u/Zhigzzag

ورقة وقلم وعد معايا

1- هتبقى اخونجي

2- اسلامجي

3- نطع وخول وانت مين عشان تحكم عالناس

4- ربنا اللي هيحاسبها مش انت يعرص

5- ممكن تكون مش متحجبة ونضيفة عكس الشراميط المنتقبات

فممكن لما نشوف حد بيعصي ربنا منتكبرش عالمعصية ونبصله باستقلال؟ نقول "الحمد لله الذي عافانا مما ابتلاهم به وفضلنا على كثير ممن خلق تفضيلا" او نقول "اللهم يا مقلب القلوب والأبصار ثبت قلبي على دينك" عشان محدش كبير على المعصية ولا حد بعيد عنها وياما ناس حالها اتقلب في يوم وليلة.

ايه الخرا اللي عيوني شافته ده؟ ازبل تجربة عشتها في حياتي هي وانا بشوف البتاع ده. وآه انا شوفته كله من أوله لاخره وقريت المانجا لحد اخر شابتر عشان محدش يقولي مينفعش تحكم عليه من اول 400 حلقة. ديه اسباب إنه عمل فاشل:

1- التمطيط: في المانجا سيء جدا وفي الانمي اسوأ من المانجا بمرتين تلاتة. لو حد مقتنع ان المانجا مفهاش تمطيط يبقى بيضحك على نفسه والله، انت مش محتاج كل الشباتر ديه عشان تغطي ارك مش بذي الأهمية زي دريسروزا (انا فاهم انه مهم، ولكن بتكلم على عدد الشباتر اللي الارك خدها وكمية الاحداث اللي ملهاش لازمة اللي حصلت فالارك)

2- الهزلية الزائدة: انا فاهم إن ده ثيم أساسي في العمل، ولكن فيه مواقف مينفعش فيها الهزلية، مواقف هزليتها بتخل بالقصة، زي لوفي في ارك دريسروزا وهو مسمي نفسه لوسي وحاطط لحية وسبحان الله محدش واخد باله إن ده لوفي، أو مقابلة لوفي مع سابو اللي كانت قمة في العبث، والأمثلة كتير وتطول. والمشكلة من الهزلية المبالغ فيها ديه إنها مش بتخلي طرح الكاتب لمواضيع حساسة زي العبودية وغيرها ليها معنى، لو شوفت توم وجيري بيطرح مواضيع زي دي، هتحس بحاجة؟

3- السيناريوهات المتكررة: قولي كام مرة شوفنا السيناريو ده: يبدأ السيناريو بإن الطاقم يدخل جزيرة (بيبقى عليها حاكم ظالم مغتصب العرش وغالبا الأميرة او الوريث الشرعي للحكم بيقابل لوفي ولوفي يوعده انه هيرجعله العرش). مش

4- كثرة الشخصيات على حساب الشخصيات الرئيسية: أودا عنده عادة إنه كل أرك يضيف عشرين ولا ثلاثين شخصية جديدة، ويقعد يديهم فلاشباكات ومشاهد وسكرين تايم كبير على حساب الشخصيات الرئيسية وعلى حساب تطور الأحداث.

5- قلة التوتر بسبب النجاة المفطرة والموت الزائف: من العيوب القاتلة في العمل، الشخصيات مش بتموت، الكاتب معندهوش الجرأة يقتل حتى الشخصيات الجانبية، أشهر الأمثلة بيل اللي شاف القنبلة في الاباتسا وضحى بنفسه عشان خاطر المملكة وفي الاخر سبحان الله طلع عايش، ولا ايغرام اللي السفينة انفجرت فيه ولا سابو ولا باجايا ولا بون كلاي، الأمثلة لا تعد ولا تحصى، هسيبلكم لينك البوست ده فيه اغلب الموتات الزائفة. تخيل معايا لو الكاتب تجرأ واسترجل وخلى شخصية تخش الطاقم وتموت من غير ما تحقق حلمها، شوف قد ايه ده كان هيضيف للقصة ثيم درامي وسوداوي وعميق وكان هيخليك تخاف على الشخصبات الرئيسية في المعارك والحروب، اما حاليا انت 101% متأكد إن اي معركة الطاقم هيدخلوها مستحيل يموتوا.

6- المبالغة في الفلاشباكات الثانوية: الأداة الأساسية اللي الكاتب بيستخدمها بشكل مبالغ فيه عشان يمطط شباتر المانجا من غير ما حد يقوله انت بتمطط. شخصيات ثانوية فشخ بتاخد فلاشباكات طويلة جدا، وفي الآخر الشخصية نفسها مش مؤثرة في القصة وفي الأغلب مش هتشوفها تاني بس الكاتب بيستخدمهم عشان يزود مبيعات المانجا ويحلب القصة أطول فترة ممكنة

7- بطء تقدم القصة الرئيسية: بعد أكتر من ألف فصل لسه فيه كمية ضخمة من الأسئلة الأساسية من غير إجابات واضحة بس طبعا بوبيز نامي وروبين أهم.

8- الكتابة الزبالة للمعارك: يحبيبي ده عالم قراصنة، يعني المفروض أشوف فيه القتل زي الأكل والشرب، مين القراصنة اللي في الدنيا ديه لما بيهزموا خصومهم بيسيبوهم نايمين عالأرض ومش بيقتلوهم؟ كام مرة أعداء لوفي سابوه على شفا الموت من غير ما يقتلوه؟ كام مرة اوسوب جمجمته كلها اتحطمت ورجع يحارب ولا كإن فيه حاجة حصلت؟ يجماعة انتو مستوعبين انتو بتتابعوا ايه؟

10- الكوميديا الزبالة: مش بس في إن الكوميديا اتحلبت ومبقتش مضحكة، لا وكمان بيدخلهالي في وسط أكتر الأحداث المهمة عشان يأكدلي قد ايه هو كاتب فاشل في كتابة الحوارات.

11- الاعتماد المبالغ فيه على الحظ: كام مرة لوفي نجا بسبب مصادفة غريبة؟ كام مرة شخصية وصلت في آخر ثانية بالضبط عشان تنقذه؟ سواء هو او اي واحد من افراد الطاقم او الشخصيات الجانبية

تقييمي للعمل 2/10 (كتير عليه والله)

قبل ما ابدأ حابب أنوه إني مجرد متابع ومتفرج وحابب أشارككم رأيي في الأعمال اللي شوفتها مش أكتر

هنبدأ بديث نوت بما إنه بوابة ناس كتير لعالم الإنمي وكان بوابتي أنا كمان

الأوستات 10/10

الشخصيات 8/10 (التركيز كله على لايت و ال، معنديش مشكلة مع ده خصوصا مع ديث نوت لإنه مينفعش يكون غير كدا، ولكن مفيش تعمق في الشخصيات الجانبية وأيديولوجياتهم، ومفيش حتى شخصيات رئيسية غير ال و لايت)

البلوت تويستس 9/10

وتيرة الأحداث 10/10

البداية 10/10

النهاية 7/10