u/Competitive-Lead2599

صارلي يومين نفسيتي مو احسن شي واليوم عيد ميلادي فتت ٢٢ ولا واحد من البيت تذكر عيد ميلادي لكم اشيل كلبي واذبه للكلاب احسن المهم ، يوم ونص اقنع والدتي اطلع وحدي اشرب كهوه المكان مو حيل بعيد عن البيت المهم وافقت بعدما وافقت طلعت د اتمشى وفتت بفرع شاب كاعد كال كذا كلمه وهم رجع كالها مره لخ وبعدها بدأ يمشي وراي عبالكم سكتت؟ شلت طابوك وشمرت عليه وركضت ورا لنهايه الفرع 😂😂😂 احس من صدك نفسيتي تغيرت رؤت وشربت كهوه ورجعت للبيت ف عرفت يمكن انه ماجنت ضايجه جنت مجرد اريد اركض ورا شخص بالطابوك

اخر كم شهر اخواني حيل تغيروا (انه اختهم الكبيره) واعرف هذه التغير والتشتت وعدم التركيز والتغير بمواعيد النوم وحتى الاكل وحتى نفسيتهم وتحس اكو نوع من الخيال صار تفكيرهم (سبب الدخول بعلاقه عاطفيه) متأكده من هل شي الموضوع يحزن صراحه هيج وقت يكونون جوعانين وانزل اطبخ ونكعد اجبرهم يشوفون وياي هاري بوتر ، اعرف هل علاقات ح تدمرهم وتدمر نفسيهم لكن ماعندي سلطه منع الي أكدر أسوي انصح بس احس حيل مشتاقه الهم بنفس الوقت منزعجه منهم لأنهم د يسوون أمور اهلي مانعينها عنهم وبشكل صارم، مرات اتعامل بعصبيه وياهم بسبب هل شي لكن الموضوع ينتهي بخلاف بدون ان تحسين وانه هم ابدا مايهون على گلبي زعلهم. حيل اكره الأجهزه ومستحيل بيوم ح اعطي لأطفالي بالتبني اجهزه

المشاكل والمعايرة ماتفيد ابداً ولا تجيب اي نتيجه ياعيني كلها تولد كراهيه والي يصير ح تستمر الأمور إلي مو تمام الي يفرق إنك مو موجود لخاطر تشوفها وهذه مو تحسين بالوضع ابداً المفروض تفوتون خاص لصاحب الكلام والصور وتكولون اله الى سوا خطأ ومو مناسب وتوضحون كذا نقطه افضل مما انكم تشهرون ببعض على امور ونبي فلا تسوه اامل من المودريتر يحذف كل المنشورات ويتفاهم مع الشخصين كلش افضل من كل هذه التشهير الي يولد حقد ومشاكل (وجودكم بلحضه ارسال الكلام والملصقات وعدم الاعتراض بنفس اللحضه مايفرقكم عن صاحب الكلام)

حرفياً هذه أكثر اسبوع ممل وبي كميه ضغط حيل كبيره، شلون جان اسبوعكم؟ وبشنو د تقضون معضم وقتكم

شاركوا أكثر اغنيه تحبونها، او البليلست مالتكم

أهلكم يتعلمون منكم مثل مايعلمونكم اعطوا لأهلكم فرصه يتعلمون شلون يعيشون وياكم بسلام فهموهم مشاكلكم طبيعه حياتكم ترا احنى حيل مختلفين عنهم مشاكلهم غير تحدياتهم غير، طموحهم غير، ف همه يتعاملون ويانا على اساس ونمط حياتهم القديمه من كل النواحي، همه ابداً مايشوفون الأكتئاب والعلاقات هذي مشكله مايفهمونها ف اعطوا لأهلكم فرصه لخاطر تتحسن حياتكم أكثر وحياتهم، علموهم الحب، علموهم إن الكلمه اللطيفه أسهل من التوبيخ علموهم التعبير عن المشاعر بطريقه سهله وأوضح علموهم على الحب حاولوا الموضوع حيل يستحق الحياة متعبه لتخلونها متعبه أكثر من خلال قطع والسطحيه مع العائله

زيدوا من جوده حياتكم

العلاقة العائلية هي الأرض الوحيدة التي إذا غرست فيها بذرة، أثمرت أشجاراً

أهلكم يتعلمون منكم مثل مايعلمونكم اعطوا لأهلكم فرصه يتعلمون شلون يعيشون وياكم بسلام فهموهم مشاكلكم طبيعه حياتكم ترا احنى حيل مختلفين عنهم مشاكلهم غير تحدياتهم غير، طموحهم غير، ف همه يتعاملون ويانا على اساس ونمط حياتهم القديمه من كل النواحي، همه ابداً مايشوفون الأكتئاب والعلاقات هذي مشكله مايفهمونها ف اعطوا لأهلكم فرصه لخاطر تتحسن حياتكم أكثر وحياتهم، علموهم الحب، علموهم إن الكلمه اللطيفه أسهل من التوبيخ علموهم التعبير عن المشاعر بطريقه سهله وأوضح علموهم على الحب حاولوا الموضوع حيل يستحق الحياة متعبه لتخلونها متعبه أكثر من خلال قطع والسطحيه مع العائله

زيدوا من جوده حياتكم

العلاقة العائلية هي الأرض الوحيدة التي إذا غرست فيها بذرة، أثمرت أشجاراً