اوكي وين الخطاطيب
أنا انثى عمري ٢٧ طولي ١٦٨ وزني ٦٩، بيضاء، شعري طويل، الباقي بعدين عاد
شغلي كويس أنا بالمكان الي ابيه وظيفيا ونفسيا لذلك احس اني مستعده للزواج ساكنه بالرياض واهلي بالرياض
شروطي
اكبر مني او كبري
اطول من ١٧٥
مو نحيف
وظيفيا اعلى مني (يعني راتب ٢٠-٣٠+)
قبيلي من المناطق هذه: نجد، القصيم، الشرقية (والنعم بالجميع بس أنا اعرف اهلي يوافقون على ايش)
اسنان مرتبه ونظيفة مو صفراء
بعدين شخصياتنا تمشي سوا وبيننا كمستري ولا لا
أنا اتمرن ٣ مرات بالاسبوع، كل عمري اتمرن واقطع وأتمرن واقطع هالمرة صملت ٢٠ اسبوع كل اسبوع ٣ مرات تقريبا اوكي افوت بعض الاحيان بس بالغالب ملتزمة، مر علي اسبوع ٢١ ما قدرت قررت اعطي نفسي اجازه رجعت اسبوع ٢٢ بالموت كملته، اسبوع ٢٣ اليوم اول يوم ولان مافيني طاقة اخذت pre workout قلت اجرب يمكن يفيد، حرفيا اضطريت اوقف بعد ثاني تمرين من الحكة والانزعاج الي جاني الحمدلله على العافية بس كيف ارجع طبيعي 😭
على اي اساس اختار نوع مرتبه السرير؟ فيه ٣٧ الف نوع ولا عرفت اقرر. اي احد عنده خبرة ياليت يفيدني واذا فيه محلات اقتراحات اكون شاكرة
كيف تلتزمون بسعرات معينه بدون ما تنهبلون؟ احس عندي العلم والتكنيك وكل شيء بس من أبدا احسب سعرات ابد اصير مجنونه مدري انا انضغط ولا إرادتي ضعيفه ولا وسواس ولا وشو بس عموما فعليا ما اقدر استمر احسب سعراتي وكل ما حسبتها تهج معي اكثر
يا جماعه كيف استوعب اني قاعده احلم بالحلم؟
اليوم كنت تعبانه مره لدرجة نعست وتقريبا غفيت، بنص غفوتي استوعبت اني مو قاعده اسمع فيديو عشان انام وكنت بقوم اشغل شيء… بس قررت انام بالهدوء لان النعاس غلبني، وكانت النومة ١٠/١٠ السؤال أنا ليه نادر صرت اقدر انام بدون صوت يشتغل؟ ليه مخي كذا؟ is my brain rotted or am i anxious or what…
سمعت ان الرجال بالجامعه والعشرينات قدرتهم الجنسية تكون في قمتها ومن بعدها تقل قدرته، هل هذا الكلام صح؟ اعرف مع الوقت تقل طبيعي بس دايم كنت أتوقع الثلاثيني قدرته ممتازة… واذا اي قد ايش تقل؟
سؤال انا قبل ٣ ايام صار لي موقف وتوني أتذكره… بالدوام جالسين كل شخص بمكتبه وقمت اسولف مع وحدة حول مكتبي وجاو ثنتين زياده فصرنا مجموعه واقفين ونسولف، ويدخل واحد معنا بالسالفة (مكتبه حولنا بعد) الزبدة كان عادي إلى ان فجاة تحول النقاش كوره وقاعده اسولف مع وحدة من البنات فجاة اسمعه يأشر علي يقول "لا هي نصراوية.. الله يشفيها" الحين هذا المتخلف غلط علي ولا انا الشيطان راكب مخي الحين؟
اخذت رقم نجار (يمني) من صديقتي سوا لها غرفتها وطلعت حلوة، قالت لي انه يتاخر بس سألناه كم بتاخذ قول الصدق قال ٣-٤ اييام.
الزبدة اني حولت له المبلغ كامل من البداية حسبي الله عليه طلع لي قرون ما يرد واتساب ولا جوال يقول بجي بكرا ولا اليوم الفلاني بعدين يسسسسحب ويقفل جواله ولا يرد سواها فينا تقريبا ٧ مرات، جا ٣ مرات خلال شهر وباقي له البلاط بس يخلص ويفكنا من شره بس قاعد يماطل له اسبوع - ١٠ ايام
أنا قفلت معي منه معد ابيه يسوي شيء قلتله اكثر من مره رجع الفلوس بس مافيه طب عموما بس ابي اخذ حقي قهرني وش اقدر اسوي؟
ادري لو رفعت شكوى مرح يصير شيء وش اسوي؟ ابيه يتصفق الان