أبوي تقاعد وقليل ينام، زمان كنت أنام الصباح وأقعد الليل عشان أتجنبه بس خلاص...
أولا أحب أبوي قلبه طيب لا تسبوه لكننا ما نقدر نتعايش أبدا، هو عصبي جدا ويفترض أشياء مو حقيقة وراح علاج نفسي بس ما كمل مع إنه يحتاج، هو من جوا يهتم لنا وكل شي لكن أخلاقه تخلي الكل ينفر منه مو بس أنا، إخواني أمي الأقارب وموظفين المطاعم والمحلات في المرات القليلة اللي نطلع برا البيت ويأذيهم أذية وأحسهم شوي ويتفلون بوجهي معاه... حتى لما كنا صغار إذا رحنا جمعة عائلية باقي الناس يسألونا لو أبوي جا ولو قلنا إي ينفرون ويتخبون بالأثاث وصاروا يكرهون يشوفون وجيهنا
هو اشتغل على نفسه وتغير لكن مو كفاية... لما كنت صغيرة كان عنيف جدا لدرجة الجيران والمدرسة تدخلوا وما وقف يكسرني إلا لما وصلته تهديدات بالسجن، سبب لي مشاكل نفسية وما وقفت أبول بالفراش لين عمر 17، كنت أكرهه كره لين ماعرفت الظروف القاسية اللي عاش فيها وطبعا هالشي مو مبرر لكن خلاني أتفهمه أكثر وبعد أنا كان عندي طيف توحد وما تشخصت لين ما خلاص تخرجت من المدرسة، فكان يتعامل مع طفلة عندها إعاقة عقلية وهم ما يدرون إني معاقة كانوا يحسبوني شيطانة أسبب لهم المشاكل عمد...
ومع كل ذلك أظل يجيني مغص لما أشوفه، أكره أكون معاه بنفس المكان، أحس إنه شي سيء بيصير، أتنكد أتوتر أبي أنحاش...
من تقاعد والبيت كله توتر ونكد نكد نكد نكد نكد نكد نكد أبي أختفي