u/spar983

المشكلة يا سياتى الريس انت من ساعة ما دخلت قصر الرئاسة وانت منفصل عن الواقع وعايش فى اوهام وخزعبلات محدش شايفها غيرك انت وحاشيتك

العائلة المصرية دلوقتى بقت اكبر مشاكلها مع التعليم انك كل ما تعين وزير تعليم يبدء يجرب فينا ولما بيمشى يجي الوزير اللى بعده يبدء من الاول ..

عندك بقا نقطة المناهج حدث ولا حرج انتوا كل شوية تلعبوا فيها مع كل سنة الولد بيروح ليها يلاقى المناهج اتغيرت ده فوق الكلام اللى بيتقال انكم عايزين تزودوا عدد ساعات التعليم مع الحوار الازرق بتاع التقييمات اللى زاد عن حده لدرجة انكم عايزن تعمل تقييم للطالب كل ساعة

فيه مشكلة كمان انكم بتتعلموا فينا بالمحاولة والخطا يعنى مثلا نظام التقييم بتاع الاختيار من متعدد اللى بيصحح امتحانات الثانوية العامة انا متاكد انه حصل فيه لغبطه جامدة جابت المجاميع السنة ديه الارض بس فبدل ما ترجعوا حق الطلبه اللى لبسوا السنة ديه بتحاولوا تحلوا المشكلة فى المدارى مع الدفعة الجديدة

احنا مشكلتنا يا سياتى الريس قبل المدارس والفصول هو اننا محتاجين ناس بتفهم تحط سياسة ثابته وواضحه للتعليم فى مصر وبعدين نبقى نشوف الفصول والمدارس والهرى اللى سياتك بتهرى فيه معانا علشان تبرر بيه تقصير مصر فى عهدك فى مسالة التعليم

انا مش هتكلم هنا عن اى مغالطات منطقية لانها بقت موضه سخيفة فانا هقدم اللى فهمته من كلامه مش اكتر

اولا هو افترض ان كل اللى بيعادى افكارهم ملاحدة ، مع انه فى مسلمين معادين لافكاره زى ابراهيم عيسى ومحمد شحرور وحتى على جمعة المفتى السابق اللى هما حاولوا يغتالوه بعد 2013 وطبعا كل اللى انا ذكرتهم دول عند الاخ زعبولة ده اومثاله كفرة طبعا !!!

ثانيا : اللى محتاج يفهم السياقات التاريخيه ديه اللى انت كل شوية تاكد عليها هو انتوا ، فانتوا اللى عملتوا سوق للجوارى فى 2014 من الازيديات ، انتوا اللى حرقتوا الكساسبة (الطيار الاردنى) حي ، انتوا اللى دبحتوا رجل قرب على 100 سنة اسمه سليمان ابو حراز فى سيناء ورميته فى وسط وكل ده حصل باسم الاسلام وانت حاطط جزمة فى بوقك اللى بالمناسبة الافعال ديه مختلفتش عن افعال النازى والشيوعى اللى انت بتهاجمها !!!

ثالثا هو مصمم يعمم فكرة الدراونينه الاجتماعيه اللى العالم كله وقف ضدها بالمناسبة لما هتلر حاول يطبقها وبين الدروينيه العلمية اللى بتقول انه الانسان له سلف مشترك مع القرد بس ما علينا النقاش معاهم فى النقطة ديه حاجة فى منتهى العبث لانه رافض يسمع اى رد على الهبد بتاعه فى النقطه ديه !!!

وبعد ده كله قفز على انه دينه اللى مش قادر يقدم دليل على صحته انه باقى وجميع الافكار الاخر هتندثر واللى منها النازية والشيوعيه اللى هو فضل يهاجمهم فوق ومن فلسه مصمم يستدعيهم كل شوية وهو بيهاجم الالحاد

وفى النهاية المسلم الارهابى والمنطق دونت مكس