u/Wondersaa

جتني فطريات اظافر من البديكير وعجزت اعالجها كل مره استخدم جل او كريم موضعي مايروح وجربت حبوب كمان نفس الشي احد يعرف طبيب كويس او مر بنفس المشكله بليز مساعده

اهلين بنات، حابه اسوي شي لان anniversary حقتنا قربت وصدق جالسه ادور على افكار بس اغلبها سفر وحاليا ماقدر اسافر ايش عندكم افكار واكون شاكره لكم

السلام عليكم، ارجو من معشر الرجال والنساء انكم ماتفكرون تفكير اللحظه او الوقت الحالي البنت اذا قالت ابي اتوظف لاتحاول تغير رايها والبنت الموظفه وماتبي تترك وظيفتها عشان الزواج لا تجبرها ولا تحاول تساوم وارجوكم يابنات يمكن تشوفينه شي كيوت وحلو كم شهر بس بعدها بتطفشين وتصيرين تسويين مشاكل وتدققين عليه وهذا مو من صالحك اخي الرجل لانك بهذي الحركه جنيت على نفسك وفتحت باب للمشاكل الا اذا بتكون تدرس او عندها بزنس او شي يشغلها غير الاطفال واشوف هذي المشكله صايره باكثر المجتمعات.

اهلين امهات جبت عامله على اساس تساعدني بالبيت والاطفال بس العون صار فرعون مستفزه بشكل احيانا ودي اسفرها بس ببلش بشغل البيت وزوجي مو من النوع اللي يساعد. عموما انا فهمت زوجي قبل اجيبها انو التواصل معي فقط انت مالك علاقه وقال اوكي بس يوم جتنا تغير كل شي صار يطلب منها دايركت ويتكلم باشياء سخيفه بس عشان يتكلم وكأن احد طلب منه يفك الميانه 🙂 ومره يدق عليها عشان تقولي ارد عليه لان جوالي دق عليه وماسمعته وصارت ترسله الطلبات بالواتس ومدري ايش وكاني صرت مزهريه وكل مره نطلع زوجي يجيب لها معنا حتى لو كانت في البيت يقول لا حرام يمكن تشتهي لدرجة مره اشترى عصير ورجع البيت يعطيها ونكمل مشوار 😅 اخر مره طلبت منها حاجه وقلت ارسلي عشان اشوفها والحقيره راحت ارسلت لزوجي. والله العظيم شي مستفز واقول لسي السيد اللي عندي هذي الجنسيات ماينعطون وجه وترا بتخرب بيتنا وعلاقتنا ويجي يتهجم علي ويهاوش والله صرت ماني طايقته وكرهتها بعد وابي اسفرها امانه طبيعي الوضع لاني جدا معصبه واحس اثنينهم مستفزين

مرحبا، ممكن كل احد يشاركنا ايش الحسد بالنسبه له تقدر توصفه بكلمه او موقف حصل لك او تصرف

انا صارلي ادور على وظيفه من لي سنه تعبت من جلسة البيت بدون شغل ولا مشغله حاولت التهي اني ادرس واطور نفسي من الناحيه المهنيه وخلصت بس خلاص احس بنجن صرت بس اتهاوش مع كل احد واخلاقي ازفت من الزفت وفيني الصيحه طول الوقت ماتعودت اجلس بالبيت بدون وظيفه او دخل احس اني اتدمر داخليا. في عندنا طبيب او اخصائي يساعدني اتجاوز الشعور و الازمه

السلام عليكم
اول مره اخش سوق الاستثمار وعندي مبلغ بسيط حاب ابدا فيه احد جرب التطبيقات مثل ابيان، صفقه الماليه، عوائد او اصيل ؟ اتمنى تفيدوني بتجاربكم ويعطيكم العافيه

واحد اعرفه مايصلي شاف المصحف فوقه منديل وقال ليش حاطين فوق المصحف حرام مايجوز طيب انت ماتصلي اصلا؟
للتوضيح ( مو حنا اللي حطينا المنديل)