Since the market is down today, I see this as a good opportunity to start adding to some positions.
In my view, these stocks are worth buying and averaging into if they continue to drop:
RKLB
OKLO
MRVL
AMD
NOK
INTC
I’m not saying they’ve hit the bottom, but I like the risk/reward at these levels and would personally add more on further weakness.
What do you guys think? Which ones would you buy, avoid, or add to the list?
حياتي ماما من طفولتها وهي عايشة حياة ضيم امها جابتها وهي عمرها ١٥ وجدي طلق جدتي واخذ امي منها وهي الكبيرة وعندها ٣ اخوان تعتني فيهم وهي بسن صغير 💔 وجدي ماخلها تدرس وكان حلمها تدرس وتتوظف💔 اخذت بابا وحالتهم المادية ضعيفة جدًا وكانت كل الفلوس الي تجيها تصرفها علينا انا واخواني ماقد دلعت نفسها ودايم تحس بتأنيب ضمير لو صرفت فلوس لشي لها 💔 الحين انا واخواني لما توظفنا حريصين نعطيها ولا لنا منّة ولا فضل لكن يحزني انها للحين لو تحتاج شي ماتطلب منا وتستحي الله يقدرني وأعيشها أحلى حياة
حلو خفيف لطيف يوسع الصدر مب أفضل شي لكن حلو تغيير وحبكة زينة وفيه لقطات تضحك
سيارتي ماشية فقط ٣٦٠٠ كيلو وصارت تطلع لي مشكلة وأنا أسوق وتختفي بس أحس فيها بالسواقة وفجاة تقرر تضغط بريك رحت للوكالة وشرحت لهم المشكلة جاني واحد يتميلح وتخيلوا مدخل راسه علي بالسيارة وأنا قاعدة أشرح المشكلة قلت له لو سمحت بعد شوي يعني سلامات خاش معاي وربي بيننا يمكن ١٠ سم عمى شقلة الأدب هذي وقبلها كانّ يتميلح وباضبط لك السيارة اليوم وماراح تنتظرين يوم هاوشته وخليته يبعد تخيلوا تغيير مليون درجة حتى سلام مايسلم ورجعت مرة ثانية لهم وصورت المشكلة عشان يصدقوني وتخيلوا ماقال ولا كلمة ولا كأنه يشوفني مجنون حمدلله والشكر والاحترافية صفر نصيحة احترم شغلك ولا تخرب على نفسك بهالحركات الوسخة وفوقها انضج وتقبل الرفض واشتغل شغلك بدون شخصنة!!! الحين أفكر أرفع عليه شكوى بس مدري
صراحة الفلم يجنن بس فيه أكثر من شغلة خلتني أنزل التقييم..
اختياري للوقت كان سيء وكل الفلم بزران ومراهقين يحسوون كل شي كرينج😭😭😭😭 واذا جت لقطات لتوم وزندايا ماتسمعون الا ضحك اففف
الشي الثاني انقهرت انه مافيه لقطة ختامية لتوم وزندايا😭😭
لكن ككل الفلم ممتع ويونس
عندي سؤال ليش الانسان يحب يصعب على نفسه الحياة يعني بقولكم مثال وياليت نتناقش فيه يجي شخص يقول أنا عندي تعلق مرضي وقلق ومب مرتاح بحياتي وحتى الناس اللي حولي تأذوا من تعلقي وحساسيتي الزايدة تقوله طيب رحت لدكتور نفسي يقولك ايه بس قالي آخذ علاج وأنا ما ابغى فيه حل ثاني؟ طيب ربي سخر العلم والطب عشان يعطونك حل يسهل حياتك ويحل مشاكلك ليش مُصر انك ماتاخذ هالطريق ما أفهم!! يعني تعيش تعيس وحياتك جحيم عشان ماتبي تاخذ علاج زيه زي أي علاج ثاني!
مثال آخر تجي بنت تقول تعبت من شعري تعبان ومهما اعتني فيه خشن وينفش تقولين حمدلله في تريمنت سويه وارتاحي تقووول لااااااا يخرب الشعر طيب اوريدي شعرك خربان ويجيب الهم وجالسة تعانين معه وش بيفرق يعني!
تدرون أكثر شي يقهرني اشاعة انه البنت ماتتروش وقت الدورة الشهرية!! سلامات صدق أنا أول شي أسويه بعد ماتنزل أتروش خصوصًا شعور الموية وهو يضرب على البطن والظهر مريح بشكل مو عادي وشعور بعد الشاور تحسين انك وردة زهرت🌸🌸 وريحتك حلوووة اخ صدق شكرًا يارب انك خلقتني بنت 💖💖💖
هلا بنات شخباركم؟ قلت لكم قبل اني جالسة أكتشف خياراتي وأشوف لو فيه انسان سوي وعنده عقل أقدر أتزوجه المهم مالكم بالطويلة فيه واحد سووا لي اضافة وقبلت عمره ٣٨ ومطلق على العموم مب هذا موضوعي الرجل بدا يسأل وبشكل منفر يعني وبأسلوب مخيس لكن قلت بتعامل معاه بأخلاقي وبامشي معاه للآخر المهم مع التحقيقات قالي ودي اعرف وجهة نظرك بعدين مع الأطفال وقعدت أقوله اجابة منطقية وغير حالمة وقال طيب مع وظيفتك كيف بيكون الوضع لأن بيكون عندك وظيفتين قلت له ايش الوظيفة الثانية قال وظيفتك كأم قلت له ايه قصدك وظيفتنا لان الطفل بيكون مسؤوليتنا الاثنين قال لا بس انا باصير اشتغل قلت طيب حتى انا باشتغل قال لا بس انا باصير مشغول اكثر انتي وش دورك وكيف بتوازنين بين وظيفتك والأمومة قلت عادي الموضوع مب صعب خواتي عندهم اطفال وحمدلله ناجحين بوظايفهم وامهات رائعة ماله دخل الأم الحريصة موظفة ولا موظفة بتقوم بدورها على اكمل وجه انت اللي وش دورك وكيف بتساعدني قال لا انا سألتك جاوبيني ايش خططك كيف بتشتغلين ٨ ساعات وتربين الطفل المهم هنا انا قفلت معي وخلاص صبري نفذ من حومة الكبد واصراره العجيب انه الطفل مسؤوليتي لحالي قلت له ماتناسبني كزوج بالتوفيق وقفلت بوجهه لكن جاء على بالي سؤال ليش الرجل يحس مسؤولية الطفل على الام بس وليش يحس انه شغله يخلص بالسرير وبعدها يتبرا منهم!!!ما افهم العقليات المعاقة ذي وبرضو نسيت أقولكم شي يضحك انا قلت له انه الحوار والنقاش واتخاذ القرارات جدًا مهم بالنسبة لي لانها حياتنا كلنا تدرون وش رد 🤣؟ قال ايه معك بس انا ماحب كثرة الحوارات!!! احب اذا قلت شي خلاص ما أبرر 🤣 ياعمي طييير
لكن على الرغم من هالأشكال متأكدة ربي بيعطيني اللي أتمناه وأفضل وعارفة انه فيه أوادم سوية وعاقلة باذن الله بتكون من نصيب كل بنت تتمنى
قاعدة افكر بمشروع عناية وسكن كير ولكن ماعندي اي فكر وش ممكن أسميه عندكم اقتراحات؟
من زمان ودي اكتب هذا الموضوع بس ماحصل فرصة لكن الان بما اني فاضية حبيت أتكلم عنه وأنشر الوعي للبنات وعارفة فيه كثير بنات مؤدلجين من الصغر على سالفة "المرأة عدوة المرأة" + "غيرة النساء" + "نميمة النساء" وكلها أشياء ذكورية وصفات ذكورية بحتة لصقوها فينا لين البنات اقتنعوا فيها تشوفين وحدة تشرح لك شخصية زميل لها بالدوام تقول كأنه حرمة يحش ويغار!!! لايك حبيبتي ايششش فيه هم شخصياتهم أسوء منا بمراحل وكل صفة شينة فيهم لزقوها فينا وخلوا البنات يقتنعون انها فعلاً صفاتهم كله كووم وسالفة المرأة عدوة المرأة ولا المرأة معقدة ببيئة العمل وكيف بنات كثيير ماخذين هالسالفة ومقتنعين فيها! وتحسها by default تقولها بدون حتى ماتفكر
صار لي اشتغل اكثر من ٨ سنوات والله العظيم انه الرجال حسودين ومستعدين يقطعون رزق أي أحد لمجرد حقد وخلاف وعادي تلاقينهم ينافقون من ورا يحفر لفلان وعلان وعندهم تعقيد وقلة دبرة وعدم شجاعة باتخاذ القرارات وترى اشتغلت ب٤ أماكن مختلفة وهذي الصفة السائدة بينهم!
مايزعلني لو ذكر قالها لأن عادي هم الاي كيو حقهم منخفض
بس يزعلني انه البنت تكون مأدلجة كذا وتقولها بكل حوار وهي مب مستوعبة فكرتها
وبرضو لو تلاحظون كلمة المرأة عدوة المرأة هذا شيطنة واضحة وصريحة لعلاقات البنات يبغوون يسيطرون عليها ويحسسونها انه ترى صديقاتك عدواتك ويبدا يغلق عليها لين يصير هو محور حياتها وماعندها أي حياة اجتماعية ولا تقدر تطلع وتجي تصيير جارية عنده
بالعكس اللي اشوفه انه البنات متعاطفات مع بعض ويدعمون بعض وماعندهم حركات النفاق
فوقها لو تكرهك قليل جدًا اللي تتعمد تضرك خلاص تكرهك وتكف خيرها وشرها عنك بدون أي خبث
فعشان كذا بليييز بنات خلوكم دعم وعون لبعض لا تخلون افكارهم الخبيثة تاثر عليكم وتصيرون ضد بنات جنسكم
أدري الموضوع طويل ومب مرتب لكن مرة يهمني الوعي بهذا النقطة
والله أعشق البنات واحبهم مرة (تراني ستريت) بس صدق أحسد العيال لما يبغون يستقروون عاطفيًا بيلقون مليون بنت احلى من المواصفات اللي يبونها حتى حلوات واعيات مثقفات مهتمين بنفسهم وصحتهم واجسامهم اخلاق وحنان ومودة واحترام ليت الرجال يتعلمون منا ونشوف رجال حقيقين زي اللي بالبوست
ماعرف اذا هذا المكان المناسب ولكن حرصت اني أقول تجربتي في صب بنات فقط لاني مابي أي تعليقات من الذكور ولان مستوى التفكير مختلف جدًا بيننا وبينهم وفيه فجوة فكرية عميقة مابيفهمها الا البنات زيي الموضوع طويل جدًا ولكن محتاجة أكتبه لشيء في نفسي وبرضو اشوف تجاربكم ونتثقف سوا انا صار لي فترة ابحث في تطبيقات الزواج زي ملكة و أواصر وأحاول اكتشف خياراتي بما اني ما ابغى أتزوج تقليدي وابغى اتزوج شخص مناسب لي من ناحية التفكير والطموحات عمري ٣١ سنة حمدلله حلوة ومهتمة بنفسي وجسمي وصحتي وعندي كاريزما عالية وأنوثتي طاغية وطموحة فكنت ابغى شخص بنفس مستواي او افضل لأن هذا الطبيعي ولو ماحصل عادي اجلس عزباء سعيدة ولا اتزوج لمجرد الزواج لكن صدمة حياتي بالشكليات اللي قابلتها ناس ضعيفة شخصية ومتخلفة فكريًا وتحسهم قطيع ماعندهم فكر مستقل ولا ثقة ولا حتى مهارة اتخاذ قرارات تكلمت مع اكثر من شخص وتنازلت عن الشكل والجسم لان زي ماتشوفون الخيارات محدودة جدًا لكن للاسف مع كل هذا الا انه مستحيل تلقيين شخص مناسب يبونك تتركين وظيفتك مايبونك تسوقيين انتي غير محجبة يبونك تتنقبين لدرجة فيه واحد طبيب لسى كنا باول محادثة قالي ترى على فكرة الطبيب ماصار راتبه زي أول عشان تكونين بالصورة مع اني ما سالت عن راتبه وقلت له مايهمني راتبك ولا بسأل عنه طالما انك قادر توفر حياة كريمة وتفتح بيت وهذا أول رد فلاق طلع لي لأن من البداية واضح البخل وانه داخل حرب مب حياة وشراكة ومودة وتفاهم وفوقها يبي يجيب ٦ عيال اقل شي مع انه هذا القرار المفترض بدري عليه يعتمد على الاستعداد النفسي والمادي والجسدي لكلا الشريكين وموضوع قابل للنقاش ويفترض انه يكون قرار تشاركي بينكم برضو سلكت قلت ان شاءالله نشوف بعدين ايش يناسبنا ونقرر وبرضو قعدنا نسولف عن الطبخ وقلت له ماحب أطبخ وجلسنا نطقطق من باب ادخال الفكاهه على الحوار ولان الحياة مب جدية قلت يوم انت تغسل المواعيين ويوم أنا ومع انه كلنا موظفين والموضوع جدًا تافه وابسط شي اني احط المواعيين بالغسالة لكن برضو هو شخصنها وكالعادة اول شي يبونه من الزواج انك تكونين خدامة وتطبخين وتغسلين له وتنظفين وراه لكن الأمور الأساسية والشراكة الحقيقية تعتبر اخر شي يفكرون فيه ولما تقولين عادي اطبخ وانظف بس انت وش عليك بالضبط هل بتعطيني فلوس قال انتي مادية وتهتمين بالتفاهات 😂😂😂 المهم طولت عليكم مرة لكن بوريكم المحادثة الاخيرة اللي صارت بيني وبينه ونتناقش برضو وهل تتوقعون فيه أمل نلقى رجال صاحيين؟
الذكر العربي -اغلبهم- اول ما يسمع "حرية المرأة" على طول يروح باله للعهر والجنس والزنا والمجون.
ليش؟
لان حريته هو عبارة عن رخصة لكل هذي الأمور اللي تخطر على باله أول ما يسمع الكلمة.
لما اسير حرب يطالب بالحرية
فقط المعتوه بيعتقد انه يبي العهر والزنا والمجون.
المرأة كانت متاع مملوك، كانت property تنتقل من ملكية أب الى زوج.
الأب ثم الزوج يقرر شكلها ولبسها
خروجها دخولها
دراستها وتعليمها
شغلها ووظيفتها
سفرها وترحالها
منو تتزوج
كم ومتى تنجب
كان للذكر الكلمة الأخيرة حتى في علاجها
كانت في استراليا ما تقدر تشتغل اذا تزوجت
وكانت في امريكا ما تقدر تفتح حساب بنكي الا بإذن زوجها.
ممنوع تشتري ارض او بيت فقط لانها امرأة
كانت في الهند تُحرق حية مع جثة زوجها
كانت في الكويت ما تجدد جواز سفرها الا برفقة زوجها.
لازالت لا تطلق نفسها الا بمحكمة وقاضي
ولا تزوج نفسها الا بموافقة ابوها
لازالت تفقد أولادها اذا تزوجت من آخر
لازالت تمنع من بعض الفحوصات الطبية المهمة خوفا على غشاء البكارة.
كل هذا يندرج تحت مصطلح "الحرية" لكن العاهر بالفطرة ماراح يفكر الا بالحرية الجنسية لإن هذا مفهومه الوحيد ومرجعيته الرئيسية لهذا المصطلح.
الشاهد ان الحرية مسؤولية، كل ما زادت حرية الانسان، كل ما زاد تقييمه ومحاسبته على كيف قرر او اختار انه يستخدم هذي الحرية.
ولإن الانثى لازالت "ملك" و "متاع" يحرمونها من عامل الخطأ اللي هو حق انساني أصيل هم يقترفونه كل يوم.
ما راح تتحرر المرأة فعلا، الا لما تكون اختياراتها لها، واخطائها عائدة عليها فقط، لا على العائلة والبلد والقبيلة.
تعاقب وتحاسب وفقا للقانون اللي المفروض يطبق بمسطرة واحدة على الجميع.
فكرة ان خطأها يمسهم كلهم، هو اكبر دليل على اكذوبة ان المرأة العربية حرة.