u/forgottenchapterr

رجعت بالصور القديمة اقل السنة يعني قرابة 9 اشهر ثمن اشهر هيج وشفت شكلي بالصور الي جنت اكول على روحي اجنن، حرفيااا العب ستيييين نفس، وقبل شوي شفتلي صورة بشهر السادس وهاي علساس جنت بقمة جمالي يومها ووحدة مدحتني تكلي متغيرة، الصورة حرفياا لعبان نفسس وبكل ثقة دزيتها لصديقتي الالكترونية وجنت متوقعة رح تنبهر من جمالي الخارق الاسر الفتاك

يمه الاكس الله ينطيه على كد ماجان يجاملني واريد هسه اروح لذاكرته امسح منها خلقتي، اني ماقاهرني غير الصورة الي بشهر السادس يعني تقريبا رح يمر شهرين الها وهيج هلكد تغيرت، خبلني وجهي كل ست اشهر قالب جدييدددد

بس الايجابية انه الناس الالكترونيين ميكدرون يتعرفون عليه 🤪

طبعا هاي كرايبي متعودة تكول خوش وامها واخوها يكولون تمام، فهي مرة جانت تحجي تكول اريد من اخلص سادس اشتغل مساعدة يم مدرس، ف اخوها نز كللها تصيرين مساعدة وانتي تكولين خوش؟؟؟؟!!! وحتى امها تكللها شنو تكولين خوش كولي تمام

ف اني كلش مستغربة معقولة اكو ناس ماتحب كلمة خوش 😐😐 او شنو هالمقارنات اصلا تمام مو حلوة وشرط من يكولوها يكولون تmاm

جيبو بس ذني الكلث نوعيات لان البقية حشة نعمة الله صكط وطعمهن بس شكر ويدوخن الراس، وواحد هي مرة وحدة وجيس مايتعده الثلاث الاف فخلي يجيبله شغله راقية وجكليت طيب لان حرامات يعني هسه عدنه جكليت جابوه النه مو طيب وطعمه سكري كلش بدون نكهة ويدوخ، يعني لو جايبين واحد من الي بالصور 😓

جان اكو شخص اعرفه علاقتنا مو قوية اصلا بس حاط صورة جيفارا وكلما اشوف جيفارا اتذكره واتذكر حياتي بذيج الفترة ويعني احس جيفارا مربوط بيه والعكس، يعني كلش اععع لمن اكو عطر او طقس او شي يذكرك بفترة من حياتك مو اله يذكروك بشخص ممكن هالشخص من تتذكره تتذكر ذيج الفترة فهمتوا؟

ها وهسه اكو اغنية جديدة ماعرف يا لغة يسوون عليها ايديتات لجيفارا وهي كلش حلوة فما اعرف يعني، المهم اني مكرشة على جيفارا

بس ليش اكو هواي ناس اجتماعيين واقع ومواقع من شخص يختفي او بعد اخباره ماكو يظلون يسألون عليه خصوصا لو جانت العلاقة بسيطة وحلوة يعني مو كلش عميقة، او صار شي عميق بس ما اخذله فترة طويلة

شوف هسه اني اقدر الناس واسال عليهم بس شون اوضحها بسرعة اتخطى وما اسأل خصوصا لو جانوا ناس الكترونيين، بس ليش الشخص الاجتماعي كلش والعنده مغامرات ممكن يظل يسال عن شخص اخر خصوصا لو جان الكتروني والفترة قصيرة، معقولة هو الي يسأل يكون من النوع الي كلش يقدر الناس واللحظات، لو الشخص ذاك اصلا ماينسي فيظلون يسألون عليه؟

لو بس يردون يعرفون احواله حتى يرجعون يكضون وكت سوية ويضيع وكت؟ او مثلا مرات هو من النوع الكلش اجتماعي فبعد شتسوي بيه اصلا؟ يعني ماعرف والله اريد شرح لان رح اتخبللل

مبدئيا ريديت دينشهر شوي شوي ولتخافون على كد صب مزربل وطبخ واوتفت وهايجين والبنات الي يعانن يرحن لهوم جيلد واكو شوي يتفاعلون بديردايري

يعني وحدة عفطية تحمل ريديت وماتصدك على الله شنو هالتطبيق تكل لصديقاتها المرعبلات مثلها واكيد يجون يشوهون التطبيق وكلهم اسلوب حوار صفر وميعرفون يحجون، وواحد ملطلط يكتشفه ويكل لجماعته الملطلطين وهكذا

فحاولو القصص التحجوها يومياتكم سوالفكم تكونون متأكدين محد يعرفها او تخلون اسلوبكم شوي يتغير حتى محد يعرف حسابكم، لان عدنه كومة معدان اول ميعرفونك هذا انت من سالفتك يكولون للغير ويكعدون يبحوشون بحسابك وسوالفك

واهمشي خصوصية المستخدم هنا لان خاف كلنه نروح بيها خصوصا هذا المنشور من زمان ردت انشره ووره ماشفت بوست الملاك المامحظوظ ايقنت هذا الوكت المناسب حتى انشره وتاخذون حذركم حبايب كلشش زين خصوصا بهالصب لان كلش مشهور عند المستخدمين الجدد الهمج مع احترامي للجميع 💋

نوب تكول صار اتفاق بين والدة العريس ومدري منو ومفاجأة، والعروووووووووووسس، من هسه الله يعينها على عمتها

يعني اني جنت بالابتدائية متدينة واخاف الله وهسه صرت حتى صلاة ما اصلي وكلش انحرفت عن الدين ولسه البنات الوياي حسبالهن متدينة وبعدني اخشى الله مشكلة اذا اعترض او انكر يصير عليه ❌ ف الواحد بهاي الحالة يظل ساكت اشرفله

اليوم حلمت اني واختي وكرايبي طالعين فجانوا ثنين كرايبي 1 و 2 فجان ثنين كلش شوي ينبه باختي ويسولف وياها وهي متفاعلة وياه واني بطبعي مو كلش اجتماعية وي كرايبي بالحلم ماعرف ليش فعفتهم وغيرت السايد الي جنت امشي بيه

فجان ثنين يحجي بانفعال وي اختي ليش غيرت السايد ومدري شنو اخر شي عرفت رقم 1 من كرايبي جان يريد يسولف وياي واني ممنتبهة وباس ركبتي وهذا كله اني ممنتبهة 😀

مشكلة قبل لا انام جنت جاي افكر بشخص ثاني تماما وهذا كرايبي رقم 1 صارلي يمكن ٣ سنين مشايفته

يعني كعدت من الحلم غمضت عيوني من الفشلة وهو بس حلم، اكره لمن الاحلام تربطنا بناس مانهتملهم وتعوف الناس الي نريد نحلم بيهم

بس عود ليش اكو نوعية من البنات الحلوات من تجي تنشر ماتنشر خلقتها وبس والاغنية، اله تحط كلام يقلل منها، لا تتنمرون كلشي محاطة، السادس خله مالي خلك احط مكياج، والخ من الحجي الي يبين الشخص هذا ما راضي عن خلقته او مشكك

رح تجي كومة تعليقات تمدح وتمجد بيها وتنكر كلامها، زين من البداية انتي رح تحصلين مدح ليش اله تكتبين هيج وتقللين من روحج وتبينين للغير كلشش اتنشن سيكر

ومن يجي واحد يكللهن انتن اتنشن هور يضوجن ويجن لوكياتهن يصيرن محاميات الها ويظلن يغلطن ويتجاوزن

تره كلنه نحب الاتنشن ونسعاله محد يكدر ينكر هذا الشي، بس مال تدور عليه بطريقة كلش مبتذلة وتقلل من نفسك حتى بس تحصل مدح بالله شتحس؟ مشكلة اكو كومة منهم يعني بالواقع والمواقع عدهم اتنشن جبير بعد عليمن الكلام الفارغ هذا؟ انت اولردي اذا نشرت روحك حتحصل فليش صامل الا تقلل من نفسك؟ نوب التعليقات اذا تماشت وياها وكلولها اي انتي مو حلوة ( لان هي هيج تكول على روحها) يجون يردون عليها يكلولها مسمومة والخ زين غير هي جابتها الروحها وكالتها من البداية وتريد مدح وانكار لكلامها، بس هيج نوع من التعليقات يخبلهن

اني ببالي ادرس كله على اليوتيوب لان ما احب اكون مربوطة باستاذ وامتحانات الكترونية واذا اغيب على ساعة ياخذ الكود وتروح فلوسي وهمات هذني كلهن يسببلي سترس وحبوب لا نهائي

فهي المحاضرات غير كلها على اليوتيوب وكلشي عاليوتيوب يعني الالكتروني بس امتحانات واكو قنوات تلي تنشر امتحانات الاساتذة

عندي صديقتي من كلتلها ( اني مو زينة بالرياضيات للعلم) ماريد اسجل اي مادة حتى الرياضيات ضحكت هيج 😅 وكالت اني الرياضيات وسجلته " هي كلش نابغة بيه وجابت 99"

فما اعرف يعني اني عندي اسبابي وماريد اتقيد ولا اريد احس بقلق اريد كله على راحتي واني اصلا مجربة ادرس وحدي وملتزمة وماسخت وكلشي وكلاشي فبعد ليش الناس هلكد يشوفون الالكتروني مفيد يعني حتى لو شغلة استعصيتها اسأل جيميناي عادي

ونص الي يعيدون غالبية منهم كلشش هواي لا يسجلون لا معهد ولا الكتروني معتمدين على اليوتيوب فيعني ماعرف والله ليش هلكد غاسلين عقولنا لازم نسجل وهي المحاضرات نفسها واني اصلا ملتزمة وقنوات التلي ممقصرة بنشر الاسئلة

فكرته مقرفة الصوت مقرف وكلش تحسه برين روت والناس من يسووه تحسهم همج حركاتهم ورياكشناتهم على ترند كلشش سخيففف اخخخخ نوب كلششش مقرف لعبت روحي

طبعا مرة سمعت عساس معلومات العراقيين انباعت عالدارك ويب ب الف وخمسمية دولار يمكن، فسؤالي هو ليش العراقيين بالخصوص هل الاختراق معلوماتهم سهل كلش بحيث مايسوه يخلي سعر عالي لو شنو بضبط، زين الدول كل دولة والها سرية عالية ببيانات المواطن يعني والله ماجاي افتهم شون الهكرية هيج يسوون بس شون يعني