u/inJanuary1

( راح انطي اسامي وهميه الهن ) صديقتي فاطمه طلعت تخمط صور صديقتي شمس مو بس صورها الشخصيه لا صورها وستورياتها حاسبتها و اي شي جانت شمس تسولف بيه وترسله النه ب الكروب جانت فاطمه تاخذه وبهل صور جانت ترسلهم ل صديقها على اساس هاي هيه وهاي ممتلكاتها الشخصيه وحرفياً منتحله هويه شمس .

صديقها من غير محافظة قبل فتره قرر يجي يوزر محافظتنه وطلب من فاطمه انو يلتقون هنا بهل لحظه فاطمه تتلوهت وما جان عاجبها تكله اني مجذبه عليك بكلشي عاجبها تبقى تضحك عليه وتسولف وياه غير انو هيه جانت معجبه بيه فعلاً . الي سوته راحت فاطمه حجت ل شمس كلشي وورتها المحادثه وطلبت منها انو تلتقي بيه على اساس هيه نفسها الي جانت تحجي وياه لان ما تريد تنهي علاقتها بيه 🫪.

شمس كلش ضاجت منها وتعاركت وياها وكالت الها على اي اساس هيج تسوين منو سمحلج منو كلج ترسلين بصوري لولد غريب ؟ بالمقابل فاطمه ضاجت منها وزعلت ولمن اجت شمس سولفت الي وللبنات وحجينه ويه فاطمه ضلت فاطمه تغلط علينه وتعاركت ويانه وطلعتنه انحياديات ونكرهها .

على الرغم ولا وحده بينه قاصر كل احنه كبار وفاهمات وفاطمه كذلك مو صغيره بس رغم هيج داحس اكو مشكله ب عقلها لان مو طبيعي كل الي سوته .

شنو رأيكم ب الموضوع ؟

إذا جان الإنسان غير مؤمن ب الله وما عنده مخافه منه وغير مؤمن ب عقاب الاخاره ونار جهنم شنو الي يمنعه من إنهاء حياته شنو الدافع ب الحياه من شنو يخاف ليش يستمر ؟

احتاج المساعده للانتقام