حاليا انا بقيت مقفولة من الكيميا بسبب كتاب مندليف وحقيقي صعب فوق ما تخيلت يعني أسئلة مستر محمد عبد الجواد ارحم منها والله، وحاليا انا معايا كتاب الامتحان وقررت احل فيه بما انه معايا وبجد انا فعلا مرتاحة للمادة على عكس حلها في مندليف، معرفش بس ده هل دي طبيعة مسائل امتحان الكيميا بتبقى بنفس مستوى مندليف ولا اي بالظبط؟
انا ناوية بإذن الله اخد مع محمود مجدي، ودي اول مرة ليا معاه، ياريت تقولولي هلو هو كافي ولا لا زائد انا هحل كتير في الفيزياء ان شاء الله بس لو اعتمد عليه هيبقى كويس؟، وياريت لو حد ينصحني من دفعة السنادي 🙏🏻
اول السنة المفروض اجيب كتابين للمادة ولا كتاب واحد كفاية؟، مع العلم انا مش بحب احل كتير وبمل بس هحاول اضغط على نفسي السنادي بالحل الكتير، وياريت تقولولي اقتراحاتكم اجيب كتب اي لكل مادة يعني مثلا في العربي اجيب الامتحان ولا اي بالظبط
البيانو هيبقى تقريبا بالنسبالي اهم قطعة في البيت لانه حقيقي حاجة جميلة جدا مش اي حد هيفهم كلامي غير لو حد جرب يتعلمه، لو اضطريت حتى اختار ما بين اجيب عفش البيت أو اجيب بيانو هختار اجيب بيانو، بحس روحي فيه وهو شبهي جدا
إنجليزي مع محمود رضوان ولا عبدالحميد حامد( تقولولي بالذات عبد الحميد بيشرح ازاي الكلمات بيكرر فيهم ولا لا والجرامر وافكاره مقاربة للامتحانات ولا لا)، فيزياء مع اشرف حسام ولا محمود مجدي محدش يجيب سيرة عبد المعبود ( كمرجعات وكشرح وياريت اخد مع حد فيهم اعرف احل بعدها علطول زي طريقة عبد الجواد في الكيميا) انا كحل ان شاء الله هحل كتير جدا بس عايزة افهم منهم ومش احتاج لحاجه تانية من بعدهم
بالنسبة للبكج اللي بيعملوه قبل ما يبداوا دروس بيبقى في دفتر مثلا تلخص منه وكتاب بتاع المدرس فيه تدريبات هل يفضل اجيبه ولا هو تضييع فلوس ومجهود وملوش اي ستين لازمة وياريت تقولولي اجيب كتب اي بجانب كتب المدرسين من اول سنة علشان مش اضيع من بدايتها
(ملحوظة : ان شاء الله هاخد عربي مع رضا الفاروق و إنجليزي مع محمود رضوان و أحياء الجوهري و كيمياء محمد عبد الجواد وفيزياء دكتور كيرلس)
دي مجرد وجهة نظري الشخصية وتحليلي للمباراة، ومش بقول إنه حقيقة أو عندي دليل قاطع، وكل واحد حر في رأيه.
أنا شايفة إن فرص فوز المغرب النهارده كبيرة، وليه بقول كده؟ لأني حاسة إن وجود حكام أرجنتينيين ممكن يأثر - ولو بشكل غير مباشر - على قرارات المباراة، وده مجرد توقع مني. وكمان من وجهة نظري، لو فرنسا كسبت ممكن يبقى النهائي أصعب على الأرجنتين مقارنة بمنتخب تاني.
وفي نقطة تانية أنا بفكر فيها، وهي الجانب التجاري للبطولة. وجود ميسي في البطولة بيضمن نسب مشاهدة ضخمة جدًا حول العالم. القنوات الناقلة بتدفع مليارات مقابل حقوق البث، والشركات الراعية بتستثمر مبالغ هائلة في الإعلانات، ومباريات الأرجنتين تحديدًا بتجذب مئات الملايين من المشاهدين بسبب شعبية ميسي.
كمان مباريات المنتخبات الكبيرة زي الأرجنتين بتكون التذاكر فيها بتخلص بسرعة جدًا، وجماهير من دول مختلفة بتسافر وتحجز فنادق وطيران وتدفع مبالغ كبيرة عشان تشوف النجوم الكبار، وده بيدي دخل اقتصادي كبير للبطولة والدولة المستضيفة.
لكن هل ده معناه إن الفيفا أو الجهات المنظمة بتتدخل تحكيميًا علشان تفضل النجوم موجودين في البطولة؟ أنا شخصيا شايفة إن ده احتمال وارد من وجهة نظري، لكن مفيش دليل رسمي يثبت ده، وبالتالي يفضل مجرد تحليل أو رأي شخصي مش حقيقة مؤكدة.
في النهاية دي مجرد قراءة مني للأحداث، وممكن أكون صح وممكن أكون غلط، والملعب هو اللي هيحسم.
هو انا ليه ببقى مرتاحة لاي حد هنا على ريديت حاطط صورة بروفايل وطبعا عادية يعني، عكس اللي بدون كده وحاطين مجرد شخصية من هنا، هو ده طبيعي ولا اي؟
ممكن اخبي كلامي في الريبلايز ازاي او اشيله ازاي حتى, مش عايزة اي رسايل تبقى موجودة في خانة threads، ياريت حل للموضوع ده لان حرفيا مش لاقية اي طريقة
a moment of nostalgia brought me back to digital art, just a quick sketch (no coloring) done with my fingers not an ipad pen, it's inspired by a drawing from pinterest, i left u the original drawing i tried to copy, waiting for ur honest feedback 🤍
بعد غياب طويل وانقطاع شغف، لحظة حنين رجعتني للرسم الإلكتروني
سكتش سريع (بدون تلوين) مرسوم بأيدي مش بقلم آيباد، ومحاكي لـ رسمة من بنترست، سايبة لكم الرسمة الأصلية اللي حاولت اقلدها
مستنية رأيكم بكل صراحة 🤍
هل شايفين محمد عبد الجواد مدرس الكيمياء مناسب لتالتة ثانوي؟ وانجلشاوي للانجليزي رايكم فيه؟ و الاحياء اخد مين فيه تنصحوني بالجوهري ولا في حد احسن منه؟