منو يعرف شلون اهدأ الاعراض الانسحابية -من ادوية الاكتئاب- لفترة مؤقتة حتى لو كم ساعة لان داموت من الصداع حاليا ماكو هيج خرب ربه حتى الشقيقة مجانت هيج جانت اخف
موعدي وي الدكتور باجر ب5 العصر ممعقولة لحد باجر العصر حبقى بهل وضعية لااكدر انام لااكل لااتفاعل من الصداع والغثيان + جوعانة كلش بس ماكدر اكل
شلون هسة شسوي دابجي شنو هاي خرب الله خرب خالله
جنت داحتضر نفسيا وعقلي مايتوقف عن التفكير الى ان صفنت وتذكرت انو بالنهاية راح اصير تربة واندمج مع الكون والطبيعة او اعود الى الكون والطبيعة بشكل اصح. اصلا مايهم منو انت او شنو ومنو عيش هالكم سنة القليلة من وجودك صديقي الانسان
اليوم اجتنا بنت خالي وسولفنا وفتحنا موضوع الملابس وشوفتها تنورتي الجديدة وكالتلي انو هي هم تريد تشتري نفسها وحتى خليتها تجربها وگالت اني عندي مشكلة بالتنانير بالخصر بس هاي اول مرة تنورة تجي مضبوطة. اشو من راحت هاي امي كالتلي شكد عيب لو كايلتلها اخذيها؟ شسالفة تنورتي غير احتاجها ليش تاخذها😭 تكلي ايي مجاملة اكيد هي محتقبل تاخذها. واحس ع شنو ليش هالچذب والكلاوات مادام اريدها وماريدج تاخذيها شكو اچذب واكلچ اخذيها هاي چذب مو مجاملة
صار فترة من بدات الامتحانات ماعرف اتنفس عدل ومو بشكل مؤقت لا طول اليوم وكل كم دقيقة لازم اتنهد بشكل مزعج. هسة خلصت الامتحانات بس هم بعدها😐 وادري بسبب التوتر. شسوي شلون اعالج هالشيء غير انو احل مشكلة التوتر من اساسها لانو طبعا ماتنحل بيوم لو يومين. الموضوع كلش مزعج وديسويلي صداع نصفي همين
اتمنى اعرف ليش الحياة مدتمشي بشكل لطيف وياي من اي ناحية ليش هي قاسية من كل النواحي. يعني ما إلي نصيب بالرزق ولا باهل وعائلة -اهلي مو سيئين لحد يظن بيهم سوء بي لظروف اخرى بعدتني عنهم- ومن لكيت الشخص الوحيد اللي حبيته حب حقيقي وهو الوحيد اللي چان يخليني كلش فرحانة ومااحس بأي فراغ بسبب بعدي عن عائلتي وساندني من كل النواحي الشخص هذا توفى بعمر صغير كلش وللان ماداعرف اتعايش وي هالشيء او اتقبل الحقيقة واحس حياتي رجعت فارغة اكثر من قبل لااتعرف عليه بالف مرة. زين ليش الله خلاني اتعرف عليه واحس الحياة وردية مادام بالاخير ماراح يبقى وكل هذا راح يصير يعني لو باقية ع وضعي القديم احسن وهسة بالشهر الرابع بالسنوية الرابعة دخلت بحالة اكتئاب ماصايرة وحاولت انهي حياتي للمرة الثانية بعد ماحاولت اسويها بالسنوية الاولى. فلوس شغلي الي ع اساس جمعتهم للجامعة كلهم صرفتهم ع العلاج. وتعبت وتمرضت ومادرست وضيعت شهر ونص تقريبا بدون ماافتح كتاب وهسة باچر آخر امتحان وبعد فترة حتطلع النتائج ولو اروح حكومي لو اهلي مع انو بالحالتين اشتغل بس ع الاقل اذا اروح حكومي الوضع حيكون اسهل شوية
اني قررت انطي للحياة فرصة ثانية واريد اشوف وين حتوديني وشنو الشيء الحلو اللي منتظرني بعد كل هذا
جاوبت
-ما اقصد جاوبت درجة عالية لا بصراحة درجة نجاح خايسة بس اگول جاوبت لان مادرست شيء اساسا اليوم كله فاتحة الكتاب وصافنة بيه فقط حتى ماحاول احفظ شمكتوب وانو انجح بدون دراسة هذا شيء عظيم يستحق افرح من اجله فنعم اني حاليا سعيدة واحس
got overdosed and the toilet feels like his embrace
I'm still trying to study anything btw