u/Shoddy_Repeat9729

ما اكول اغلبهم بس للاسف هواي منهم بدون اخلاق ويذلون الزبون وحرامية

اغلبهم يشتكون من التطبيقات هذن ويكولون دمرن كراوي الشارع بس ما يكولون انو هما بحياتهم ما اشتغلوا تكسي ولا فكروا بهالمهنة وجانوا عاطلين عن العمل وهاي التطبيقات وفرت الهم شغل

وصح الكروة مال بلي اقل من الشارع ب20 بالمية تقريبا بس بالمقابل الرحلات مستمرة 24 ساعة ما توكف عكس قبل بلي من جان يحصل السايق اقل من 5 كراوي باليوم ودخله اليومي بأحسن الايام ما يوصل 30 الف

ويا بلي وكريم يكدر يحصل 20 رحلة باليوم اذا تعب نفسه ويكدر يحصل فلوس اضافية بالمكافئات ويطلع 30-40 الف صافي ربح وحتى الكراوي رغم هي اقل من الشارع بشوية بس هواي زبائن ينطون زايد والسواق ينسون هاي السوالف ومصرين يطلعون اخلاقهم السيئة ويا الزبون

مثلا واحد طول الطريق وهو يسب بالطلاب (جنت لابس ملابس طلاب ورايح للجامعة) ويحجي عالكراوي وانا اصلا كروتي بالتطبيق اعلى من الشارع وجانت ردة فعلي هيج😐 وواحد ثاني جان مشغل جكارة واول ما صعدت قفل الجامات وطفا التبريد ومن انطيته الكروة باك مني 3 الاف بحجة ماكو خردة واني مستعجل وعفته للاسف غير بعد نماذج بلي وكريم مدري منين جايبينهم وغير الي 24 ساعة يبجون ويلطمون بالكروبات

اكو احد لاحظ هالفترة ماكو بلوكرية ولا اكو بيجات ولا اكو ناس ينشرون "تطور وتحسن العراق" ولا ينشرون "انجازات ومشاريع الحكومة"

الزيدي راح يكون اسوأ من السوداني، السوداني سوا مشاريع فاشلة وسوا تضخيم الهن بس الزيدي ما مهتم اصلا ومنين ما اشوفها كل المشاريع راح تتوقف نهائيا لان الزيدي ما ناوي يلمع صورته كدام الشعب ولا مفكر بالموضوع اساسا جاي يبوك الي يكدر عليه ويطفر عكس السوداني الي جان يمول البيجات والبلوكرية علمود يحسن صورته

احد لاحظ ان الترجمات فيها اختلاف قوي من ناحية الاسلوب ومن ناحية حذف جمل او اضافة جمل جديدة وتغيير ترتيب الكلام واحيانا ترجمة كلمات بمعنى مختلف تماما عن ترجمة اخرى

كيف نتعامل مع هذي المشكلة ونحصل اقرب نسخة للاصلية؟ خصوصا في روايات كافكا ودوستويفسكي لاحظتها

احد لاحظ ان الترجمات فيها اختلاف قوي من ناحية الاسلوب ومن ناحية حذف جمل او اضافة جمل جديدة وتغيير ترتيب الكلام واحيانا ترجمة كلمات بمعنى مختلف تماما عن ترجمة اخرى

كيف نتعامل مع هذي المشكلة ونحصل اقرب نسخة للاصلية؟ خصوصا في روايات كافكا ودوستويفسكي لاحظتها

احد لاحظ ان الترجمات فيها اختلاف قوي من ناحية الاسلوب ومن ناحية حذف جمل او اضافة جمل جديدة وتغيير ترتيب الكلام واحيانا ترجمة كلمات بمعنى مختلف تماما عن ترجمة اخرى

كيف نتعامل مع هذي المشكلة ونحصل اقرب نسخة للاصلية؟ خصوصا في روايات كافكا ودوستويفسكي لاحظتها

اكثر شي يضحكني ويقهرني بنفس الوقت من اشوف الناس مصدكة بوعود هاي الحكومة وهذول الوزراء وناسين انو حرفيا كل حكومة تجي تكون بدايتها نفس الوعود ونفس الخطابات بالملي واخر شي الوضع يصير اسوأ واسوأ

لا العراق ما راح يحل مشكلة الغاز المحروق ب2029 ولا العراق ما راح يحصل كهرباء مستمرة ولا مصطفى سند كلشي ما يفتهم بالاتصالات وتصريحاته عبارة عن وعود فارغة ما راح ينفذ منها شي واي وزير يصرح تصريح ايجابي تأكدوا 100% انو هو جذاب، هذول الاشخاص هدفهم الاساسي يبوكون اكبر قدر من الفلوس لقادتهم وزيادة نفوذ الجماعة الي يتبعها الوزير بتعيين المدراء العامين والوظائف المهمة الهم وطبعا هم اله حصة بالسرقة، الوزير ما جاي علمود يخدم بلده ولا معترف بينا اساسا

*ما انتبهت بالعنوان كتبت مجمد بدل مستورد قصدي لحم استرالي وهندي وبرازيلي واماراتي يعني

هواي اسمع اساطير وكلام عنه وذم رهيب اله بس بحياتي ما مجربه بالبيت (شابع منه من المطاعم طبعا)، بالنسبة للي جربوه شنو رأيكم بيه صدك ما ينوكل مثل ما ينكال عنه وهل اكو نوعيات زينة وقريبة للحم العراقي من ناحية الطعم؟ وشنو اسعاره تقريبا

طبعا اسأل هالسؤال لان اللحم العراقي باقي شوية ويصير لولد النواب والوزراء بس

بالغرب وحتى بالخليج وبعض الدول العربية بالعادة المراهق يبدي يستقل جزئيا ويتحمل مصاريف الرفاهيات وقبل العشرين يتحمل كل مصاريفه ويستقل عن اهله

بالعراق بسبب سوق العمل الفاشل ممكن اتفهم انو الشاب يعتمد على المصروف بس برأيكم لحد اي عمر لازم يتحمل مصاريفه او على الاقل بعض المصاريف؟ يعني بأي عمر لازم يبدي يشتغل

غسلت ايدي من الشركات الي اذا سمعوا بيك طالب يرفضونك مباشرة واحتاج اشتغل بالعطلة الصيفية حتى الم فلوس القسط ومصروفي

المشكلة ما يجي ببالي اي شغل بصراحة ولا اعرف شي عن الشغل لان بحياتي ما مشتغل

شنو تجاربكم ويا العمل كطلاب او كشباب يشتغلون اعمال حرة سواء بسيطة او مهن صعبة

باقي كم يوم وتخلص السنة الدراسية الاولى الي جانت بصراحة مخيبة للامال، قبل جنت اسمع هواي كلام عن الجامعة وجنت متحمس الها بس من دخلت كل يوم تلعب نفسي اكثر

1-جامعتي اهلية وما بيها لا حديقة ولا مساحات هواي ولا بيها انشطة جامعية ولا مساحات داخل الممرات والتصميم مو حلو ولا بيه اي ذوق وتصميم الجامعة من الداخل مثل المولات بس اضيق بعد ويخنك اكثر وهذا الكلام ينطبق على اغلب الاهليات عدا كم وحدة تحترم الطالب

2-التدريس ما راح يعلمك شي وياخذ هواي وقت مقابل استفادة حقيقية قليلة، بالوقت الي ذبيته بالجامعة لو ذبيته بالضبط بالدراسة بنفسي بالبيت راح اكون تعلمت بسنة وحدة اكثر من الي يتعلمه الجامعي باربع سنوات

3-الطلاب اسوأ بشر ممكن تتعامل وياهم تفاهة ومشاكل نفسية والتدريسيين عندهم جنون عظمة ما عدا كم واحد زين والمعيدين محترمين

4-راح يضيعون وقتك على تفاهات ويتشدوون على شغلات غريبة

5-ما راح ينجو اي طالب من نقص النوم والارهاق المزمن

نصيحتي لطلاب السادس، اذا تدخلون جامعة حاولوا تروحون حكومي لان بيها مساحات هواي والطلاب افضل وروح مسائي اذا عندك فلوس لان التشدد اقل ولحد يروح تخصص يحبه لان بدل ما تستمتع راح تكرهه روح لتخصص اله مستقبل حتى لو تكرهه

اكبر عميل لايران بهذا البلد واكبر خاضع الهم صار بيده وزارة الاتصالات وصار بيده معلوماتنا، خاف قبل يشيلون الناس الي يحطون اسمائهم وصورهم الصريحة حاليا اي واحد يفتح حلكه على ايران والميليشيات التابعة الها لازم ياخذ حذره حتى لو حسابه وهمي وطبعا يستثنى ريديت من هالكلام لان ما اعتقد يعرفه ولا اعتقد يكدرون يحصلون مواقع ومعلومات المستخدمين من ريديت

واعتقد لازم نستعد الرصيد يصير ب6500 شرط الضريبة تروح مباشرة تبرعات لايران واستقطاع جزء من رواتب موظفي الوزارة كل فترة لايران

اكبر عميل لايران بهذا البلد واكبر خاضع الهم صار بيده وزارة الاتصالات وصار بيده معلوماتنا، خاف قبل يشيلون الناس الي يحطون اسمائهم وصورهم الصريحة حاليا اي واحد يفتح حلكه على ايران والميليشيات التابعة الها لازم ياخذ حذره حتى لو حسابه وهمي وطبعا يستثنى ريديت من هالكلام لان ما اعتقد يعرفه ولا اعتقد يكدرون يحصلون مواقع ومعلومات المستخدمين

واعتقد لازم نستعد الرصيد يصير ب6500 شرط الضريبة تروح مباشرة تبرعات لايران واستقطاع جزء من رواتب موظفي الوزارة كل فترة لايران

شنو الذنب الي سويناه حتى نستحق هيج حكومة

التعليم يوم عن يوم يصير اسوأ والنظام التعليمي فاشل جدا والتوجه ماله فاشل ولا كاعد يبنون مدارس ولا يرممون ولا يخلون النظام فعلا يعلم الطالب مو بس يلقنه ويتبعون انظمة ما الها معنى مثل الزي الموحد وقص الشعر ومعاملة الاستاذ للطلاب على انهم حيوانات وممتلكات اله واي شي يكدر يسويه براحته من تنمر وضرب

الكهرباء يعرفون شلون يحلونها بس يريدون يذلون الشعب اكو الف طريقة مو مكلفة وسريعة بس ما يسوونها

لا اكو عمل بالقطاع العام والقطاع الخاص يرجعنا لعصر العبودية اذا حصلت واسطة والتضخم كاعد يزيد بشكل مستمر

الجامعات بانحدار مستمر ورؤساء الجامعات والعمداء وحتى الاساتذة هواي منهم مرضى نفسيين وجايين بالواسطات والاحزاب وما يعرفون اي شي عن الادارة وعن التعليم وفوكها الاهمال المبالغ بيه من الحكومة والمناهج القديمة وطريقة التدريس الفاشلة

لا اكو ترفيه ولا اكو اعمار ولا اكو احترام للابداع

بصراحة انقهر من اشوف باقي العالم شلون عايشين حتى لو حكوماتهم عليها انتقاد بس مستحيل مثل حكومتنا ابد ما اعتقد اكو اسوأ

شنو الذنب الي سويناه حتى نستحق هيج حكومة

التعليم يوم عن يوم يصير اسوأ والنظام التعليمي فاشل جدا والتوجه ماله فاشل ولا كاعد يبنون مدارس ولا يرممون ولا يخلون النظام فعلا يعلم الطالب مو بس يلقنه ويتبعون انظمة ما الها معنى مثل الزي الموحد وقص الشعر ومعاملة الاستاذ للطلاب على انهم حيوانات وممتلكات اله واي شي يكدر يسويه براحته من تنمر وضرب

الكهرباء يعرفون شلون يحلونها بس يريدون يذلون الشعب اكو الف طريقة مو مكلفة وسريعة بس ما يسوونها

لا اكو عمل بالقطاع العام والقطاع الخاص يرجعنا لعصر العبودية اذا حصلت واسطة والتضخم كاعد يزيد بشكل مستمر

الجامعات بانحدار مستمر ورؤساء الجامعات والعمداء وحتى الاساتذة هواي منهم مرضى نفسيين وجايين بالواسطات والاحزاب وما يعرفون اي شي عن الادارة وعن التعليم وفوكها الاهمال المبالغ بيه من الحكومة والمناهج القديمة وطريقة التدريس الفاشلة

لا اكو ترفيه ولا اكو اعمار ولا اكو احترام للابداع

بصراحة انقهر من اشوف باقي العالم شلون عايشين حتى لو حكوماتهم عليها انتقاد بس مستحيل مثل حكومتنا ابد ما اعتقد اكو اسوأ

اكو مشكلة مدري ليش قليل يحجون بيها هي مشكلة الفلوس الملزوكة

مدري ليش هواي محلات يرفضون يتعاملون بيها وهي كاملة ما بيها شي مفقود مثلا حتى يرفضونها والاسوأ من يرفضون وحدة قديمة احس نفسي اتعامل بفلوس مزورة واذا يمشونها يبقون يباوعون علية بنظرات ما راضية

ترا هي فلوس بالنهاية ماكو سبب منطقي يمنعك تتعامل بيها

بما انو السنة الاولى قاربت على الانتهاء (والحمدلله على رحمته) حبيت اسولف تجربتي الكارثية

-حصلت 0 اصدقاء والطلاب مجرد اطفال يسوون تصرفات غريبة

-البنات يكرهوني بدون سبب واضح

-صرت منبوذ ومنعزل عن باقي الطلاب

-تعرضت للسب والسخرية والتنمر خصوصا من البنات

-ماكو اي احداث ولا فعاليات ولا اي شي ممتع مجرد دراسة حالها حال المدرسة واصعب شوية لان ما تكدر تغيب

تقييمي للمرحلة الاولى نوري المالكي من عشرة ماكو افشل منها

دائما احب اتابع فلوغات باليوتيوب واحب اركز بكلشي بالخلفية واقصد هنا الشوارع والناس والسيارات والمحلات الخ...

الي لاحظته اغلب البلدان اذا مو كلها عندها طابع معماري وفني معين حتى الدول العربية مثلا المغرب، شوارعهم مخططة وعندهم ميترو وبيوتهم واسعة وبيوتهم من الداخل والخارج والاثاث بيها عبارة عن تحفة فنية وحتى ملابسهم واكلهم والاواني وكلشي حرفيا سواء من الشعب او من الحكومة اله طابع حلو ومميز وهذا ينطبق على باقي الدول

بالعراق على الجانب الثاني، المباني الحكومية سواء دوائر او جامعات او بنوك عبارة عن قبح خالص من الداخل يحطون ارضية ما متناسقة ويا السقف والحيطان لو بلون واحد قبيح لو الوان واشكال هم ما متناسقة ومن برا يحطون شكل نص دائري ووراه شي مستطيل ويغلفون المبنى بالواح بيضا وزركة🤮🤮🤮 وهالكلام ينطبق على مباني ثانية مثل المستشفيات

وما يحتاج اوصفلكم شوارعنا وبيوتنا وكوننا محرومين من اتفه الشغلات مثل الحديقة بالبيت وحتى بيوتنا ضيكة تخنك خنك مع العلم انو المغربي مساحة بيته اصغر منا والمترو والشوارع الي ما متربة واكيد تعرفون عدم التناسق باشكال البيوت والمباني ويا بعضها وعدم وجود اي توجه فني بيها ايع تعبت وانا اوصف هالقبح اتوقع فهمتم الي احاول اكوله

اتوقع راح يكون اكو سخرية من المدينة ومن رغبتي ويكولون مو حلوة او الناس يسافرون للشمال او للخارج او هي محافظة عادية واتمنى محد يسخر من هالشي رغم انو هو شي صحيح

المهم عندي رغبة قوية من جنت صغير انو ازور بغداد بسبب كرتون جنت اتابعه وقبل كم سنة جنت اقرا روايات عراقية احداثها ببغداد وزادت رغبتي بزيارة هالمدينة خصوصا للاماكن التاريخية والمميزة بيها

لهذا عندي عدة اسئلة

1-شلونها الازدحامات؟ بكل الوقت اكو ازدحامات لو اوقات محددة؟ وشكد تاكل من اليوم تقريبا

2-شنو افضل الاماكن الي تستاهل اروحلها سواء اماكن حديثة او قديمة

3-شنو الاماكن الي مشهورة بس ما تستاهل الزيارة

دائما احب اتابع فلوغات باليوتيوب واحب اركز بكلشي بالخلفية واقصد هنا الشوارع والناس والسيارات والمحلات الخ...

الي لاحظته اغلب البلدان اذا مو كلها عندها طابع معماري وفني معين حتى الدول العربية مثلا المغرب، شوارعهم مخططة وعندهم ميترو وبيوتهم واسعة وبيوتهم من الداخل والخارج والاثاث بيها عبارة عن تحفة فنية وحتى ملابسهم واكلهم والاواني وكلشي حرفيا سواء من الشعب او من الحكومة اله طابع حلو ومميز وهذا ينطبق على باقي الدول

بالعراق على الجانب الثاني، المباني الحكومية سواء دوائر او جامعات او بنوك عبارة عن قبح خالص من الداخل يحطون ارضية ما متناسقة ويا السقف والحيطان لو بلون واحد قبيح لو الوان واشكال هم ما متناسقة ومن برا يحطون شكل نص دائري ووراه شي مستطيل ويغلفون المبنى بالواح بيضا وزركة🤮🤮🤮 وهالكلام ينطبق على مباني ثانية مثل المستشفيات

وما يحتاج اوصفلكم شوارعنا وبيوتنا وكوننا محرومين من اتفه الشغلات مثل الحديقة بالبيت وحتى بيوتنا ضيكة تخنك خنك مع العلم انو المغربي مساحة بيته اصغر منا والمترو والشوارع الي ما متربة واكيد تعرفون عدم التناسق باشكال البيوت والمباني ويا بعضها وعدم وجود اي توجه فني بيها ايع تعبت وانا اوصف هالقبح اتوقع فهمتم الي احاول اكوله

ما عندي اي دليل لان مو بكروبهم علمود اشتكي مثلا بس متأكد هالشي يصير لان شفتها تصورني 3 مرات واكيد جانت تصورني بدون ما احس اضعاف هاي ال3 مرات وسمعتها تكول انا بس نشرت الصورة السب والغلط كام يوصل من كل مكان وصاحبتها قبل فترة من صورتني كالت كافي خطية هواي صورتيه

الموضوع من بداية السنة لحد الان مستمر وبصراحة كلما اتذكر جنت اسكت واغلس انقهر وحتى اذا صار عندي دليل واشتكيت اقوى شي راح يسوونه يكلولها بعد لا تصورين ويعوفونها مستحيل يسوولها شي