سمعت عن هل تجمع والحدث و تسائلت هل راح يكون يستحق فعلا، اكيد مو من ناحية فعاليات او ما شابه لان اني غاسل ايدي. بس اقصد من ناحية المبرمجين الي يروحون هناك هل فعلا مهتمين بالمجال او يفتهمون بيه صدك؟
يعني الي رايح علواه يفيدنا لان حايرين اني وصديقي نروح لو حنضيع وقت
اولا اني ما اعرف اذا جنت خبير او نص خبير او اصلا ما داخل التصنيف. لان المجال كلش واسع و كلما تتعلم شي جديد تكتشف اكو جواه 20 طبقه ما جنت تدري بيها اصلا موجودة.
المختصر المفيد اني لاحظت اني بديت اشتت نفسي, بديت ادرس هندسة عكسيه و كذلك دا اتعمق بمكتبات بايثون و البرمجه بشكل عام و هم كاعد ادرس اليات عمل انظمة التشغيل و الشبكات و الاختراقات المعروفه و بطريقة تقنية
وكذلك دا احاول بين فترة و فترة احل ctf (هذا كله من عدا دراسة الجامعه لان ما اخذها بالحسبان)
المهم الي اني اعرفه شغلتين الاولى اني انسان كلما ينعزل اكثر كلما احسن, ف ايزي اكعد ساعات طويلة على اللابتوب. و شغله ثانيه اعرف ان لازم اتخصص بشي واحد و اتعمق بيه حتى ما يضيع تعبي و يكون مجرد تضيع وقت بسبب التشتيت
سو الي ممكن ينصحني او جان بنفس وضعي بوقت من الاوقات راح اكون ممتن
حقره الويكي و اعتمد عليها كمصدر رئيسي و حستعمل شوي ai علمود افهم اشياء -اعتبره مصدر معلومات-
و اريد اعرف شنو اهم الاشياء الي لازم انقلها لهارد خارجي قبل لا احول، غير الملفات مالتي اكيد.
و عندي تقريبا 4-5 ايام حتى اكمل التنصيب قبل لا يبدي دوام الجامعة واتورط.
وصارلي على وندوز ما يقارب ال8 سنين(من بلشت استعمل اللابتوب) وعندي vm ب نظام كالي لينكس واعرف اتعامل وياها بشكل حلو.
اعرف الباش و اعرف لطبيعة النظام ماللينكس. ف اكو شي فاتني لو اتوكل؟
حقره الويكي و اعتمد عليها كمصدر رئيسي و حستعمل شوي ai علمود افهم اشياء -اعتبره مصدر معلومات-
و اريد اعرف شنو اهم الاشياء الي لازم انقلها لهارد خارجي قبل لا احول، غير الملفات مالتي اكيد.
و عندي تقريبا 4-5 ايام حتى اكمل التنصيب قبل لا يبدي دوام الجامعة واتورط.
وصارلي على وندوز ما يقارب ال8 سنين(من بلشت استعمل اللابتوب) وعندي vm ب نظام كالي لينكس واعرف اتعامل وياها بشكل حلو.
اعرف الباش و اعرف لطبيعة النظام ماللينكس. ف اكو شي فاتني لو اتوكل؟
اخوان الي عدهم تجارب وياها او مشتريها شنو رأيكم بيها ؟ ومنين اشتريتوها
اخوان الي عدهم تجارب وياها او مشتريها شنو رأيكم بيها ؟ ومنين اشتريتوها
اخوان الي عدهم تجارب وياها او مشتريها شنو رأيكم بيها ؟ ومنين اشتريتوها
مرات ما اعرف شلون اعبر عن كرهي، بالاخص اني انسان بارد ونادرا ما اشياء تخليني اتنرفز او انفعل.
بس بداخلي كره مو طبيعي لهذا المجتمع، لهذا المكان، لهاي البشر الي عايشين بطريقة غبية جدا لدرجة مقززة.
ما استغرب من اسمع بوجود مجرمين بهذا المجتمع، بالعكس المفروض انصدم اذا سمعت اكو ناس جيدة او صاحية بهذا المكان.
اكره هذا العالم كله، واذا جانت عندي كلمات اخيرة فهي حتكون لعنة على كل شي، لعنات متتالية على كل شيء موجود بهذا الكون الملعون من اللحظة الي انوجد بيها العقل البشري الملعون وبدأ بالتطور ولهاي اللحظة الملعونة الي دا اكتب بيها هل كلام.
ما اعرف شلون او شنو راح اكتب لان الموضوع معقد.
بس الفكرة الاساسية، شلون تتعاملون ويه امهاتكم ؟
بغض النظر عن اختلاف ارائكم و وجهات نظركم و خططكم و بغض النظر عن سلبياتها لان هي بالاخير انسان وعنده عقد و مشاكل حاله حال اي احد، بس شلون تتعاملون وياهم بطريقة تجمع بين رضى ضميركم و بين ان ما تأذون نفسكم ؟ يا اخي گوة هي كلما احاول اصير زين اتأذى و ارجع اقفل، و دور الضحية موجود دائما و حاير شسوي لو اضل مغلس لو احاول ابين ان الوضع طيب والامور حلوة ؟ مدري
الي دفعوا ثمن افكارهم عندي كم سؤال، اني شخص بدأ يدفع ثمن افكاره اخر سنة تقريبا و بغض النظر عن طبيعة او نوع الافكار وهل هي صح او غلط.
بس شنو اكثر شعور تحسون بيه اثناء ما دتدفعون الثمن ؟
غضب ؟ حزن ؟ ندم ؟ كراهية ؟ لو شي ثاني ؟
وين تتابعون كارتونس مدبلجة ؟ موقع او تطبيق معين ؟
سؤال اذا اني اسوي مشاريع برمجة وابيعها ف شلون أقدّر السعر المناسب؟
اذا مثلا تبيع كود او بروجكت، شنو الشي الي على اساسه تحسب التكلفة و تطلب السعر؟
اكيد تعقيد المشروع و مستوى صعوبته يفرق بس قصدي اذا عدكم طريقة تحسبون بيها
خمطتها من بنت خالتي جاوبوا بسرعة قبل لتلگفني
هلا يابه، شسمة اريد اسوي مشروع ببايثون -بسيط نسبيا- علمود ال final project for cs50p المهم فكرة المشروع هي ان المستخدم يكتب اسم اغنية ثم البرنامج راح يبحث عنها بسبوتيفاي و اذا لكاها ف يرجع المعلومات مالتها و اذا ما لكاها ف يكله "تدعبل حبيبي" او اي جملة لخ .
المهم مشكلتي مو هنا مشكلتي بال api الي اعرفه ما يصير استعمل مالحسابي لان تعتبر ثغرة و بس الطافين يسووها
الai يكلي سوي ملف جانبي وخلي بيه ال api keys و لا ترفعه ويه الحل ف شنو رأيكم ؟ و اذا عدكم اضافات او نصائح ممكن تحسن من الفكرة ف why not :)
شنو آلية البحث عدكم ؟ او بأي طريقة بحثتوا حتى توصلتوا لاستنتاجكم -بغض النظر عنه- لان اكتشفت اني تارك البحث لمدة طويلة و واكف عند نفس المشاكل و النقاط المغلقة الي مدا اعرف اتجاوزها او اتصالح وياها
اخوان من تفقدون شغف التعلم بهذا المجال شنو تسوون ؟ اني كلش احب هل مجال وصارلي 8 سنين بين كورسات و تطبيق و دتعفس لان احبه كمجال.
بس تجيني فترات غالبا اسابيع فدنوب أمل بيها لدرجة حلقة وحدة ما اكدر اتابع (رغم مرات اجر +5 ساعات كعدة وحدة)
ف عدكم حل ؟ لو بس تعتبروها استراحة و تكملون هيج
الخوف من الحياة العادية، الي مابيها شي جديد او احداث صادمة او مواقف شديدة -بغض النظر عن نوعها- هو اكثر شي مسيطر على قراراتي الحالية.
فكرة ان اعيش بوظيفة عادية، دوام عادي، عائلة و اطفال، بنهاية الاسبوع اروح مطعم مع زوجتي و اطفالنا.
كلها افكار مقززة -مع احترامي للي هذا هدفهم- بس ما اكدر اتخيل حياتي هيج، اعتقد اني راح احس بملل يكفي ان يخليني انتـ.ـحر ولا ان اكمل هيج حياة مملة و دائما احاول اعرف أي قرار راح اتخذه و يخلي شكل حياتي المستقبلي بيه اكشن/احداث/عدم استقرار.
لان فكرة الاستقرار بالنسبة الي هي موت بطيء لا اكثر.
من تريدون تتابعون عالم جديدة وين تلگوهم ؟
بالتعليقات مالريلزات لو من المقترحات لو معارف يعرفوكم عليهم 🙏🏼؟