عندي موضوع صعب اتكلم فيه مع احد واحتاج استشاره
اذا حذفت البوست حيبان للناس؟
لأن ابغا احذف لو قلته والموضوع يبغا مساعده يعني واستشاره للبنات والشباب و الموضوع متعلق بطرفين ومره شخصي
هلا والله
جوازي باقي عليه ٧ اشهر ومتوهقه ابي اجدده ، احد قد جدد هنا بامريكا ؟؟
هيلب هيييلب مابي ارجع عشان اجدد مره تكاليف ومشوار وقروشه مالها آخر
Hi!
I’m a 32Yo F.
Recently relocated to Tucson, AZ.
i am not currently working or looking for a job, and i don’t know places where i can find friendly fun communities here in Tucson! “Preferably women community”
Any suggestions would help cause honestly i already gained some weight sitting in my couch LOL
Thanks
هلا
بدخل عالسالفه بسرعه
انا انسانه مجتهده مارح اقول شاطره
معدلي كان مو زين ولا سيء أيام الجامعه -فماعرف لو الماجستير بيقبلني-
للأبد اعاني من الاختبارات ماعرف احلها
الفريق الطبي/ استشاريين او فيلو / ريزدنت جونيور او سينيور وممرضين ينبسطون بالشغل معاي لأني كونفينيت وخطتي واضحه وتواصلي كويس واخلص البروسيجرز بسرعه ما ارمي شغل واتواصل مع الاستشاري المسؤول اول بأول فكأنه موجود مايبلش ولا يعدلون واجد على خطتي
الانتيرنز يحبوني لأني احب اعلمهم واعطيهم فرصة تدريب عادله لتجربة التخصص -تخصصي ماهو سهل ويبغاله جهد عقلي وبدني-
واخر شي هو ان الاهالي يذكروني بالخير غالباً واي احد اموره تزين ويطلع من عندنا الا مايدوروني يشكروني سواء لفظياً او بقهوه وكذا وانا اقدرهم صراحة مع هالحركه او بدونها.
معضلتي الان اني عندي عقدة مارضت تفك!
واخر شي كلفتني برنامجي . تخيلو ان سنوات التدريب حقتي طارت ؟ كأني ماكنت موجوده اصلاً
وحالياً برجع زي اللي توهم مخلصين الامتياز انافس بعد ماكررت السنه التدريبيه مرتين.
المفروض انا خلصت ر٥ ! بس الحين انا عالقه بالنص وطلعت وللطف اللي معاي معامليني كسينيور بس حالياً خسرت البرنامج
وش اسوي؟
اقدم تخصص ثاني!؟ اطلع من مجالي كطبيب ممارس واصير طبيب اداري؟
انا احب هالشغله طيب احب اساعد المرضى واحب اشوف تحسن واذا احد ماتحسن احسني اسعى ادور ليش وفيني هالشي حق اي احد يخليك طبيب جيّد .
مشكلتي الاختبارات، كلمت بروفشنل وقال هذا قلق ادائي تخافين من الاداء بالاختبار عشان رسبتي مره ومهما درستي كويس ماعندك الثقه وحاول يعطيني تمارين احدها اني انشب للاستشاريين يختبروني -وبكل اختباراتهم اجيب ٩٥-١٠٠٪- فيصير الموضوع كأني موسوسه وابي حل لمشكله ماهي موجوده!
الحين انا متورطه ، ماعندي برنامج -خلاص تم طي القيد وخلصنا-
اللي دربتهم بالامتياز صارو سينينورز ومصدومين اكثر مني باللي يصير وشكلي حطلب منهم ريكومنديشن حق التقديم عالريزدنسي من جديد 😓
ادخل نفس التخصص؟ اغيره !؟ اتجه لمجال غير اكلينيكي؟ وش اسوي بنجن قاعده اكل بنفسي.
نتيجة اختباري خلت حتى رئيس القسم ومدير البرنامج اللي كانو موجودين اول سنه وقت قبولي -تغيرو مليون مره- مصدومين وقاعد يتواصلون معاي ويحاولون يقنعوني اني ماني طبيب غير آمن للمرضى ومافيني اي مشكله من ناحية العلم بس من كثر ماهم مهتمين لصحتي النفسيه بديت اخاف انه واضح اني قربت انهبل .
شالسواة؟ شسوي؟ وين اروح وين اولي؟؟
وايه اعرف رواتب الاطباء صارت مخيسه بس ماحسه سبب اني اترك كل شي وامشي فبليز ماتقولون لي بسببها لازم أترك كل شي وامشي.
شورو علي.
مرحبا
انا طلعت من وظيفتي لظروف للأسف خارجه عن ارادتنا جميعاً ، وزوجي مبتعث وبلحقه
عندي مشاكل صحيه "مُكلِفه" نوعاً ما ، والشغل حقي مابيطلعوني الا بعد شهرين وقت انهاء العقد ،
وكونهم حيسوون هذا الشيء، زوجي مارح يقدر يضيفني كمرافقة ابتعاث معاه وتبعاً لذلك مارح يكون عندي تأمين طبي!
ادويتي ماهي ادويه عاديه ادويتي تُصرف بشكل مُقنن جداً وغاليه لأنها امراض مزمن علاجها ، والجرعات كثيره!
لو حشتري علبه مثلاً بيكلفني حوالي ٢٠الف ريال وانا استهلكها اسبوعياً
ايش اقدر اسوي بهالحاله؟ مين اكلم؟ كيف اتصرف؟
-المستشفيات ماتعطي كميه من هالدواء لأن صعب توفير كميه كبيره والمرضى قد مايلتزمون او يفسد الدواء عندهم او تتطور حالتهم وماينفع معاهم او لاسمح الله يتوفون…الخ" فمستحيل يقبلون يعطوني كميه تكفيني شهرين لوقت انهاء العقد
ايش اسوي؟!
احد يعرف؟
دعواتكم لي بالشفاء تكفون الوضع صعب علي من كل النواحي
تواصلت مع وزارة الصحه بعدم توفر الدواء بالمستشقى اللي اراجع فيه ومافادوني ، لقيته بالحرس وماعندي ملف هناك!
ايش اقدر اسوي؟؟ لو اجمع علبه من هنا وعلبه من هناك حتكفيني مده بسيطه لين اكتشف وضعي !
النجده.
هلا
كنت بسوي عزيمه بمناسبة تخرج زوجي
ومتحمسه احط فوتوبوث عشان ناخذ صور للذكرى - وصممت كيكه وحجزتها - وعشاء ذبيحه كونه بس رجال
وكل هذا بيكون فبيت اهله "البيت الكبير"
مشكلتي ماعنده اخوات/اخوان .
فقال لي بيكلم يعزم عيال عمانه واخوياه وكنت مبسوطه عالوضع
الحين امه تبي تعزم الحريم بعد بحكم انه بيتها وابد حياهم الله ماعندي مشكله
بس اني ما اعرف وش الصح الحين ؟
هل لازم بوفيه وصبابات للحريم ؟
وين احط الفوتوبوث ؟
الكيكه اسويها وحده ولا اثنين؟
الذبيحه وحده للرجال وحده للحريم؟
العدد مو كثير ، فمتورطه مو عارفه شسوي!
الرجال تقريباً ١٢
النساء تقريباً بنكون ٧
فصرت عالقه ، شسوييي هيلب هيلب
هلا والله
اعتقد بديت الاحظ نمط ،
لما اقلق ؟ اصرف زياااده .
وما اعرف ايش السبب ، ادري باعماقي ان وضعي المادي زفت وعلي قرض من البنك والحين دخلت تابي وتمارا بحياتي وكله عشان بديت اقلق!
اتوقع اقدر اصنف نفسي اني ابي كل شيء يكون عندي منه "مو طمع والله بس ماحب احتاج شيء" وأظن هذا مربط الفرس!
لاحد يقول لي وقفي صرف بسيطه اتوقع الموضوع سهل بالحكي بس صعب تنفيذ !
هل شكلي مثلاً كشيخ ودايم اون بوينت؟ لأ.
ماعرف شلون اسويها واخلص فلوسي وزياده!
احد قال مشتهي ء شريتله ، أوجب الجن والعفاريت من معارفي ، وما امنع نفسي شيء
توي استوعب اني ماجمعت لي قرش ويعنني ابي ادرس ماجستير يختس انطمييي ماعندك شيء !
اه تعبت من التفكير فعلاً صحيت من النوم مدركه اني صفرت حسابي وبالسالب بعد
كيف احسن من الوضع دامي لقطت النمط ؟
هلا والله
انا بنت مالي بالورش والحركات ذي ، ماعندي رجال للأسف يقوم بشغلي ولازم انا اخلص اموري بنفسي.
صدموني شباب من ورا كسرو الشنطه ماعاد تفتح وانعفطت على داخل.
بروح اسوي تقدير ، وعقبه بصلحها (طبعاً ماقد رحت لا لذول ولا لمحلات التصليح).
بحثت وعرفت ان يمديني الاقي نفس الشنطه حقت السياره بالسيارات المحد يبغاها وتنباع كقطع غيار ، احس فكره مره افضل من اني ارقع تصليح ابو كلب. واحط شيء نظيف وجديد.
احد يعرف وين الاقي هالاشياء؟
كيف وبكم وكل شيء عن الموضوع هيلب تكفون متورطه
مرحبا
تعرفون وين المع ساعه فيها مخشات ، وابي تلميع فنان مو بس مسح ، لا ابي شغل جامد ترجع كأنها جديده.
اقترحو علي الله يعافيكم
شكراً
هلا والله
جربتو تسوون مساحات جم ببيتكم؟ وش صار عليها؟ هل استمريتو تتمرنون ولا تراكم الغبار ؟
عندي اجهزه وافكر اجيب جهاز ساونا بس ماعندي مساحه له صراحة.
واجهزه الرياضه حقتي تريدمل و ايلبتكل وبنش واوزان خفيفه "اعلاها ١٥" وباندات مقاومه وجهاز فايبريشن بليت ، بس عشان مالهم مكان مخصص مجدوعي في الموزع اللي بين الغرف وهالموزع مافيه مكيف مستحيل يعني الوضع موت حر !
شورو علي هل اقدر احط مكيف بالنص؟
احد جرب ساونا منزليه؟
وين تحطون اغراضكم ذي؟
شسوييي احس حرام اشترك بالجم بمليون وعندي كل هالاشياء وبالنهايه لا سويت شيء خطا المدبره تطالعني لين افطس عشان مادفعتلها مليونين زياده على اشتراكي.
+ ماعندي وقت والزحمات ماتنطااااق !
هلا
لما تجون تشترون شيء غالي وضريبته هنا بالسعوديه ١٥٪ ، ارخص لو تاخذوه من برا ؟؟
عشان ديوتي فري ؟ ولا فرق العمله تخليه نفس السعر؟
وبالمناسبه، هل كارتييه البحرين موجود ولا وش السالفه لما ابحث يطلعلي eyewear وانا ابي ساعه 😅!
- لأ ماقد رحت بحرين ولأ ماعرف احد بالشرقيه غير نفسي-
اهلاً
انا انطلق من منزل نسائي بحت ، احنا ٧ اخوات
تجارب اللي متزوجات ٣ منهم ماهي احلى شي
قايمه عالصبر والأشياء اللي تقهر ، فكان عندنا عقده انا واللي اصغر مني اننا نتزوج
لين لقيت الشخص المناسب لي، ذكي حنون وسيم ويهتم لي كثير.
قدر الله علينا ان كل واحد يبي يشق طريقه بالمجال اللي هو فيه مع الحفاظ على الزواج هذا ان يكون قائم
هو طلع برا يكمل حلمه الدراسي، انا بقيت هنا اكمل حلمي الدراسي ايضاً
كنا نشوف بعض كل ٣ اشهر
الفتره الماضيه صار شوي عرقلات واخر مره شفنا بعض كانت قبل ٩ اشهر
هو حيرجع متخرج
واهله بمنطقه مو نفس منطقنا (مدينه مختلفه) ، يبعد عننا ٣ ساعات خط سفر
فتحمسنا وخططنا انه يرجع عند اهله يقعد معاهم يومين بعدين يبدا يخلص اوراقه الحكوميه "اخذ مواعيد وخلص" وانا اجيه،
طبعاً حكم انه خريج نتايجه حتطلع بأول اسبوع عوده وانا مجهزتله كل شيء بمدينة اهله بس ناقص اجي ونشوف النتيجه ونحتفل كلنا فيه وبانجازه.
حكيت اخواتي وصالو علي ، فكرتهم انو اذا رحتي له يعني انتي تعطينه مجال يرخص فيك ويقول يلا هي دايم تسافرلي وتجيني وتلاحقني ليش اجتهد لها ؟
المفروض انتي اهله المفروض يجيك وياخذك من عندنا
المشكله اللي مو فاهمينها ان لو جا مدينة اهلي، بينعزم وماعنده ثياب - بيستأجر فندق وسياره وحساباته موقفه عشان الهويه منتهيه- بيفوته موعد الهويه - بيتعطل احتفالنا وحجوزاتي له "مايدري عنها" …الخ
والأفضل لنا انه يقعد فبيت اهله يخلص اموره واوراقه وانا اجي وخلصنا.
بس اخواتي فكرتهم انتي بنت المفروض هو يجيك وهو من تزوجتيه وانتي تروحين له وانتي تسهلين حياته ماشفناه اجتهد لك حتى العرس تسوا بمدينته مو بمدينتنا
انا علقت ، خواتي الصغار "كلهم فوق ال٢٥" يقولون شفنا هالنمط بكثير زواجات وان شاءالله زوجك مو هالنوع لكن ازواج خواتي صارو كذا بعد ماخواتي شالو عنهم كثير اشياء.
وخواتي الكبار يقولون لي هي تبدا اشياء بسيطه لين يصير بكره لو جبتي عيال واجبك تتحملين تسافرين فيهم لحالك وتودين وتجيبين وتحتفلين وكلش لوحدك.
انا خايفه
اعرف زوجي انسان رائع ولولا الالتزامات وان رحلته مره طويله هو حرفياً بقاره صباحها ليلنا وشتاها صيفنا ويحتاج يومين سفر عشان يوصل لمدينته مارح يقصر وبيجي ياخذني!
وانا مافيني عله يعني تمنعني اني اسافر لحالي كذا مره سويتها له وانبسطنا
سؤالي لكم كنساء/رجال "وياليت ناس متزوجه ترد" هل تعتقدون انو روحتي فيها تقليل مني؟ وبيتبعها من طرف "اي رجل" اعتماد على زوجته من اللازم؟
انا مابي بكره اصير مسؤوله عن كل شيء لوحدي ويصير هو زوج بالأسم فقط وبالبيت مدلل مايسوي شيء وانا زوجه مكافحه اسوي كل شيء واتعب زي اخواتي لأن اشوفهم يعانون وتعبو صراحة.
امثله للي مافهم: زوج اختي دايم بالاستراحه لدرجة هي تجيب عمال وتنادينا نوقف معها على روسهم لين يخلصون شغل.
زوج اختي الثانيه اذا اي شيء طاريء صار للعيال وهو برا البيت مستحيل يرد لدرجة تكلمنا حنا نروحلها عشانها ماتسوق "هو عنده فكرة برا البيت يعني وقتي الشخصي مابي ازعاج" 😀
الثالثه ساعدت زوجها يبنون بيتهم واخر شيء كتبه له هو ماحط اسمها يقول الموضوع يبيله اوراق ودفع مدري وشو مافهمت بس احسهم صارو هم رجال بيتهم وانا مره مابي اكون رجل بيتي!
ابي اكون زوجه دلوعه وخلاص.
شورو علي، اروح؟ اقعد واخليه يجي؟ وش اسوي؟؟
والله يرزقنا واياكم واخواتي الزواج اللي يكون لنا سكن واستقرار وسعاده ويرزقنا الذريه الصالحه جميعاً ويصلح الجميع .