هل طموح يقتل صاحبه اما يعطيه حياه
السلام عليكم أنا خريجة ثانوي درجاتي عاليه حلمي كان الهندسة تحديد الهندسة نوويه في عبدالعزيز بحكي لكم بداية حلمي كان فهد للبترول والمعادن وادعي بها كل ما أذن وقال الله اكبر وكانت الدعوه الوحيده الي ادعي بها ٣ وحده لتحصيلي وحده لستين وحده للفهد والبترول فجأة ستيب درجة نازله التحصيلي ما كانت ترضي ( عشان تكونون بصوره أنا ما رحت مكان بالأعياد عشان أذاكر اجتهدت وكنت قريبه من ربي ودعيت ) وبكذا ودعت ٣ اماني قلت الحمدلله على كل حال مالي إلا إني ادعي بمعجزة وانقبل بالرغبه الأولى بالأخير كل رغبات الهندسة احمر وبيني وبينهم ١-٤ درجات انقهرت لأني كنت أودع حلمي شيئاّ فشيئا تمنيت ان ربي يأخذ روحي ولا انه يغضب علي ولا يزعل مني
أنا ماخليت صيغه دعاء ماقلتها ماخليت وقت استجابه ما دعيت فيها اجتهدت وعملت بالاسباب ظننت ان ربي مايسمعني ليعاقبني
ما عمري ظلمت ولا أكلت ريال ماهب لي اخاف من ربي وأتودد له ليش ابعد عن الي أبيه
كنت ما احب اطلع من غرفتي عشان أذاكر لأني كنت احس بهلاوس بسبب الضغط أحلامي كلها كوابيس لدرجة كان في احد يلحقني بالاخير طلعت انحاش من نفسي
دعيت لين طلعت روحي والله ما يأست ولا أني بعبداّ قنوط استنجدت بالخالق بعد ما خاب ظني بالخلق ولقيتني وحيده
رفعت يديني لمدبري ومن طاعتي له طول الزمان في وحشة الأماكن خالي الآمال
والحين انقهر على الحلم الي راح ولا السعي ولا اخاف ان ربي مايبيني
آمنت بالله بالقضاء خيره وشره وادري ان الله لا يكلف نفسا إلا وسعها لكن معد به أمل أتعلق به وش اسوي والله إني أتمنى غبنة الحب ولا غبنة وداع الطموح واني حيرة امري اغرق