قصة سرقة (another story)
ذكرني بيها بوست u/Tall_Customer6690 الرابط تحت في الكومنتس لو عايزين تقروها المهم نخش في القصة.
دي اكتر سرقة خارجية حصلت لي وكانت منتشرة في حلتنا لانها حصلت لي كم زول بطرق مختلفة، الزبدة انه في احد الايام ناس بيتنا طلعوا كلهم وخلوا اخواني اتنين فالبيت، الفترة كانت صباحية يعني زي الساعة ١٠ او ١١ كدا جا زول (الحرامي) دقة الجرس فلمن مشوا فتحوا الباب وسلموا على الزول طبعا كان جاي بي موتر وقام نزل منه وقال انا بتاع تصليح مكيفات رسلني ابوكم -he never did- يلا كان بدخل وبطلع كتير يعني بمشي بهبش بي برا بعدين بجي داخل الغرف ففي لحظة بس الزول دا قال لي اخوي امشي جيب لي مفك ولا موية ولا حاجة المهم عشان ينفرد براهو ولسوء الحظ فالحتة الكان قاعد فيها في تلاتة تلفونات من ضمنهم تلفوني 😢 ما اوصف ليكم قدر شنو الموضوع كان مزعلني، بعدين شالهم بحركة خفيفة وكلم اخوي التاني انه طالع والشي العجيب انه لمن جاء يمشي الموتر وقع وفي اللحظة الوقع فيها الموتر اخوي الاول اكتشف انه الزول دا حرامي واخوي التاني كان بساعده يرفع الموتر, فكان في وقت انه دا يوري دا لكن داك ما عمل حاجة والصدمة ما خلته يعرف يتصرف (نفسي اعرف السايكلوجية حقت السكوت دي شنو؟). المهم الزول رفع موتره وفات والاتنين بعاينو ليه، والموضوع ما وقف على كدا، في كم واحد جارنا حكى لي نفس السيناريو انه الزول ابو موتر دا جاهم وخشى البيت وسرق وطلع كانه ماف شي.
صراحة السرقة دي كان فيها ذكاء وتخطيط نوعا ما، ما زي البجو بليل وبتلبوا الحيطة، دا حرفيا دخل بالباب وطلع بالباب بدون ما يعمل اي ضوضاء.