u/Sad_Wafer_7203

أمها رماديه و أبوها برتقالي و طالعه باللون الغريب ذا ، ٢٤ ساعه نايمه خير طيب أبي العب معك

على الأقل الخطه نجحت بعتمدها

مو معقول لعبه نازله من ألفين و حطبه بستين دولار سلامات ؟ طيب على الأقل حطوها بالبلس مع باقي سلسلتها و فوقها يبون يشيلون الأشرطه قبل أنا و أخوي نشري مجموعه شرطان مع بعض لأنهم برخص التراب و الحين الله يخلف و بعد ما يبونا نشارك حساباتنا و ننسخ من بعض أخخخ طيروا بس ، ودي أحول للبي سي بس ما أعرف أجمع قطع تنصحون بالجاهزات ؟ و إذا إيه من وين

السلام عليكم
أنا بعد كم يوم بختبر خمس أجزاء من القرآن و أحتاج وحده أسمع لها علشان ما أخبص تجويدي ممتاز فقط أحتاج وحده تفتح القرآن و تتابع معي و إذا غلطت بالحفظ تصححلي ما راح أفتح سوالف فقط بدق عليك و بنسمع قرآن وربي بدعيلك و أتصدق عنك بس جد أحتاج مساعده بتكسبين أجري ، بنات الحلقه قاعدات يراجعون لإختباراتهم و صديقاتي كلهم عندهم مناسبات أحس عيب أطلبهم يراجعون لي و أنا أدري إنهم مو فاضين و أظن برتاح إني أسمع لوحده مجهوله أكثر من اللي أعرفهم ، اللي فاضيه اليومين الجايه تراسلني ، دعواتكم و الصوره للفت الإنتباه فقط

update: لقيت وحده شكرًا باقي بس دعواتكم افلح بالإختبار 🫶🏼

حيواني المفضل أبي أروح الصين و أخطف واحد منهم

جاني اتصال قبل المغرب و رديت و طلع صوت بنت تسأل عن أحوالي و سألت من إنتي قالت إنتي مو منار قلت لا و قالت باي و سكرت المكالمه أنا اختصرتها لكم بس اللي بالمكالمه كانت تحاول تفتح سوالف من ولا شي بس كان فيه شي غريب جدًا لاحظته بالمكالمه و اللي هو صوت فتح فويس أنا شغلت الإنذارات بمخي و رحت أدحوس وراء الرقم و طلع واحد اسمه فواز و هنا تأكدت من شكي و دقيت على 999 و شرحت اللي صار بتقولون ليش أدق و إذا رجال ؟ زوجة عمي صار لها سالفه شبيهه بس بالواتس واحد قعد يسولف و يسوي نفسه من الحريم اللي تعرفهم و زوجة عمي الله يهديها ردت بصوت و بعدها بفتره جوها ناس من اللي تعرفهم يقولون متى تردين لنا فلوسنا و قالت متى أخذت منكم طلع اللي مكلمها من فتره ماخذ صوتها و مستخدم الذكاء الإصطناعي علشان يتسلف من اللي حولها علساس هي اللي تبي الفلوس و انها محتاجه و قلت ابلغ علشان محد يجي يتبلاني ، بعد ما كلمت الشرطه و شرحتلهم قالولي أرفع بلاغ على كلنا امن بس قبل لا أرفع البلاغ رحت دقيت على الرقم لأن أبي اسمع صوت اللي تكلم و تثبت عليه ورد علي بزر واضح ما بعد بلغ أعطيه ثالث متوسط كحد أقصى و واجهته قلت أنت فواز ؟ سألني من أنا و قلت أنت مسوي نفسك بنت و برفع بلاغ على هذا الرقم و قفل بوجهي + حبيت أنبهكم لا ترسلون أصوات لأرقام مجهوله و إذا لقيتوا أرقام زي كذا بلغوا على طول و رجاءً انتبهوا على بزرانكم فتشوا جوالاتهم اللي صارلي اليوم نتيجة قلة الرقابه من الأهل

قطوة أختي دلوعه و بيكمي لأبعد درجه و تحب تلعب و أنا ما أقاوم و دايم ألعب معها برجليني ( لأني مالي خلق اغسل يديني كل خمس دقايق ) و المهبوله شكلها ربطت بين رجليني و اللعب و صايره لاصصقه برجليني أقرب مثال قبل شوي و أنا أسوي الفطور تبطحت عند رجليني و أنا أطبخ و حتى لما قعدت أجهز الصينيه تبعتني و تبطحت عند رجليني ليتها تجلس بشكل عادي ولا جلسة التوست لا تتبطح و تفتح بطنها يعني لو بدعسها بالغلط بطنها بتنفغص و الطامه بالفتره الأخيره صايره تتبطح قدام باب غرفتي يعني لو طلعت و أنا ماني منتبهه بتودع و هي أتوقع إنها مهجنه مع فصيلة أقزام لأنها بتكمل سنه و للحين حجمها صغير يعني فوق التبطح حجمها صغير و ما راح انتبه لها بسرعه ، يا إنها مسببتلي قلق صرت لما أطلع من الغرفه أسمي علشان لا سمح الله أدعسها بالغلط شسوي فيها ذي شلون تتعدل

أرسلت لدكتورتي إيميل استفسر عن حاجه بالماده و ردت علي و و أرفقت لي رقمها 😮، اعترف أنا طاقه حنك معها لأني اشوفها نابغه و عالمه و لما تسولف ودي ما تسكت ما شاء الله لا قوة إلا بالله تعرف تشرح و مثقفه و لما تطرح مواضيع عن سوق العمل و كيف نطور مهاراتنا دايم أشارك معها و أتفاعل و أنا أصلًا طول المحاضرات قدام وجهها و أشارك باختصار دافوره ، أحس إني ترقيت من طالبه إلى صديقه وناسه