u/Waleed_722j

موضوع ما ابي اثير فيه الجدل ولا تعليقات مسيئه لي . ولحد يجي يقولي انت فاتح الموضوع علشان تجذب البنات . انا الحمدلله الزوجه موجوده بس باقي السعي لها

بختصار قبل شوي بدوام . فتحت مع الشباب موضوع الزواج وبعدين دخلنا على النادي . عاد قالي واحد منهم انت ليش شاد حيلك بنادي شنو اهم شي تبيه . قلت له علشان اساعد زوجتي بل بيت . قالي اشلون تساعد زوجتك . قلت لها اساعدها بترتيب البيت والطبخ وتربيت العيال . عادي . قالي يا غبي جذي شخصيتك بتصير ضعيفه قدامها . بتستغلك مش عارف ايش

وكلهم اتفقو معاه وبدو يفصلون علي . وأنا صارم على كلامي . واخر شي قلت لهم ان شاء الله ربي بيرزقني بإنسانه ما تستغلني ولا تتسضففني بس مساعدتي لها . وقالي واحد منهم ادعي ان الله يرزقك زوجه تاخذك على قد عقلك . تضايقت منهم الصراحه وسحبت عليهم وجالس غرفه لحالي اكتب البوست حقي

يا اخي ليش احنا بمجتمعتنا صرنا نشوف الزواج عباره عن حرب واستغلال . يعني لدرجه واحد منهم يقولي تر الزوجه وظيفتها انها تخدمك وتعتني فيك . قلت له ليش ما احنا اثنين نخدم بعض ونعتني ببعض . تر انا مو طفل . لازم يكون هذا الشيء مشاركه

ليش بمجتمعتنا . ما تبني الحياه الزوجيه على المشاركه والتعاون. ليش دايمن استغلال بعض في اتفه الاشياء واغلب الرجال والي جلست معاهم حتى ابوي . يقولي لا تدخل المطبخ مع زوجتك

في مجتمعات عند الأجانب عايشين على المشاركه والتعاون ويساعدون بعض في كل شي . صج هذي الاشياء تقلل من شخصيت الزوج قدام زوجته؟

في محاولات يائسة لانقاذ طفله عمرها سنه ونصف . وانت تكون المسعف الوحيد في كبينة الاسعاف لمحاولات انقذ طفله تم دهسا عن طريق الخطئ من قبل ابوها. وكل ضغط اهل الطفله عليك وصراخ من كل مكان . لدرجه حسيت بلحظه اني مو قادر اسمع اي شي . بس احاول انقاذ الطفله ومحاولات اغلاق النزيف .وفتح مجرى الهواء وعمل cpr .

وبعد وصول للمستشفى ومحاولات الفريق الطبي لانقاذها لاكثر من ٣٠ دقيقه. وكلنا بامل انها بس تفتح عيونها . ولكن قدر الله وماشاء فعل وتتوفى الطفله بعد اعلان وفاتها الساعة ٦:٣٤ . طفله صغيره جميله لن تعيش حياه غير طفولتها . استانسو اهلها بانها اصبحت تمشي بقدميها ولكن لم يكونوا يعلمون انها سوف تمشي إلى هلكها

لا نقول إنها رحلت وانتهى كل شيء، بل نرجو أن الله أكرمها بما هو خير من الدنيا وما فيها. ونرجو أن تكون من طيور الجنة، تنعم برحمة الله ونعيمه، حتى يجمعها بأهلها في دارٍ لا فراق فيها ولا حزن. رحمها الله، وألهم أهلها الصبر والسلوان.

تمنيت لو بس عرفت اسمها . بس الله يرحمها ويصبر اهلها

خلي بالكم على عيالكم . انتم في نعمه والله.

حسيت ان كل مشاكل حياتي تبخرت قدام حزن وبكاء الأهل عليها

اليوم أثناء نقلنا لحاله طارئ في الاسعاف . المسعف الي معاي حاول يتجاوز الاشاره الحمرا كل عاده . لان الحاله كانت خطيره . وانا كنت راكب مع المريض ورا . عاد تجي سياره سبورت حمراه يبي يلحق على الاشاره قبل ما تسكر من جهة اليسار . عاد ضرب كبينة الاسعاف من النص وطير الإسعاف لين ما وصلت للاشاره الثانيه . وصدمت الإسعاف ٤ سيارات او ٥ مدري . من الاشاره الثانيه . كانت جهة الصدمه ورا ظهري بضبط . يعني انا داخل الكبينه مع المريض ومسند ظهري للكرسي الي بصوب الدعمه .

طبعا من قوة الدعمه انا طرت من الكرسي وطق راسي الجه الثانيه . والطقه الي جت راسي خلتني ادوخ اكثر من ربع ساعه . ورجلي انعوجت من تحت . اما المريض الحمدلله ما جالها اي شي ولا السائق

بعد ما جت الاسعافات ونقلونا للمسشتفى . طلعت منها بعد ساعتين بضبط

حت طاقم الطبي والمسعفين تعجبو . كل هذا الي صار فيني وما جالي اي شي . بس كدمه بيدي والمكان الي انعجوت فيه رجلي. جالي رضه قويه

سبحان الله. انكتب لي عمر جديد . بعد الي صار لي ما راح اترك صلاة الفجر ولا ادعية الصباح والمساء .

احس كاني ولدت من جديد . وسلامتكم 🌹

ا

وانا اتصفح الانستقرام طلع لي مقطع عن جهاز ذكي يغسل الصحون ومطور وبس حفظتها عندي جت لي كثير مقاطع عن اجهزه وروبتات والات تنظيف حيل قويه . في طباخ بذكاء اصطناعي تقدر تختار الاكل الي تبيه وهو يطبخ لك اياه كامل.

وفي آلات ايس كريم تحط اي فواكه تبيها مع عسل وسكر وتطلع لك احلا برد

وفي ثلاجه بنظام تبريد مطور ما يخرب الاكل

غير عن الاجهزه الذكيه والاثاث الجديد . جلست اختار القطع الي ابيها والاجهزه حفظتها والله يا شباب تقدرون تسوون بيت اسطوري بدال ما تضيع افلوسكم على العرس و الزينه والقاعات . اشياء جديده ما شفته بعمري كله . وافكار جديده

واجهزت التنظيف الاكترونيه والذكيه تشيل اغلب شغل

وجالي شغف حيل قوي اثاث بيتي الحين . جلست اناقش اخوي واوريه المقاطع لين ما طفش ونام وسحب علي

والله بس لو تشوفون الي شفتها . الي يبي المقاطع يرسلي وبجمع الروابط وبدزها له . كلها من انستا

الأغلب مفكر إنه قرار إقامة حفل زفاف ضخم ويكلف آلاف هو قرار شخصي نابع من الحب والرغبة في الاحتفال، بس الحقيقة المرة إنه نتاج برمجة اجتماعية قاسية فرضتها المنظومة التجارية

المجتمع والمنظومة التسويقية نجحوا عبر العقود في ربط قيمة الحب والاحترام وحجم الرجولة والاهتمام بالبذخ المالي والمظاهر اللي بتقدمها في ليلة وحدة مدتها أربع ساعات بس

تكتيك ليلة العمر تم تسويقه بذكاء مرعب ليلعب على مشاعر الخوف من كلام الناس وعقدة النقص، وصنعوا حالة من الضغط النفسي الطبقي بتجبرك تعتقد إنه بخل لو ما ضيعت افلوسك

النتيجة الكارثية هي ان الزوجين ببداية حياتهم او الزوج ماخذين قروض ودخلوا في ديون خانقة بتبدا معهم من اول يوم , وبعضهم يبدا اهم مرحلة في حياته وهو مأزوم مالياً ونفسياً بس علشان يرضي الإيجو الجماعي

الفلوس اللي كانت قادرة ترفع مستوى حياتكم كزوجين، تفتحوا فيها مشروع تشتروا فيها أصول، أو تسافروا وتستثمروا في مستقبلكم الحقيقي بتتبخر في لحظة على صالة وفستان وورد وعشاء

الصدمة الحقيقية بتصير لما تستوعب إنك دفعت شقا عمرك عشان تطعم ۳۰۰ شخص، نصهم ما بتربطك فيهم علاقة حقيقية، والكل جاي يقيم وينتقد الأكل والديكور ويمشي وهو مش فارق معه مستقبلك

المنظومة حولت الزواج من رابط إنساني وشراكة لبناء أساس متين لتمثيل ومسرحية استعراضية الهدف منها شراء اعتراف مؤقت ومزيف بالمكانة الاجتماعية قدام القطيع الكسلان

الخروج من هذا الإطار الاجتماعي المرعب محتاج شجاعة نفسية خارقة ترفض الانسياق ورا عقلية التبعية العمياء وتفضل الاستقرار والواقع الحقيقي على المظاهر الكاذبة المستعارة

الدرس هو هذا البذر الي راح تسويه ما راح يفيدك في مشروعك، الدرس لحياتك لا تبدأ مستقبلك بإفلاس محتم عشان تشتري عشاء لجمهور غريب . استثمر في واقعك الحقيقي ومو لتصفيق الناس اللي رح تنسى ليلتك ثاني يوم.

الزوج المثاليّ؟ 💞

في كثير صفات الزوج او الزوجه لازم تكون موجوده علشان تحس انك مع الشخص الصح

بس شنو هي الصفه الي تجمع كل الصفات ؟

لو قلنا انت جالس مع اثنين من عائلتك او اصدقائك قاعدين تتفطرون

. عاد كان في صحن فيه ٧ زيتونات

وانتم تاكلمون ومساتسين لاحظت ان الصحن باقي له زيتونه وحده

لو انت في هذا الموقف ترددت انك تاخذها بسبب انك فكرت ممكن انا اكلت اكثر منهم او هم خلي ياخذونها

بشكل عام لو ترددت بكلها بسبب انك فكرت بشخص الي معاك . فا هذي هي الصفه المطلوبه . اشلون ؟

أنا اقولك اشلون . الشخص الي قبل ما يكلم احد او يطلب من احد شيء او ياخذ شيء الي يجلس يفكر شنو شخص الي قدامي هذي له او لازم ياخذها او اخاف اتعبه إلى اخره

يعني لو مثلن في زوجين متزوجين دايمن نشوف ان الزوج يتكلم مع زوجته بدون مشاعر او إحساس بطرف الثاني

يعني مثلن يطلب منها غدا او شغل او شيء معين بدون ما يفكر هل هي ارتاحت ولا لا او هي ممكن مشغوله او تعبانه

كثرت انك تسوي اشياء بدون ما تفكر بحساس الشخص الي قدامك او الي معاك. راح يبدء هذا شخص يكرهك مع الوقت ويحسك شخص اناني

المفروض انت اليوم راجع من الدوام تقول لزوجتك شنو رايك نطبخ مع بعض او شنو رايك تساعدين وتطبخين لي

ما في شيء عيب . تشارك زوجتك بمساعدة البيت وتساعدها بنهاية الشغل ما يحلا إلى لما يسوونه اثنين مع بعض

انت لما تغير صغة الامر إلى مشاركة مشاعر . راح تبني علاقه ومحبه حيل كبيره وانت ما تدري

يعني لو كانتو مجهزين لطلعه معينه . فكر قبل ما تقرر انتي وانت حاليا عندك شريك حياتك. لازم تاخذ رايه وتشوف لو كان موافق او تعبان او عنده ظرف او عندها دوره

فا هذي الصفه لو. كانت عند الشخص المناسب الصفات الباقي كلها بتنبني عليها

يعني لو هو يفكر بمشاعر شخص قدامه. راح يصير معاك حنون وطيب وكريم ومساعد وغير متحكم . لو جلست تفكر كثرت الصفات الموجوده ما راح توقف الي تجي مع هذي صفه

وفي مثال ثاني عن هذي صفه . بعض الناس الي واجهتهم بحياتك لما تبي تجي تتكلم معاه. تحس بضيق قبل ما تتكلم . او تحس انك ما ودك تتكلم معاه

وبعض الناس العكس ودك بس تجلس معاه وتسولف عن يومك كامل

هذي المشاعر تكونت بسبب ان هذا شخص لما تجي تتكلم معاه يعطيك مجال في الكلام . يعني هو ما يجلس نص ساعة يسولف عن سالفة وكل ما تبي تتكلم يقطع عليك السالفه

هو بختصار الي سواه علشان تنعجب فيه . انه عطاك فرصة في كلام وكلامك هادي بين بعض وكل واحد له فرصته ومن غير ما يقطع احد الثاني

هذا الاسلوب لو بنيته مع زوجك بل مستقبل ان شاء الله بتحس بمحبه بينكم مو طبيعيه

بس لو صار العكس . بس يجي البيت بتنفر منه وودك ما يتكلم لانه لو تكلم بيجلس يسولف ويعطي نصايح وما يعطيك مجال حتى تقول شنو صار بيومك

واحد من ناس قريبين علي ما ابي اذكر اسمه

هو تزوج وكل شيء تمام بس العلاقه بينه وبين الزوجه كانت جدا رسميه كانهم نبلاء . لدرجه انه ما يتكلم معاها إلى بل اشياء المهمه . وطول الوقت يتكلم مع ربعه وامه يجلس يتكلمون معاهم فوق ٥ ساعات بل يوم يعني وزوجتك شنو هي؟ مجرد خانة عبيتها كانت ناقصه بحياتك

بنهاية وبختصار الصفه هي الانانيه بل مشاعر

شكرا على قراية النص كامل

ما دام وصلت هنا يعني انت صج إنسان وإنسانه تبحث عن الشريك المناصب لحياتك وقاعد تبحث بكل معلومه تشوفها

استمر يا بطل ولا تغريك الفتن وتلوث نفسك وبعدها تتزوج وربي يبتليك بزوجك

ابعد عن الحرام شهوه مؤقته وذنبه كبير

اسئل الله ان يرزقنا ويرزقك ويرزق جميع المسلمين

بزوج والزوجه الصالحين المناسبين لك ولج يارب

وسلام عليكم 🙂‍↕️

أنا اشتغل في الطوارئ واحنا مقسمين شغلنا على طواقم . المهم انا توي راجع من البلاغ والطاقم حقي دش نام . المهم انا اعتبر شوي جديد عليهم تقريبا شهرين جذي . جا بلاغ والحين جا دور طاقم الثالث . قلت للطاقم الاول يروح يقعد واحد نايم من الطاقم الثالث وواحد منهم انا اروح انبهه

المهم لما جيت انبها ان في بلاغ . قلت له يبو فلان تر عندكم بلاغ والدور عليكم . عاد فجائه فصل وعصب . انت تعلمني شغلي . ويجلس يصارخ بنص الممر . وليد يعلمني شغلي . شرايك تقولي شنو اسوي بعد

وهو جذي على هذي الحاله انا ساكت بس اطالع فيه ومصدوم من ردت الفعل هذي . طيب انا ما سويت شي بس جاي انبهك ان في بلاغ لكم . ليش جذي تنرفز وعصب . لو انا اصلن لو الطاقم حقي يبي ياخذ البلاغ ما عندي مشكلة اخذ بلاغات كلها . انا احب اشتغل واحب الإسعاف بس مو بيدي الترتيب

صراحه من بعدها صار ما يكلمني وزعلان مني . مدري ليش كل العصبيه هذي لو جذي في ناس تعصب على اشياء تافها مثل هذي اشلون عايشين

اشلون زوجتك وعيالك صابرين عليك . انا اخر مره عصبت يمكن قبل سنتين . حتى وهو يصارخ علي بس ببالي انا شنو سويت شي خطء واشلون اعتذر منه . والحمدلله ما رديت الخطئ بخطء . ولا عصبت وحمدت ربي على هذي النعمه .

اوووه ياهلا وغلا بعائلتي الثانيه مشتاق لكم من زمان ما م

نزلت بوست هنا

اولا شي سلام عليكم اتمنى تكون ايامكم سعيده ولقيت شريك حياتكم

وإلى ما لقى لحد الحين ما اقولك غير انك تصبر وتعفى نفسك وقد ما تصبر ربي ما راح يضيع عليك شيء

وعسى ربي يوقفنا ويوفقكم في الزواج وكلنا نتزوج ونعيش احلا ايامنا بهدوء وراحه وطمأنينة

المهم الحمدلله انا توظفت بعد دراسة ٣ سنوات ونصف . توظفت وظيفة الي كنت اتمناها . صار لي شهر الحمدلله

يعني هذي مرحلة من حياتي حيل تغيرت معاي اشياء وانغمست في عالم جديد وشخصيات جديده واسلوب حياه جديد ما كنت اتوقعها . وبديت مرحلة الاستعداد للزواج اخر محطه في القطار ان شاء الله

وصارت معاي كثيير مواقف وخاصة ان وظيفتي اكشن من الاخير

والتقيت مع كثير ناس شخصياتهم عجيبه غريبه . ودي اكتب كل شيء صار معاي بكتاب واعطيه كل واحد فيكم هههههه .

ابدء احد السوالف الي ممكن اغلب الصب بتعجبه

ان في واحد من الناس الي تعرفت عليهم بدوام معاي راح يتزوج شهر ١٢ الجاي والعجيب الغريب ان قالنا ان زواجه بدون عرس رجال ولا حريم والصدمه انه من غير مهر بعد . في البداية قلت له البنت لازم لها مهر حتى ولو قليل . قالي هي طلبت جذي وبس تبي هديه وخلاص .

وواحد ثاني من نفس اللازام يشتغل معاي تطلق بشهر ٢ من هذي سنه وزواجه ما كمل سنه . ويقولي ان ما في شي ما دفعته . مهر وعرس حريم وعشا رجال بدون عرس للرجال

فا سبحان الله انت ما تدري وين رزقك . ما تدري اشلون ربي كاتب لك طريقة الزواج ولا الإنسان ولا النفقه الي بتصرفها ولا اي شي

فا الي عليك فقط انك تسعى وتصبر وتدعي . وتكون نيتك طيبه في الاختيار وما تكون خبيث او تلعب ببنات الناس . وربي بيرزقك على نيتك

وان شاء الله اشوفكم في بوستات قادمه . ودي اكتب كثير اشياء صارت بدوامي بس هنا بس مواضيع الزواج 🫠