u/Shakria8016

لاحظت بكثير فيديوهات توعوية،مثلاً نحكي عن فيديو بيناقش الجرائم بالشرق الاوسط،بدل ما نناقش المشكلة و نحلا منلاقي بعض التعليقات "حتى الغرب هيك" يا رجل منعرف الغرب عندهم جرائم،بس ليش غيرت الموضوع؟شو دخل؟

(هاد مثال مشان ينفهم منشوري،بس كلامي عن كل الفيديوهات الي هيك،حتى فيديو توعوي لجنس معين بتلاقي "طب الجنس الفلاني طكان بيعمل الشغلة الفلانية" او حتى كيوتيوبر بتلاقي تعليق بفيديو انتقاد لشخص "اي حتى فلان عمل اسوأ هاد ليش تحاسبو" و تتعدد الامثلة)

معلش المنشور ممكن يكون طويل و بصراحة كثيييير صعب كتابة المنشور لأني ما كثير عرفت رتب افكاري،الموضوع معقد و ما بعرف وين ببلش و وين بنتهي و ما بعرف من وين بلش.

أبي...كبير بالعمر،شي 70سنة،و فرق العمر بيننا كثير كثير كثير كبير،و هو طبيب يا دوب بيشتغل،يعني ما بجيب اكثر 700الف باليوم كمعاينات، و اذا الله انعم علينا ممكن يكسب من عملية مبلغ بالملايين،بس هي ما بتجي غير نادراً،٤ او ٥ مرات بالسنة على الكثير.

و هذا المبلغ لحدا بهاد العمر قليل،لأنو طبيب من اكثر من ٣٠ سنة،يعني مفروض يكون هلق لافف رجل على رجل و مرتاح و عايش على الي خباه و كنّزو طول حياتو و مسيرتو،بس هو ما مخبي شي و ما تطور و لا اي تطور و ما عندو ذكاء مالي و لا ١% ،و حتى اي حدا ممكن ينصب عليه،حتى طفل صغير بالشارع بيقدر يخدعو

و هو كان من قبل يشتغل اكثر،هلق بس دوام ٣ساعات،كان من قبل اكثر من هيك بكثير،بس هلق لان مرض اكثر من مرض خلاه ضعيف جداً جداً جداً جداً جداً،و عصبي كثير كثير كثير كثير،رغم انو هو اصلا عصبي كثير كثير كثير كثير و ما بتعب حالو يخفي الموضوع اصلا و لا يسيطر على حالو،غير انو هو انسان مانو حنون ،حساس بس مانو حنون،يعني اقصى شي بيعملوا يشتري حاجيات المنزل مو اكثر،و بعتبرا قمة الحنان و بحب الحكي بشكل واضح،كنت فكرا علامة حنان لحد ما لاحظت انو هو هيك مع الكل،حرفيا مع الكل،غير انو بسبب عدم ضبط اعصابو بعصب على اي مريض شوما كان يكون، و بضطر الواحد يفكر بالكلمة عشرين الف مرة قبل ما يقلو ياها لأن اي كلمة بيشوفا مخانقة،بالاخص مع الوالدة و برمي كلام بعدين بيستوعب الاشياء القاسية الغبية الي قالا و بيندم،بس طبعا ما بيتعذر مشان الAura✨️

و غير كل هاد انو مانو مسؤول أبداً أبداً،كل الحِمل على ماما،تصليحات البيت على الوالدة (يعني الاشراف على العمال) ، المعاملات المالية عليها،الفواتير عليها،يعني هو فعلياً روتينو اليومي عبارة عن شغل ٣ ساعات بالعيادة،ساعة شراء اغراض المنزل،بيرجع على البيت،شي 24 ساعة جوال،بعدا نوم،و هكذا

هاد غير طبعا انو شايف الواجبات دلال،الفواكي و الخضار الي بجيبو دلال،اذا جبلي عصير اسمو دلال،اذا اجتني ثياب جديدة (اغلبا مو منو على فكرة،اذا مو كلا كمان) كل هاد اسمو دلال برأيو،رغم انو و لا بعمرو،و لا بحياتو اخذنا مشوار،الا مرة او مرتين ثلاثة،اربعة او خمسة،شي معدود،و ولا بعمري طلعت برا مدينتي ،و لا بعمري شفت شي برا الا بمشاويري المعتادة مثل الدكانة او اقاربي الي من طرف امي او دوامي مو اكثر ،يعني منو 00000000

و بضل عم يشكي،هو فعلا صحتو سيئة بس خلص،مرة مرتين،الله يعينك،بس الاستعطاف و اثارة الشفقة و الله ما حلوة،رغم انو كل شي بالبتي علي و على امي حرفيافخلص عملنا الي علينا ليش الشكوى؟لك حتى ابرتو امي هي الي بتدور عليه(مو موجود بسوريا و اذا انوجد.بيكون غالي) فامي هي الي بتعطيه ياهو بتجبرو ياخذو و بتدور عليه بارخص سعر.

الشي الي ما بخليني اتعاطف معاه انه اصلا من قبل هيك،مافي شي جديد ،يعني مو بسبب المرض،حتى بشبابو و بصحتو فيه كل هاد،و لسا كان عصبي اكثر،و اكثر شي كان يذل عليه اخواني الكبار (و ذكرت ذكريات اخواني الكبار مشان تعرفوا انو كلامي عن فترة شبابو) هو التوصيلة.

احدى ذكريات اخواتي عن الموضوع انو كانوا بدهم يروحوا على رفقاتون،فوقت قالولوا عصب و ضربهم لان ما كان بدو يوصلهم (كانت حفلة عيد ميلاد) و من شدة الضرب علّم عليهم و جسمهم كان احمر،و راحوا و العلامات واضحة و الدمعة بعينون

هي غير انو هو مانو كريم،يعني مانو من الاهالي الي بينرفع فيهم الراس لولا امي الي من ورا ظهرو بتهدي الي بهدوه،دائماً اذا انطلب منو مصاري لشراءهدية لشخص غريب بعصب و بعطي ردة فعل انو ما عاجبو

(وقت قول انو امي الي بتتصرف بهيك مواضيع يعني مصاريف هي الاشياء على أبي،بس امي هي المسؤولة عن كل هاد،بس موضوع الثياب من امي)

يمكن كلامي كلو ببين سخيف و الكل رح يلومني و يقلي اسبابك مو منطقية،بس انا عنجد ما قدرت حبو،مع اني حاولت،و فكرة اني ما بحبو بتزعجني لأن هو...(هون رح احكي اهم كلام بالمنشور و هو سبب انزعاجي من نفسي) باكثر من مرة بقلي انو بحبني و هيك ،رغم كلامو دائما اني ما بخدمو منيح و تلميح اني ما بعجبو،كمان بيتناقض مرات و بقلي اني بارة و افضل بناتو و انو ما بحب بالدنيا قدي،و مرات ببكي وقت يحكيا

فهون ضميري بأنبني كثير كثير كثير،لأن هوبحبني و انا لا،بس ماعم اقدر حبو و لا اتقبل وجودو حتى،لأن اصلا وجودو هو سبب انو حياتي مملة و بشعة،لأنو ما اجتهد و لا اشتغل على حالو و لا فكر بالمنطق،و لا بذل اي جهد يخلي حياتي حلوة،و اغلب حياتو مرض و اغلب يومو صياح و شجار ،و الشي الي بخليني ما حبو اكثر انو بسببو ربيت ببيئة غير صحية،يعني طفولتي كلها كانت مقاتلات بينو و بين اخواني و امي،و كلها بسببو او لأنو اخواني طلبو طلب منطقي و من حقهم او حكوا شي عادي كثير

بس ضميري كثير بيأنبني،شو الحل؟هل أنا عم بالغ؟او عنجد انا عم بالغ صح؟طب شو الحل؟

بعرف منشور تافه و طويل و طفولي و اسفة كثير ،بس لازم فضي الي بقلبي و آخذ نصائح،و حسيت ريديت افضل مكان بما انو ما حدا بيعرفني و هويتنا مجهولة

بحب شارة نسيت لأي برنامج بس كانت بدايتا "شرف الوطن اغلى منا و من ما قد يجول بفكرنا في اي زمن" و القناص

بصراحة الاختيار صعب كثير بس هدول اول شي خطروا على بالي

بكره الناس الي بتحكي كثيرعن حالها،و بالاخص الي بتفشخر،و للأسف كلامي لأن احد افراد عيلتي هيك, منكون بامان الله عم نحكي عن شغلة معينة،فجأة ببدخل على الخط و ببلش يمدح حالو

مثلاً مبارح كنا عم نحكي عن عزيمة صارت و كيف صاحبة العزيمة للأسف ما توفقت بالعزيمة و كمية الاكل كانت قليلة و ما شبعنا،ففجأة بنط "بعكسي تماماً،انا كريم كل شي معي بصرفوا،بطلب زيادة اكل"و شي ثلاث دقايق مدح و اي حدا بيقاطعو بيجي بعلي صوتو و بكمل حكي و مدح لحالو(انو طز برأيك بدك تسمع او لا المهم كمل مدح لنفسي)،و بعد ما خلص و كملنا حكي،نط كمان اكثر من مرة و بيطبل لحالو،انو خلص فهمنا،و كل مرة منحكي بصير نفس الشي

فهل انا ابالغ بردة فعلي و عادي كل الناس بتتفشخر كثير و لا عنجد هو مو طبيعي؟

السؤال الاول: تقريضة،مقلوبة،كبة نية

السؤال الثاني:مكمور،زهر،باطرش،شوكي

و انتَِ؟

انا بنت فكلامي عن الرجال تحديداً،هل طبيعي اقرف من الرجال الي بيهينوا الرجال؟طبعاً نفس الشعور للبنات الي بهينوا البنات و بنفر منهم و من صداقتهم ،بس قرفي من الرجال الي بيهينوا الرجال بيجي مع رفضي الهم،يعني اكثر رجل جذاب بالدنيا اذا عرفت انه بكمي بهي الطريقة بينزل تقيمو ل6من 10 عالأقل،هل انا ابالغ و لا عنجد الموضوع بشع؟

اظن انكم قليلين،بس عنجد بدي اعرف شغلة

هل بتحس حماة سجن؟بماانها صغيرة ،يعني اطول مشوار 15دقيقة،فاغلبنا حفظ المحافظة كلها بصم،و اغلبنا لأن المحافظة صغيرة فطريق مشاويرنا هو نفسو نفسو كل يوم بيتكرر

لذلك بحس حماة سجن،اكبر من الزنزانات بشوي

يا شعب حماة العظيم,انتو كمان بتحسوا هيك؟

بعد قضاء ساعات طويلة نوعاً ما على السوشال ميديا بعد انقطاع طويل عنها

اكتشفت انو بعض البشر كائنات انانية و لا تطاق و بتحب تعمم و بتحس بالتفوق على الاخرين لاسباب مانا منطقية مثل العرق و البلد و الجنس و بتخترع اشياء من مخها بس لتتغلب عن الطرف الآخر و تلاقي عذر لاهانته و هاد كلو اكثر شي بيكون بالتعليقات.

فسؤالي هو : الناس الي عندها كثير بتقعد على السوشال ميديا شلون ما بيرتفع ضغطهم؟عطوني الوصفة الي بتخليكم تضبطوا حالكم

اي حدا بدو فريقو يفوز يقلي اشجع الخصم,و اضمنوا الفوز

كنت بدي حط flair بنجلط من فريقي،بس لا،ما رح انجلط،بالعكس قمة الفخر

عندي فضول اشوف مواقف عجيبة على ريديت بما انو الناس بتحكي فيه بحرية اكثر من اي موقع و بيطالعوا اسوأ المواقف الي صارتلهم بدون ما ينعرفو

في حدا غيري هون ببحفظ الناس الي بتتفاعل كثير هون و بيصير بحلل شخصيتهم و بيحاول يحزر عمرهم و يحلل حياتهم (مو فضول لاعرف مين هنن بالواقع،بس فضول لافهم شخصيتهم)

أهلي بوتروني،هاد النوع من الاهل ابشع من النوع الي بيكون سيء بالكامل لأنو اذا حبيتهم بيأنبك ضميرك و اذا ما حبيتون بأنبك ضميرك

ما بحس بعمرهم عطوني شي اكثر من الواجب،مدرسة،اكل،شرب،ثياب

خلص.

ما بحسهم عطوا اكثر من هيك الا بالغصب،و اذا عطوني فبكون بالمنيّة،لا طلعة لا فوتة عرفقاتي لأنهم ما مستعدين ١% من وقتهم يصرفوه على شي بسعدني،الوحدة رح تقتلني لأني لحالي باليت،كل اخواني سافروا و اكبر سبب للسفر اهلي، اول شي كنت لوم حالي و قول الغلط مني لحد ما اخواني حكوا نفس الحكي بالظبط،و كانوا يعاملوهم أسوأ كمان.

المشكلة اني الوحيدة الي ضلتلن بالبيت،و حالتهم العقلية و الجسدية ما كثير منيحة و لا حتى النفسية ،بالاخص الوالد

و المشاكل بيناتهم بتنعكس علي،و كل واحد بيكرهني بالثاني،بس الي بخلي حس بتأنيب الضمير انهم بحبوني و انهم بعاملوني احسن من اخواني

فهي المشكلة الكبرى،اني شلون ممكن اتجوز و اتركهم؟بس بدي اتجوز،مو حقي؟ما بدي ضل لحالي،بالأخص اني شخص كثير الاستقرار العاطفي بأثر عليه

شو اعمل؟شو الحل؟و اسفة اذا في اخطاء املائية، اذا في شي بدكم تعرفوه لتفهوا القصة اكثر بقلكم،بس عنجد بتمنى تساعدوني،صرت اتمنى لو ما انولدت

الحمد لله على كل حال

اسفة طولت.

​

خطر على بالي هاد السؤال وقت كنت عم دور على شغلة و اكتشفت حساب عربي على ريديت مكرّس حياتو و حسابو و كل شي بيقدر عليه لمحاربة الاشتراكية و الشيوعية و اي حدا لمجرد انه مو مسلم بيحاول يطالعلو اي سلبية،بينكشهم من تحت الارض و ان كان المصدر غير موثوق او حتى سلبية عادية ممكن تلاقيها بمسلم كمان (مافي حدا كامل) ،فخطر على بالي انو ليش كل هاد؟ليش مافينا نلتزم بديننا بكل بساطة و ننشر حب ديننا بدون كل هاد؟ليش ما منفتخر بتاريخنا بدون ما نبحث عن ثغرات في تاريخ الآخرين رغم انو نحن كمان عنا ثغرات (مافي حدا كامل)

اقسم بالله العلي العظيم منشوري مو كفر و لا انبطاح،بس مجرد فضول لاعرف عقلية هي الناس و الحمد لله على نعمة الاسلام و كفى بها نعمة.

خطر على بالي هاد السؤال وقت كنت عم دور على شغلة و اكتشفت حساب عربي مكرّس حياتو و حسابو و كل شي بيقدر عليه لمحاربة الاشتراكية و الشيوعية و اي حدا لمجرد انه مو مسلم بيحاول يطالعلو اي سلبية،بينكشهم من تحت الارض و ان كان المصدر غير موثوق او حتى سلبية عادية ممكن تلاقيها بمسلم كمان (مافي حدا كامل) ،فخطر على بالي انو ليش كل هاد؟ليش مافينا نلتزم بديننا بكل بساطة و ننشر حب ديننا بدون كل هاد؟ليش ما منفتخر بتاريخنا بدون ما نبحث عن ثغرات في تاريخ الآخرين رغم انو نحن كمان عنا ثغرات (مافي حدا كامل)

اقسم بالله العلي العظيم منشوري مو كفر و لا انبطاح،بس مجرد فضول لاعرف عقلية هي الناس و الحمد لله على نعمة الاسلام و كفى بها نعمة.