ايام الثانوي قابلت شخص حرفييا مفصول عن العالم الخارجي مايعرف وش يصير وش يتكلمون عنه الطلاب وش مهتمين له وكله بسبب ان ماعنده جوال.
في البدايه راح تشوف ان حياته كله سعيده و مافيه هموم لكن الحقيقة هي ان حرفييا اي واحد كان قادر يجرة لاشياء الحرام مثل الفيب وغيرها من الغلط و كذالك كان مزعج بالنسبة لكل الطلاب كثير الكلام و كانه بالابتدائي و حتى لو تزبد له يضل يتكلم.
دايم يجي هذا السؤال في راسي ليه بنوا اسرائيل على كثر المعجزات الي شافوها كانوا فسقة و كانوا عاصيين رغم انهم عارفين مصدر المعجزة لي اصروا على الكفر؟
لو ابي اجيب معدل عالي هل لازم اشترك مع خصوصي ؟
اخر فترة قابلت أطباء ومتخرجين و قاعدين يسفلون بالتخصص تسفيل ويقولون انهم ندمانين على أنهم دخلوا طب واحد الأشخاص جراح و كان يقول ان فيه تخصصات افضل و احسن و اخوي دخل تمريض وتخرج و قاعد سنه ونص عاطل ويوم سالته هل تنصح أدخل طب قال لا و هو للان
ثابت على رايه حتى بعد ماتوظف
ابي افهم وش صار بالتخصص عشان يدحدر و ليه الناس فجاءة صاروا ماينصحون فيه رغم انه المعروف ان هو أفضل تخصص عشان تتوظف بسرعة و مايدخله الا افضل الناس
انا دوامي يبدأ 12 الظهر كل الايام الا الثلاثاء و انا كاره الدوم الي يعرف هل يمدي اغير وقت الدوام يصير 8 و هل فيه احد سواه
أكثر شعور كنت احس فيه طول حياتي و الي سبب لي عقدة نقص بسببه والي هو التهميش
انا منذو صغري كنت أحاول اتحدث مع امي و ماكانت ترد علي مشغوله في جواله و هذا التهميش سبب لي اشبه بعقدة نقص لاني دايم احاول اصير الافضل عشان الناس ينظرون لي و ايام المدرسه نفس شيء كنت احس بتهميش في كثير من لحظات كنت اقول ليه مهما بذلت او اجتهدت ليه ماينظرون لي زيه و كنت أحاول بشتى الطرق عشان الفت الانتباه وللان رجع التهميش بالجامعه من اول الايام الله المستعان
في بعض الأحيان سواء في المدرسه او اهلي او بين خوالي و اخواني و تحديدا المدرسه المتوسطه كنت احس بعد الانتماء بشكل و كنت يمكن اهطف واحد بالفصل و كان مطلعين علي لقب خايس و جيت الثانوي و كنت احس بهذا الشعور لين قبلت اعز اخوياي وبديت فعلا احس بالانتماء او الراحة بالسوالف معة دخلت الجامعه و كل واحد دخل تخصص ورجعت المشكله احس بعدم الانتماء وش الحل
احاول اكون صدقات بكل الطرق ولكن الكل جالس على جواله و ماهو مهتم
انا و أعوذ بالله من كلمة انا انسان ممتاز في الدراسه و ماشي واضعي وقدرت أجيب درجات حلوه بالقدرات
وقبل 8 شهور جاني عرض من جامعة المدينه الي ادرس فيه و العرض كان اني ادرس احد المقررات عن بعد كان عرض ممتاز خاصتنا ان ماكانت لي نيه ادرس برا مدينتي و رحت بلغت بعض المدرسين و كانوا فرحانين لي و حتى اهلي
وتوكلت على الله وسجلت في المقرر لي الحين 8 شهور تخرجت من الثانوي و المفروض يبلغوننا متى ادرسه و لا وين راح حاولت اتوصل معهم عن طريق الواتس وسحبوا علي و لا قالو
المشكلة انه كان يمديني اشيل ثقل هذي الماده عن طريق اني ادرسه عن بعد خاصتنا انه ماده صعبه و الحين للان مادري وش وضع المادة خاصتنا مع جيت الدراسه و يمكن حتى يخلوني ادرسه حظوري
هذا الموقف الي قاعد امر فيه للان لا أعلم هو خير او لا:
انا قدمت على كلية الملك فهد الامنية لي الضباط بعد الثانوي و للامانه مالي رغبه حتى لو1٪ فيه و لا ودي اروح لاختبارهم ودي ادخل الجامعة
و كنت ادعي اني مانقبل و الحين جاني قبول و ابوي مصر الا اروح و اختبر و حتى هو يبغى يروح معي و هامته أكثر من أي شيء اخر
للان مادري وين الخيرة بالموضوع و لا وش بيصير علي ابوي طول حياته يبي يشوف احد يصير ضابط بالعائلة و الحين انا اخر واحد و جاء الدور علي يارب يمشي الوضع بسهولة
هل فعلا يفرق في التوظيف الجامعة الي درست فيه يعني انا درست جامعه حائل و شخص درس بجامعة سعود وكلنا نفس التخصص هل له افضليه علي في الوظايف
قبل فترة صارلي حدث معين وكنت زعلان.
لكن تذكرت احد أصدقائي في الابتدائي.
صديقي هذا ماتت اخته و جاه فشل كلوي و وربما ترك الدراسه و ابوه و أمه نوعا ما كل واحد بمكان مختلف رغم انهم متزوجين (بسبب بعض الضروف)
فحاول تحمدالله على كل نعمه
الفشل الكلوي ربما اسواء شيء قد يوجهك و لاتعرف متى راح تتعالج
ولا متى يمكن تموت
في حياتي اشوف اني ندمت على أشياء كثيرة، و عندي تسأولات كثيرة
ولكن أحدهم ويمكن عندي غيري هي ندمت اني ذاكرت بشكل مجنون
اتذكر ايام اختبار القدرات كنت اذكر بشكل مجنون كنت ابي دايم القمه
جبت درجة زينه بأول اختبار لكن كنت غاضب رغم ان الدرجة حلوة
اجتهدت أكثر وش جيت درجة افضل
حتى ايام التحصيلي كنت اذكر بشكل مجنون و ليل نهار ومنعكف على الكتب و مريت بظروف مثل كان عندي زق الوسواس يجين في وقت الضغط ويديني بقوة.
الحين الحمدلله تخرجت.
لكن يوم انظر اشوف اني اهملت أشياء كثيرة اهلي امي ابوي كانت عند فرص اقوء علاقتي بهم بس ان ركزت على المستقبل وامس كان قبول
الجامعات كل اخويانا الممتازين بالدراسه انقبلوا في الجامعه حائل الي هي نفسه بادري فيه السنه هذي معهم بديت أفكر هل كان يستاهل كل هالوقت و التعب و أخرى شيء الكل انقبل للامانه ماهو حسد بقد ماهو
شعور نوعا ما بالاستحقاق و ان ودي بمرتبه أعلى يكافى جهدي.
لكن الحمد لله خيره.