🫣
لو طورته استخدامي له بيكون برمجي و ترفيه مثل مشاهدة افلام، مسلسلات الخ شرايكم اطوره ؟ طبعًا لو بطوره ف بشاركم الرحلة وبستشيركم بالقطع
أعطوني ارائكم ونصائحكم، شكرًا 🙏
بكرة عندي دوام من ثمان الصباح
السلام عليكم، مبدئيًا هذي سيارة صاحبي سيارته النترا موديل 25 والغلط عليه 100% لكن الطرف الثاني تنازل، الحين يبي يصلحها كم تقريبًا تقدروون سعر الصدام والرفرف و الباب واي اشياء ثانية وهل الباب لازم يتغير كامل ولا يتصلح بطريقةً ما بدون تغيير
(المدينة الدمام)
وشكرًا 🙏
كنت انا والوالدة في مول ودخلنا محل ماركة معروفة وقلت لها تذكري لما زمان وانا صغير ما تشتري لي الا من ذي الماركة، قالت ايه وقلت لها خلنا ندخل نشوف المحل وراحت لقسم الشنط وقلت لها اختاري اي شنطة ودك فيها وبشتريها لك ومرة انبسطت 😌
فخور جدًا انه جا يوم صرت اشتري لها بدل ماتشتري لي😇
كنت اكلم واحد من اهل المدينة وسلمنا على بعض وسألنا عن احوال بعض، بعدها سألني وش انت؟
وش انت المقصد فيها وش ارجع له من قبيلة ولا سؤال عن الحال ؟
وين اقدر القى محل يبيع شاي الوزة تلقيمة (محصول مو للشرب) بجانب الحرم، دورت كثير للاسف مالقيت بكون شاكر لو تدلوني على محل🙏
شرايكم ؟
السلام عليكم، انا شخص استعمل الذكاء الاصطناعي كثير بالدراسة، سواء للفهم او للاختبارات اونلاين، لكن اذا كان الواجب بنسأل عليه حضوري او عليه برزنتيشن اسويه بنفسي واخذ شوي مساعدة واقتراحات من ال AI، الزبدة قبل كم يوم كان عندي essay بمادة كتابة وبحث انقليزية والدكتور الصدق مو مهتم مرة ومايدقق كثير ف قلت ليش اتعب نفسي ؟ خلني اسويه بالذكاء وحتى ماقريته ورسلته لدكتور، الزبدة لقيت انه الدكتور نقصني عشر درجات (100/90) الواجب ذا عليه 15% من المادة يعني نقصت 1.5 درجة قبل الفاينل، المهم جيت بقدم البرزنتيشن عن ال essay ذا ولاحظت الكل عارف موضوعه وفاهمين وكلامهم مميز وعارفين يوصلوا افكارهم، عرفتوا اللي يعرف يتواصل كويس؟ كذا كانوا الطلاب وهم يشرحوا، والبعض استخدم الجوال ويقرا مباشرة منه وانا كنت منهم(اول مرة اسويها بالعادة اشرح من قلب ) ، طبعًا الدكتور مايمانع والكل اخذ مئة بالبرزنتيشن و طيب كلمته وقال اسف مقدر اعدل درجة ال essay لكن تبشر بالفل بالبرزنتيشن مع اني قاري من الجوال وما استاهلها ادري، ولو بستاهلها بتكون من ناحية وحدة وهي اني كل يوم ذا الترم وانا احط ال HDMI بالشاشة لدكتور لانه شايب ومايعرف، والصدق هو يحبني واتكلم معه كثير ومايقصر ابد.
انا عادي مو حزين اني نقصت يعني درجة ونص بالنهاية ولا شي ولا تاثر ان شاء الله، بس حسيت انه لو بكمل على ذا الوضع وبحط كل اعتمادي على الذكاء ف بخسر نفسي، وبخسر تواصلي الكلامي بالمستقبل، اللي اقصده يعني لما اتوظف على خير احس ببتلش وتواصلي بيكون معدوم لانه كل دراستي والبرزنتيشنات كانت AI
كذلك حسيت انه حرام المفروض احل واتعلم بنفسي حتى لو اخذت كم دقيقة زيادة، مع العلم اني احط مجهود كبير بالدراسة، لكن اذا سنحت الفرصة استخدم الذكاء للمساعدة او للاختبارات اونلاين بس.
شرايكم انا مكبر موضوع استخدام ال AI ولا عادي اكمل استخدمه كمساعدة وما استخدمه بشكل اساسي بكل شي، علمًا انه كثير من الدكاترة لاحظت انهم مايمانعوا استخدم ال ai للمساعدة بواجباتهم لكن ممنوع الغش...
وشكرًا انك ضيعت وقتك تقرا كلامي🙏
اكثر من مرة اسويه واخليه ساعتين واكثر والنتيجة يكون خفيف او شاي عادي، مايستوي عدل ف يمكن طريقة اعدادي غلط اذا عندكم علم كيف المفروض اسويه او اي نصائح بكون شاكر🙏
وش نوع الشاي اللي المفروض استخدمه؟
وكم غرام المفروض احط ؟
وكمية الماي ؟