u/miax-3

I can't even eat with family and friends, I can't concentrate on studying if I hear one of my triggers, I don't like sitting with anyone, especially my mother, and she never understands me and thinks I'm overreacting!

I'm really struggling, can't keep living like that.

Also, how do you deal with uneducated family/friends about misophonia?

اذا شفت بنت عندها حرية و تطلع و تسافر انجننن و اغار بشكل مو طبيعي و حتى من الرجال اي كائن كان اغار اذا اشوف عنده الحرية باللبس و الطلعة و السفر لدرجة يومي كله اقضيه افكر بحياة الانسان ذاك و اتخيل نفسي مكانه

مع اني اطلع احيانا مع صديقاتي بس بشكل مقيد و لازم وقت محدد و احد من البيت يوصلني يم صديقتي و كذا، و حتى لبسي يعني بناطيل و جينز مع حجاب و حتى الحجاب اطلع رقبتي اهلي ما يحجون و ادري وضعي احسن من هواي بنات بس جديات هالشي مسبب لي حزن عميققق يعني عندي حرية بس ما تتعدى حدود معينة البس براحتي بس لازم حجاب حتى لو عادي اطلع رقبتي، عادي اطلع بس كله بمزاجهم اذا محد فارغ ياخذني ما اطلع و اذا امي مزاجها مو حلو ما توافق اطلع و اذا رجعت من الطلعة يخربون ونستي و يطلعولي مشكلة من لا شي خاصة امي احسها تغار مني مو طبيعي الي تسويه

احس مكتومة بس اريد اعيش حياتي تعبت عمري جاي يضيع و صرت اكره و احقد على اي شخص عنده حرية حتى و اني ادري انه مو غلطه و لا ذنبه

حبدي اني: بديت تدخين بالمتوسطة من وراهم🗿

الموضوع شوي طويل الي عنده تعفن دماغي و ما يحب يقرا شي طويل خلي يسوي سكب

السالفة جانت من جنت رابع اعدادي، بوقتها جانت امتحانات نص السنة و اني كاعدة من الصبح اراجع، بين الستة و نص و السبعة فجاة سمعت صوت رصاص، اني لوهلة كلت هذا طلق بس بعدين كلت منطقتنا اصلا امنة ماكو هيج شي، و حتى امي جانت كاعدة و سمعت و كالت متأكدة صوت طلق، فأني بوقته جنت اريد اروح لبيت جيرانا بصفنا اخذ منهم دفتري لان جان يم بنتهم، امي كلتلي لا تطلعين هسة متأكدة اكو شي اني كلت لا ما معقول ما صاير شي هسة بس اجيب دفتري و ارجع،فطلعت و شفت بالشارع دراجة فجاة مشت بكل سرعتها و عليها ثنين زلم ملثمين، طبعا اني ما درت بال و رحت جبت الدفتر و رجعت للبيت و بعدها بدلت و كملت و طلعت للامتحان و هاي

من دخلت للمدرسة لگيت بوجهي بنات يبجون، فالي فهمته انو ذني البنات ابو الخط مالتهم متوفي الصبح، فكلت عادي يعني يحبونه لان هو رجال جبير و مثل ابوهم و صدك خوش رجال ابد ما شفنا منه شي غلط، ترحمتله و فتت للقاعة، اشو كل شوي المديرة تجي تاخذ طالبة من الي ويا ابو الخط هذا و تروح خمس دقايق هيج و بعدين ترجعهم، هم كلت عادي شوف شتريد منهن

من طلعت من الامتحان وكفت برا و رحت للماركت ويا صديقاتي و هيج جنا نسولف، فتحنا موضوع ابو الخط هذا و البنات جانن يگولن : شنو الحقد هذا لدرجة ضاربينه ست رصاصات! منو هذا الي حاقد عليه لهالدرجة و ليش؟

اني هنا استغربت اني جان ببالي انو هو مات موتة طبيعية بسبب كبر عمره او جلطة و ذني الشغلات بس صارت السالفة رصاصات و طلق فسألتهم عن السالفة و طلع ابو الخط مقتول

اني هنا تذكرت الصبح من سمعت صوت طلق و ابو الخط هذا بيتهم يمنا بالضبط بس بيتين يفصلنا عنهم و هم من طلعت الصبح لكيت الباص بعده موجود و هو المفروض هسة بالطريق يوصل الطالبات بس هم ما درت بال هلكد

هنا جتني لحظة ادراك و فهمت الي صار و هاي جانت فعلا صوت طلق و ذولاك الي عالدراجة هم المجرمين، حرفيا صفنت صفنة يعني مدري شنو الاحساس الي جاني بوقته هيج دوخة على غثيان يعني صح ما اعرفه للرجال شخصيا بس هو حيل حباب حرفيا بالمدرسة كلنا نحبه و نعتبره ابونا و اني صح ما مشتركة وياه بس مرات جان يوصلني اذا الجو حر هواي او بارد و يسألني عالامتحانات و هاي يعني صدك حباب

و جتني لحظة رعب ان حرفيا من اني الصبح طلعت هو جثته جانت وراي بالباص و اني دحكت عالباص لثواني و جثته بي بس ما انتبهت!! رجعت للبيت لكيت الشرطة محاوطة الباص و البيت و بنته طالعة يم الباب تعيط و تبجي، الناس كلها ملتمة، شفت الباص و الدم من الباص طالع للشارع و الجامة مال سايق مكسورة بسبب الطلق، طلعوا هذول الملثمين ضاربينه الصبح من و هو ركب الباص حتى يبدي شغله، طلقتين براسه و الباقي بكتفه و صدره شفنا اكثر من تسجيل كاميرات مراقبة و لحد هسة يمي المقطع كلما اشوفه ينمرد گلبي، مكدر اوصف الشعور بس صدك حسيت الدم انجمد بجسمي بوقته

مرت اسبوعين هيج يلا لزموا الملثمين ذولة و طلعوا اخوان حاقدين عليه، البعض كال قتلوه لان يرفض يزوجهم بنته، و البعض كال انو بسبب سالفة عشائرية، و الخ كالوا لان هو جان شرطي مدري شنو المهم بالسلك العسكري و سجن ابوهم بفترة التسعينات، و الي كالوا لان ابوهم جان داعشي و بوقت داعش لزمه و ذبه بالسجن لذلك انتقموا لابوهم

لحد هسة محد يدري الحقيقة شنو

هاي قبل سنوات من جنت ثاني ابتدائي جنت اداوم بأربيل بمدرسة مختلطة و بيها وجبتين لان اعدادنا هواي (صباحي و مسائي) اني جنت بالوجبة الاولى و يا اختي و اخوي داومت فترة و بعدين نقلونا اني و اختي للوجبة الثانية

​

داومنا اول يوم بالوجبة الثانية و جنت بالادارة ويا امي و ابجي (جنت خوافة و فطيرة عليمن ابجي هيج) فشافني استاذ هيج يخوف سمين و ضخم و عيونه داير ما دايرة كله اسود عبالك ماكل بوكس و شافني ابجي گلي ليش تبجين امي كالت هي هيج خوافة شوي ما متعودة ويا طلاب و اساتذة ما تعرفهم گلي ليش تخافين شايفتني بعبع اني من الخرعة كتله اي😭😭😭

​

بعدها امي راحت و فتت للدرس الاول طلع عندنا اسلامية و هو جان المعلم، جان يكوم الطلاب يقرون اركان الاسلام و اجا دوري بس اني ما جنت دارسة لان بوجبتي ماجنا واصلين لهالموضوع بعد فـ هو شافني ما دارسة رزلني و گلي بوجهج للادارة يم المدير و اني صدك طلعت من الصف ابجي رايحة للادارة

​

شافني المعاون استاذ محمد هو جان حباب هم گلي ليش تبجين و اني اشهق كتله ما حافظة اركان الاسلام هو هنا لزمني من كتفي و گلي بنتي انتي مو مسلمة؟ و اني بس ابجي و رجع گلي انتي مو مسلمة و كررها بس اني ضليت ابجي (سألني هيج حتى يعرف صدك مسلمة لو لا لان جان عندنا طلاب مسيحيين و ايزيديين) و اني بس ابجي و اعيط ما رديت عليه خفت لا يرزلني شلوننن مسلمة و ما حافظة اركان الاسلام 😭😭😭

​ ​

المهم شافتنا اختي وجت كلتله ترا هاي اختي (المعاون يعرف اختي و اختي محجبة) فهو من عرفني اختها هم گلي انتي مسلمة؟ ادري اذا اختي محجبة يعني مسلمة لعد اني شطلع بوذية مثلا المعاون شافط😭 ​

​

بعدها عدت و رحت ويا اختي سكتتني و ابوي رجع نقلنا للوجبة الأولى ويا اخوي و خلصت من ذاك الاستاذ البعبع

كلما اتذكر الموقف اخرط ضحك غير شكد جنت مطفية