لو عايزة اطلع دهب لوحدي ممكن تبقى التكلفة في حدود كام لو اربع ايام لحد أسبوع، أنا عارفة ان ده هيبقى على حسب المكان اللي هقعد فيه ومستوى الاكل وهكذا بس لو هروح عايزة انبسط ممكن ده يكلفني كام وايه فنادق كويسة ترشحوهالي بشواطئ تكون كويسة مش صخرية؟ وهل فعلا نوبيع أحسن ؟
مش عارف ابتدي الكلام منين ولكن الشغلانة دي غيرت فيا كتير جدا وخلتني شايف الحياة من جانب تاني سوداوي جدا معرفش اذا كان ده حالي أنا بس ولا كل اللي شغالين في نفس المجال بس خليني أوضح
بعيدا عن ضغط الشغل والأرقام وبيئة العمل أنا مبيقتش قادر اتعامل مع ناس انا شغال في اكونت اكتر اختلاطي بمصريين
المصريين تعاملهم مع موظف خدمة العملاء انجس تعامل هييجي حد يقولي لا دول بيتكلموا كده علشان مشاكلهم مع شركتك مش معاك هرد وأقول لا هما بيكلموك أنت باحتقار بقلة ذوق ده لو مرماش جملة "ده أنت كول سنتر ملكش لازمة اديني حد كبير اكلمه ", "انت مش فاهمني انت خريج كلية ايه"، غير العملاء المريضة اللي بتتعمد تدخل وتقفل المكالمة في وشك وأول ما ترجعلها يديك كلمتين انت ازاي تقفل في وشي اعتذر واعمل واعمل وهو بيكون معفن بيكلمنا ع النوتة ورصيده خلص
غير برضو نظرة أي انسان برا المجال ده عموما لأي شخص بيشتغل جواه انه شخص فاشل مفيش منه رجاء شخص مستسهل الدنيا مش عايز يسعى شخص عايز فلوس بسرعة رغم ان محدش عارف ظروفك وان الواحد لو بيشتغل اي حاجة احسن من انه يقعد يمد ايده لحد
شعور ان لما حد بيعوز يتعرف عليك وأول سؤال يسأله يقولك انت شغال ايه فا ترد تقوله فا تبدو على وشه مظاهر الاستهزاء
المهم ان كل ده خلق فيا مشاعر كره وغضب ناحية الناس بقيت حاسس اني مش عايز اتعرف على حد جديد مش عايز اساعد حد واقع في مشكلة لو لقيت حد بيستنجد بيا في الشارع مش هلحقه انا بقيت كاره الشعب ده كره غير طبيعي
هييجي حد يقولي اللي بيعملوا كده قلة قليلة هقولك ٩٨٪ من المكالمات بالشكل ده وكلها مكالمات عشوائية منهم اللي عنده مشكلة بسيطة ومنهم اللي عنده مشاكل كبيرة أيا كان فا النسبة دي بتدل على ان معظم الشعب معندوش أخلاق او بيتكلم مع موظف خدمة العملاء كده علشان مريض وعايز حد يهزقه من غير ما يرد عليه
بقيت كاره الشعب جدا وعايز اهاجر بس مش هينفع لظروف كتير وحتى لو هاجرت هبقى مواطن مصري أو عربي بيتعنصر عليه برضو
أين يذهب المرء من العنصرية
هل الحل هو العزلة؟
دلوقتي أنا هجيب المنتجات دي ومش بثق في ريفيوهات فيسبوك ولا تيك توك وعارفة ان صعب تيم الماركتينج لأي شركة يوصل لريديت (اتمنى يعني) دي شوية منتجات ناوية اجيبها محتاجة ريڤيو صادق Dermactive actirepair cica cream الصابون المغربي بتاع أفريكانا مرطب skinside وبشرتي مختلطة حساسة
عايزة تجربة كاملة ولو في أي ترشيحات غير اللي دول
أنا عارفة انه سؤال عبيط جدا جدا بس هسأل برضو عشان بيني وبين نفسي أبقى عملت اللي عليا هل في فرصة اني اعمل مشروع بتكلفة من 15 ل 20 ألف حتى لو العائد قليل انا مش محتاجة عائد عالي حاليا ولكن تبقى حاجة جانبية جنب الشغل الأساسي ولو سيبت الشغل تسندني
مش عايزة استثمار في دهب لا عايزة مشروع إن شاء الله يكبر مع الوقت
ليه محدش اتكلم عن قد ايه الموضوع مؤلم نفسيا انك تقلب في صورك القديمة وتشوف شخصيتك زمان وتفتكر احلامك واهدافك وطموحاتك وقتها وقد ايه كنت بتسعى في حياتك وراسم صورة جميلة ليك قدام
وفجأة تصطدم بواقع مختلف 180 درجة وكل حاجة حلوة حواليك بتروح وبتحس بعدين انك انسان جاف كل همك تواكب العصر وتواكب التقدم علشان ماتتفرمش تحت عجلات الزمن
صعبان عليا نفسي أوي ان اجمل سنين حياتي عدت وانا مخدتش كفايتي منها
صعبان عليا النسخة الأصغر مني وهي بتحاوب تعمل كل اللي عليها وبتمشي في كل الاتجاهات بس الموضوع مابيمشيش
سوء حظ، أسباب خارجية ؟ أرادة ربنا فوق كل شيء
متقبلة حكمة ربنا أيًا كانت ايه بس الألم قلبي مش مستحمله
بقالي سنين مقرأتش كتب وعايزة أرجع أقرأ عايزة رواية مصري العربي بتاعهت ميكونش بالعامية يكون فصحى بسيط ويكون كتاب حديث مش عايزة حاجة قديمة بس يكون كتاب Worth reading
معرفش لو حد مر بحاجة زي كده بس بتعملوا ايه لما بتنفصلوا عن صديق أو صديقة قريبين منكم ومفيش أي أمل انكم ترجعوا صحاب تاني بحاول اتأقلم وأنسى وأحسس نفسي ان الموضوع مش كبير للدرجة وانها مش فارقة معايا بس هي فارقة جدا صعب نرجع صحاب لان شخصياتنا اتغيرت وحياتنا اتغيرت وبقى لكل شخص حياة مختلفة مفيش للتاني مكان فيها بخاف أعدي من ناحية بيتها لحسن أشوفها وبخاف أفتح ستوري ليها أو اني ألمحها على أي ابلكيشن عندي ولما ده بيحصل قلبي بيدق جامد وبتضايق ان بقى ليها صحاب غيري المشكلة في كل ده اني بقالي 3 سنين بحاول انسى ومش عارفة بتيجي في بالي وانا صاحية طول اليوم وقت الشغل وقت الصلاة وحتى لما بنام مش بحلم غير بيها وأحلام بتديني أمل اننا هنرجع صحاب بس ده من سابع المستحيلات لما بخرج علشان انبسط بفتكر خروجانتنا سوا واليوم بيقلب بحزن وزعل حد مر بتجربة مشابهة أو أي نصايح اني اعدي باللي بمر بيه
بتعملوا ايه في احساس التأخير وخاصة لما بيبقى في كل النواحي كارير زواج خلفة شراء سلع معينة زي عربية أو شقة وإلخ ازاي بتتغلبوا على شعور ان مش كل الناس لازم تعمل حاجة معينة في نفس الفترة الزمنية ازاي اقدر اركز مع نفسي وبس ومخضعش لأي ضغوط اجتماعية مع وجود مشكلة ان الزمن مش بيقف وأنت بتكبر في السن بتتعاملوا مع الموضوع ازاي عموما
حد عالج الشعور ده عنده انا على طول حاسة لعدم الرضا حتى لو حياتي كويسة وفيها ناس كويسين بس دايما شايفة ان اللي عند الناس احسن حتى لو أقل حتى لو هما في ابتلاء حتى لو هما خسروا حاجة أو حد بقول ياريتني طنت مكانهم ع الاقل الحاجة اللي خسروها ذات قيمة بس انا معنديش حاجة ذات قيمة اخسرها زيهم
مش عارفة اعيش لاني ببقى حاسة الشعور ده من اقل حاجة لاكبر حاجة وده مش حسد عشان محدش يلغبط بين الاتنين بس ده مخليني ساخطة على كل حاجة في حياتي الكويس بشوفه وحش والوحش بشوفه اوحش
ازاي اتعامل مع ده وهل الموضوع محتاج ثيرابي؟