تجاوزت الـ 500 الف!
يا هلا وسهلا،
قبل كم أسبوع نشرت لكم عن بوت بسيط طوّرته لإزالة الموسيقى من المقاطع، والصراحة أبدًا ما توقعت إن الأمور توصل لهنا بهالسرعة.
خلال 3 أسابيع تقريبًا، البوت تجاوز** نصف مليون عملية إزالة، وخدم أكثر من 420**** ألف مستخدم من أكثر من 110**** دو**لة حول العالم، من مصر والسودان والسعودية واليمن وكثير غيرها. صراحة أرقام كبرت أكثر من أي شيء كان في بالي.
بس مثل ما قلت لكم المرة اللي طافت، أكثر شيء يفرّحني مو الأرقام نفسها… أكثر شيء أثّر فيّ هو كمية الكلام الطيب. وصلني أكثر من *50 ألف رسالة شكر وتقدير، وأكثر من 6 آ***ل**اف دعوة. والله إن هالدعوات أغلى عندي من أي رقم، وهي اللي تخليني أكمّل.
وأغلب التحسينات اللي صارت بدأت من رسالة أو ملاحظة أو حتى شكوى منكم. أنتم اللي رسمتوا شكل البوت الحالي، من نسخة تيليقرام، إلى دعم روابط تيك توك ويوتيوب وانستاقرام وفيسبوك، إلى تحسين السرعة والجودة.
وأبي أأكد مرة ثانية: المشروع شخصي بالكامل، مجاني** ****١٠٠٪**، وما فيه ولا ريال مكسب مادي. كل التكاليف (الخوادم والـ GPUs اللي تشتغل 24 ساعة) أتكبّدها من جيبي الخاص، احتسابًا للأجر لا غير.
شكرًا من أعماق قلبي لكل من جرّب، أو نشر، أو أرسل فكرة، أو دعا لي بظهر الغيب. والله إنكم السبب إن المشروع وصل لهنا.
ولا زلت على وعدي: أي اقتراح أو ميزة تتمنى تشوفها مستقبلًا، شاركني إياها وأوعدك آخذها بعين الاعتبار.
(ارفقت إنفوجرافيك فيه أبرز الأرقام للي حاب يطّلع، وللي مهتم بالجانب التقني أنا حاضر لأي سؤال ونزكّي علمنا.)