u/Repulsive_Middle_738

اول شي كلامي ما ينطبق على الكل لكن ينطبق على حالات كثيره وانا هنا اطرح اسوأ الاحتمالات، اذا كان باين ان اهلك حارمينك من كثير اشياء دراسه وظيفه قياده الي بيجي يخطب بيخطب عشان هالسبب بيشوف انه اذا اهلك ما عطوك هالحقوق ما بتتوقعين منه يعطيها لك، اذا كنتي ساكته اغلب الوقت بالتجمعات النسائيه وهاديه وتترفعين عن الرد على اي كلام مسيء الامهات بيترجمون هالشي لضعف شخصيه بالنسبه لها ما فيه احلى من بنت ضعيفه شخصيه ما تعرف تدافع عن نفسها او تبدي رايها معناته ولدها بيكون مرتاح لانك ما بتجادلينه ولا بتناقشينه ولا ممكن يصير بينكم اي مشاكل دامك بتسكتين وترضين بكل شي، اذا كان معروف ان بيتك مو مستقر او امك وابوك منفصلين او احد منهم متوفي بيجونك خطاب بس عشان هالسبب بالذات الخبيث الي بيستغل هالشي بيقول اكيد هي بترضى عشان تفتك منهم ومن مشاكلهم واليتيمه بالذات تنتبه كثيرين بيستغلون هالشي بيشوفون ان ما وراها احد ووش ما سوا فيها محد بيوقف بوجهه

اذكر قبل كان عندي صديقات واااجد لين ٢٠٢٣ بعدها سحبت على الجوال والحين ما عندي شي وطفشانه ابي صديقاات جربت طرقي قبل دخلت قروبات كلهم صغار وما جازوا لي، حاولت اكون علاقات من الالعاب اغلبهم صغار اعمارهم من ١٤-١٦ والي تضبط علاقتي معها تفجعني بعدين بحركات غريبه غير ان سوالفنا كلها باللعبه ما تطلع برا اللعبه ابد

بس مابي احد يعرفني😞😞 فكرت اعدل على وجهي كثير بالتيك واضيف فوقها فلتر يغير الملامح بس ملامحي مميزه واحس مهما عدلت باقي واضح انها انا

اذا ايه عطوني الاسباب

وش الافضل للتحول الدولي لامريكا تحديدًا؟ من ناحية الرسوم والسرعة

1-تطبيقات الاستبيانات(يعطونك اسئلة تجاوبين عليها واذا خلصتي تستلمين فلوس)زي attapol او pawns ممكن تطلع لك باليوم من دولار الى 5 الاستبيان الواحد ربحه من ١٠ سنت الى دولارين على حسب في تطبيقات كثير بحط لها صوره تحت طرق السحب paypal (ياخذ عموله ٥ دولار على كل تحويل(
\*تحتاج صبر ووقت والفلوس قليله يعني تشتغلين ساعتين تقريبًا بالاخير تطلعين من ١٠-٢٠ ريال ممكن تفيد الي ما عندها حساب بنكي ولا تقدر تشتغل\*
2-ادارة حسابات السوشال ميديا
مو شرط تدورين بمواقع التوظيف تقدرين تبحثين بقوقل ماب عن صالون وتكلمينهم تشوفين اذا محتاجين احد يمسك التسويق او يصمم لهم او تعرضين عليهم تمسكين خدمة العملاء وتاخذين بالشهر الف او الفين على حسب الشغل
* اعرف بنت ماسكه حسابات ثلاث محلات مختلفه ومجموع رواتبها ٥ الاف*
3-الطبخ
سهل ويطلع فلوس بس مو افضل خيار اذا اهلك بيعارضون بس الي بتشتغل فيه لازم تختار شي مميز غير ورق العنب او التيراميسو صاروا مستهلكين شوفوا افكار بالتيك او بنترست مثلًا الكوكيز لو تسوون زي حقت كرمبل كوكيز بالنسبه للتسويق اذا ما مشى معكم تقدرون تسجلون في تطبيقات التوصيل زي جاهز بس لازم تطلعون وثيقه ما اذكر اسمها ابحثوا وبتلقون التفاصيل بالنسبه للتطبيقات تقدرون تحطون فيها ماتشا او قهوه بس زي ما قلنا قبل لازم افكار مميزه مثلًا تيراميسو لاتيه
4-مودل
اذا طولك وجسمك يناسبون بس تحتاجين اضاءه ومكان مناسب تقدرين بالبدايه تصورين وتنزلين بحسابك حتى لو تبدين بملابس من شي ان عادي قبل فتره شفت وحده ببدايتها تعرض ملابس شي ان بعدها صارت تصور لبراندز او ممكن تروحين لحسابات الفساتين والعبايات وتقولين لهم يرسلون لك وتعرضين لهم مجانًا بالبدايه وتتفقون اذا ضرب الفيديو وجتهم طلبات منه يعطونك حقك
5-انفلونسر
مو شرط تكونين متميزه عن الباقين ومو لازم تطلعين وجهك يكفي ان عندك متابعين ومحتواك يناسب المجال الي بتستهدفينه نزلي كم فيديو فيه نصايح سكين كير وجمعي متابعين ثم روحي لبراندز السكين كير واطلبي pr كثييير براندز يعطون(اتكلم عن الاجنبيه زي الكوريين غيرهم ما اعرف)

قلة التواصل مع الناس مُضره واذا ما تبون تتواصلون مع اهلكم عندك الجوال العبي مع الناس وتواصلي معهم منها تطورين مهاراتك وتكتسبين صداقات جديده واذا ما تقدرين عندك الذكاء الاصطناعي جيمناي مثلًا كلميه صوت وقولي له ناقشني بأي موضوع او سولف معي بالموضوع الفلاني او ادخلوا بثوث التيك وسولفوا
*ترا قصدي التواصل بالصوت مو الكتابة، الكتابة ما بتنفع*

كثير اشوف البنات يقولون اذا صار معك فلوس محد بيفتح فمه وبتسوين الي تبين بس الي اشوفه بواقعي غير وحده من اقاربي متوظفه كانت تروح لوظيفتها مع سواقه(مو سواق لان اهلها مو راضين طبعًا🥰) بعدين وبعد كثير من محاولات الاقناع شرت لها سياره "من راتبها" "من تعبها" بس اخوانها وابوها متحكمين بكل طلعاتها! مستوعبين ممنوع تطلع لاي مكان غير الدوام؟؟ تروحين للدوام وترجعين للبيت ومره اخوها لاحظ ان سيارتها مو موجوده عصب مره ودق عليها قال وين رايحه؟ قالت للبقاله القريبه قعد يهاوشها! مستقعدين لها على اي طلعه تافهه وين المشكله بالضبط هل هي بشخصيتها؟ هي مو ضعيفه شخصيه بس سألتها مره ليش ما توقفين بوجههم؟ انتِ مو بزر عشان يمشي كلامهم عليك قالت ما ابي اتصادم معهم مدري وش ممكن تكون رده فعلهم واضافة ثانيه الوظيفه ما كانوا راضين عنها اصلًا بس انها توظفت لما كانت متزوجه وبعد الانفصال رجعت لهم وباقي مستمره فيها لان محد منهم يبي يصرف عليها

معدلي ممتاز وتوني مخلصه سنتي الاولى بس ما اقدر احول لظروف بأجله للسنة الجاية وما تفرق معي جامعه حكوميه او اهليه المهم بالرياض