u/hakomoro

ليه ؟

يعني بجد عاوز افهم ليه في المهر تشتري 50% من ذهب الجزاءر رغم انك غالبا هتبيعه بعد شهرين من الزواج ! وليه لازم تعمل فرح تجيب فيه مليون بشري -غالبا ميقربولكش- وتصرف فيه 100,000 ألف علي الأقل ؟ بجد موضوع تكاليف الزواج في دول العربية (خصوصا مصر) مش منطقي مقابل الوضع المعيشي يعني مش فاهم فين المشكلة لو المهر كان خاتم والفرح (العرس) اتعمل في البيت وعدد المعازيم قليل والشقة تبقي إيجار او ملك لكن بعفش (أثاث) متواضع بدون بهرجة وباقي الفلوس اللي وفرتها تستثمرها في مكان أفضل ونوءطة

عارف طبعا ان الصين مش يوتوبيا وفيها مشاكل كتير لكن هي فعلا تجربة مميزة بعيد إرضاء العم سام كما فعلت كوريا وعرفت تعمل نموذج اقتصادي مستقل بشكل كبير عن أمريكا والغرب

السلام عليكم ،

من فترة قرأت "فلسفة الثورة" لعبد الناصر (وحسيت إني بقرأ منهج دراسات) وبعدها واحد رشحلي عودة الوعي ، الكتاب فعلا بيذكر جذور الأزمة اللي احنا فيها حاليا لكن لاحظت أنه مكانش بينتقد عبد الناصر بشكل مباشر بل كان بينتقد البيئة اللي هو فيها اللي غضت الطرف عن عيوبه وأخطاؤه وجعلته المعبود المعصوم -علي حد ذكره- فبالتالي بالغ في السلطة والتطرف حتي أورد بمصر موارد الهلاك في عدم وجود معارضة . ولاحظت أن الحكيم كان بيعتبر عبد الناصر عيل صغير مش أكتر لكن في نفس الوقت عنده له حب دفين (حب مش احترام) واظن أن السبب إن الحكيم كان شايف عبد الناصر شخصية كتبها لم يتقن حبكتها فنوعا ما عبد الناصر كان الجانب الشبابي العاطي المتهور من الحكيم فكان شعوره تجاه عبد الناصر خليط بين الإزدراء والحنين . ولاحظت إن الحكيم كان بيحمل نفسه أغلب المشاكل بشكل مبالغ فيه وأظن أن دا لأنه شعر إنه هو اللي كتب الوحش اللي خرب مصر ، دا كان رأيي في الكتاب وعبد الناصر ومفيش مشكلة لو انت شايف كلامي غلط او عندك رأي تاني

بجد بحس إن Samsung internet مجرد تطبيق تجاري هدفه تقديم تجربة وهوية موحدة لمستخدمي Samsung بدون تقديم فائدة واقعية يعني مجرد Chromium اسمه Samsung internet ، وبردو كدا مع أغلب ال browsers يعني مش أنا جربت/شفت:

. Chrome

. Edge

. Firefox

. Librewolf

. Opera

. Samsung internet

. Internet explorer 🤡

وحاسس إنهم Chromiums بأسماء مختلفة ،عارف إنه في اختلافات زي الخصوصية واستهلاك الرام لكن مش بس ف أنها بذلك التأثير . هل متفقين في الموضوع دا ؟

تعديل: اقسم بالله عارف إن Firefox و Librewolf مبنيين علي Gecko مش Chromium لكن أقصد أنه نفس التجربة في النهاية بدون اختلافات جذرية

السلام عليكم ،

من وأنا صغير وانا عندي انتماء قوي لمصر -وما زلت- رغم اني كنت عارف كمية المصائب البلاوي اللي فيها ومكنتش عارف ايه اللي متمسك بيه بالضبط لكن كان عندي قناعة ان بلدك تعتبر قيمة مهمة بدون سبب أو مبرر ، كبرت ولقيت إني مش لوحدي وفي وطنيين تاني بس مش لنفس الشكل اللي عندي يعني مجرد وثنيين فرحانين بمثلثات جبنة نستون (الأهرامات) متعتقين ليهم 5000 سنة وحجارة من أكثر من 2000 سنة ، دا غير المغفل اللي فرحان بالجيش والسادات و 6 اكتوبر (مأقصدش اقلل من السادات) و فاكرها فخر لا يزول ، دا غير النازي اللي يحاول يقنعك إنه المصريين عندهم خصال وعادات جميلة مع أنه لو فتحنا الموضوع دا مش هنخلص ، بشوف إنه دا بسبب أنه مفيش سبب واضح يخليك تفتخر بكونك مصري فدا بيخليك أما تفقد انتماءك أو تتعلق بأقل حاجة ممكنة زي 6 اكتوبر أو حضارة بائدة أو موقف فردي لواحد مصري ، فاللي بشوف إنه نعترف أن مصر مجرد صحراء ومفيش شيء مميز في كونك مصري لكن يكون عندنا انتماء وانحاول نخلي الصحراء وطن ونخلي في شيء مميز في كونك مصري

السلام عليكم ،

غالبا ما نجد ذِكر ميكافيللي مستحضرا في أي نقاش أخلاقي حول الغاية وتضاربها مع الأخلاق والأخلاق الوضعية/النفعية والخسة والشر لدرجة أني ظننت كتابه "الأمير" كتاب فلسفي ، لكن بعد قراءتي له أدركت ان اغلب ما الصقناه بميكافيللي من خسة واخلاق نفعية غير واقعي فميكافيللي لم يكن واعظا/فيلسوفا أخلاقيا او خطيبا جاء ليعلمك خطبة عن ضرورة الإيفاء بالعهود هو ببساطة جاء ليعلمك فن يدعي "السياسة" واكتشف ان السياسة والأخلاق نادرا ما يجتمعان لذا فضل التركيز عي الجانب السياسي دون محاولة اقناعك بأفكار اخلاقية توردك الهلاك أو يمارس نفاق قيمي يبرر كل ما في السياسة اخلاقيا وعوضا عن ذلك جردها من الأخلاق وشرح لك قواعد اللعبة كما يراها وانت تختار ما يناسبك . هذه استنتاجاتي من قراءة الكتاب ، ماذا عنكم ؟

أعني هل فعلا يوجد ما يوصف بدقة بوصف "المتناقض" أم أنه تضاد جديد علينا ، مثلا إذا قلت لك أن الجزائر دولة صحراوية لكن بها جبال تمطر الثلوج البعض ممن فهموا الظاهرة سيعتبرونه شيئا متسقا لكن من لم يملكوا إدراك كافي للظاهرة سيصفونه بالتناقض وكيف للثلوج أن تظهر في الصحاري ؟ فما أسقطته علي أمور أخري هو "النفاق" فعلي افتراض وجود شخص يظهر نفسه بحس أخلاقي عالي لكن لا يطبق منها إلا ما يفيده قد نعتبره "تناقضا" لكن لو امعنا النظر في شخصيته وسلوكه قد نخرج بنتيجة منطقية وهي أن القاعدة هي "المصلحة" وليست الاخلاق او السلوك فمن المصلحة أن تظهر بأفضل الصفات مما يكسبك السمعة ومن المصلحة أيضا الا تجعل الأخلاق قيدا لك لتصل لما تريد لذا يمكننا وصف هذا الشخص بأنه في قمة الإتساق منطقيا ، ما رأيكم ؟

بالنسبة ليا:

. النشيد الوثني لجمهورية مصر العربية

. هكذا تشنق النسر

. الخطة رقم 7

. ديانة القرن الحادي والعشرين

. اللاشيئية

. لما أنا رأسمالي حقير ؟

اولا، انا مش بعمم علي كل المصريين أنا بس بتكلم علي فئة معينة.

المنشور دا بيقول فيه أنه عاوزين يمنعوا الأجانب اللاجئين من الجامعات الحكومية المصرية ولو فتحت التعليقات هتسمع كمية خطابات كراهية بالعبط تجاه اللاجئين .

اولا، اللاجئ دا بيدفع ضرائب وسكن وأكل وشرب من حر ماله مش عايش في خير اللي جابوك (لا مؤاخذة) وبردو باقي الدول بتخلي اللاجئين يروحوا جامعاتها عادي وبيدفعوا رسوم زي اللي في مصر، والتعليقات مليانة شتيمة للاجئين وتقول خليهم يغوروا برا مصر والقرف دا كله والشغل بتاع "مصر للمصريين" طب انت يا روح امك روح انتقد اللي مخليك في الحال الزبالة دي مش تاجي تفرد عضلاتك علي لاجئ كل همه يعيش !

معلش لو أسلوبي كان فظ بس بطلع اللي جواية وأكيد مش بتكلم عن المصريين كلهم

😅

والأستاذ قاعد يقول كلام مخالف لأيدلوجياتك السياسية والفكرية لكنك مضطر تسمع وتطلع علشان تنجح ومتنسجنش T-T

علي الوردي، خوارق اللاشعور

السلام عليكم،

نلاحظ وجود قاعدة يكاد يجمع الجميع على صحتها، وهي: "الدعم يرتقي بالمجال"، ولا نتعجب من ذلك؛ فمعظم المجالات المادية تسير على هذا النحو.

لكن ما أثار انتباهي في كتابات بيجوفيتش، في كتابه الإسلام بين الشرق والغرب، أنه لا ينظر إلى المجالات الأدبية والفنية كما ينظر إلى سائر المجالات، بل يرى أنها "متضاربة" مع المجالات المادية. فقد قسّم التطور إلى شكلين: تطور حضاري (مادي)، وتطور ثقافي (روحي وفني). ويرى أن العصور لا تجمع بين الاثنين بالقدر نفسه؛ فإذا وجدت حضارة متطورة ماديًا، كان الفن فيها متدنيًا وسطحيا -حسب رأيه-، وفي المقابل قد تجد حضارة منهارة ماديًا، لكن الفن فيها يصل إلى أقصى مراحله.

ومن رؤاه أيضًا أن الفن لا يُدرَّس كما تُدرَّس الفيزياء؛ إذ كان يرى أن الفن أكثر روحانية ونسبية من أن يُحصر في مناهج صارمة، بل ينمو عبر التنشئة والتعليم التقليدي، وإلا أصبح فنًا متكررًا وذا طابع وظيفي.

لذلك خطرت ببالي فكرة: هل دعم المبدعين عبر التمويل، وتسهيل الوصول إلى المصادر، والمتابعة، يدعم الفن فعلًا، أم أنه يقتله ويجعله متطابقًا؟

طبعًا، هذه مجرد فرضية نظرية للنقاش، فما آراؤكم؟

بجد يعني من الأسماء اللي بلقاها:

. المكتبة السهلة

. النملة المحترفة

. دودة السطح المبدعة

. الحجة ام إبراهيم

. ديناميت

وفي موضوع الصورة مالقيتش حاجة ليها علاقة بالموضوع فحطيت الراجل دا وباين عليه ابن ناس

.

متسألونيش الفكرة جاتلي إزاي

معرفش ليه الصورة النمطية دي موجودة عندي.

بالنسبة ليا النازية, مش علشان هتلر علي فكرة.

السلام عليكم، لو عاوز اعمل قناة يوتيوب بتتكلم عن الفلسفة والروايات والتاريخ فايه كل حاجة انت محتاجه؟ بعيدا عن ال scripts والمحتوي.