الى صديقتي الي غيرتها الدنيا و ماعرف ليش صارت تعتبرني من الفترة السيئة بحياتها و قررت تكنسلني بعد م تحسن وضعها بحجة ان انا اذكرها بالايام الشينه
يضغطني شعور اني اشتاق لك بس انتِ اخذتي مني اختي و صديقتي الي م لقيت زيها ولا احسني بلقى
الله يهديك و يسامحك و ينور دربك وين ماكنتي
واجد ادخل علاقات احسني اكون فيها في المنطقة الرمادية
تكلموا عن علاقاتكم هذي و كيف تخلصتوا منها شعوريًا؟
احب اكل بشكل مو طبيعي كل تفكيري طول يومي في الاكل و بنفس الوقت فيني هوس الوزن المثالي و احس بضرب راسي بالطوفه من التناقض، كيف حليتوا مشاكلكم مع الاكل؟؟
اعرف اذا باسوي تضخيم او تنشيف او فقط حفاظ على صحة البدن او لياقة الخ… ان لازم تكون جودة نومي ممتازة، بس نوم الليل صاير اصعب شيء في الحياة حتلو محتاج انام احس عقلي يرفض نوم الليل و يكرهه، كيف تعدلوا نومكم افيدونا؟
رجعنا دوام و كرف و مدري وش و رغم ذا كله مستحيل يجيني نوم بالليل ، كيف تعدلوا نومكم 🥲🥲؟؟
الي خلعوا الضرس كيف تجربتكم؟ طالع لي من فترة طويلة بس هالاسبوع مسبب لي الم جنوني و ماعرف مفروض اصبر لين يطلع كامل ولا خلاص اشيله؟
تجيكم حالة ان كلا تبغوا تسولفوا بس مافي احد تسولفوا وياه "مو سوالف عاديه اقصد السوالف الي تكون عميقه و فيها فلسفه و كذا"
دايمًا اذا بابدي شي جديد اقعد اسوف للأبد خوفًا من البدايات في اي شيء في الدنيا و اكثر شيء اسوف فيه و اخاف من بدايته الشيء الي يتصنف ضمن الانجازات و كذا
في احد يعاني من نفس المشكلة؟ و كيف حليتوها؟🤍