تجارة العطور من المجالات اللي ممكن تبدأ فيها بشكل صغير وتكبر تدريجيا والميزة إنك مش لازم تعتمد على البيع للأفراد فقط ممكن تستهدف محلات العطور الصغيرة ومحلات الهدايا وحتى الأكشاك والمحلات الموجودة في المولات وتقدم لهم منتجات بأسعار مختلفة حسب نوع العميل وهنا بتدخل التجارة بالجملة لأن بدل ما تبيع زجاجة واحدة لعميل ممكن تتعامل مع محل يطلب كمية بشكل مستمر كمان تنوع الأسعار بيسمح لك تستهدف أكثر من شريحة وممكن تحقق هامش ربح كويس حسب المصدر والتكلفة
بفكر أعمل شركة وساطة عندي شغل قائم في التجارة والتصدير والاستيراد والشحن والمستندات وبفكر أعمل كيان منفصل يساعدني أكبر الشغل بدل ما أفضل أعمل كل حاجة لوحدي الفكرة بسيطة إحنا نجيب العميل ونفهم هو محتاج إيه وأنا أتكفل بالمورد والتفاوض والتصدير والشحن وتنفيذ الصفقة وممكن أكون أنا نفسي المورد أو المصدر لو المنتج موجود عندي نبدأ بعدد صغير جدًا من الأشخاص 2 يمسكوا تشغيل الشركة والعمليات والباقي يكون دورهم الأساسي جلب العملاء والفرص ودخلهم يكون مرتبط بالصفقات اللي يجيبوها أنا مش بدور على Sales عادي أنا بدور على شخص عنده وصول حقيقي لأصحاب شركات أو مصانع أو تجار أو فنادق أو صيدليات ويقدر يجيب عميل فعلي ولو التجربة نجحت أنا مستعد أدخل فيها جزء كبير من الشغل اللي بعمله حاليًا وممكن أوصل لحوالي 50% من الشغل المناسب للشركة الجديدة باختصار أنا أوفر القدرة على تنفيذ الصفقة وأنتم توفروا الوصول للعميل ولو حد شايف إن عنده فعلًا علاقات أو خبرة تقدر تضيف للشغل بشكل حقيقي ومهتم يدخل الموضوع بجد مش مجرد فكرة نتكلم ونتقابل ونشوف إذا نقدر نبدأ حاجة فعلية
في حراج مش لازم تبدأ برأس مال كبير ممكن تبدأ بمبلغ صغير جدًا وانابشوف انه المعدات إلاكترونية المستعملة في حراج اقتصادية جدا بنسبة للاسعار في ومصر أحيانًا بتكون فيها ارباح كويسة جدًا وأنا جربت الموضوع بنفسي في أكتر من منتج ومن ضمنهم طابعات 3D لقيت وقتها فرق كبير في السعر وحتى بعد ما حسبت الشحن والجمارك والرسوم ولحد ما الطابعات وصلت عندي في مصر كان لسه فيه هامش كويس والحاجة الحلوة كمان إن حراج عليه منتجات كتير جدًا وبأسعار مختلفة بشكل كبير فممكن تلاقي نفس المنتج بأسعار متباينة جدًا وده بيديك مساحة تدور وتقارن
دي سلسلة اسمها إزاي تعرف تتاجر هشارك فيها شوية أفكار وتجارب عن التجارة يمكن حد يستفيد منها فلو لقيت كذا بوست ورا بعض عن نفس الموضوع متستغربش
من الحاجات اللي اشتغلت فيها وكان دخلها قوي بالنسبة لي إن المنتج استهلاكه عالي وقيمته كويسة مقارنة بالمساحة اللي بياخدها في الشحن ومهما زادت الكمية مش بتلاقي نفسك محتاج مساحات ضخمة والأحلى إن البضاعة كانت بتتحرك بسرعة ومش بتقعد في المخزن فترة طويلة وده كان بيفرق معايا جدًا لأن بعد ما يكون هامش الربح مناسب سرعة دوران رأس المال بتخليك تقدر تدخل في شغل أكتر بنفس رأس المال وكنت بتعامل مع موزعين بياخدوا مني بسعرهم وبعدها كل واحد بيبيع بطريقته وده كان مريح لأن أنا بحط التارجت والهامش اللي يناسبني والباقي بيكون عند الموزع وفي الآخر رغم إن الشغلانة كانت كويسة وقفتها لأن موضوع بعض المنتجات كان بيدخلني في شبهة وكل شوية تلاقي منتج عليه كلام ومنتج تاني فيه مشكلة فقلت أريح دماغي وأسيب السلع دي وأركز في منتجات تانية بس بصراحة لحد دلوقتي مستحضرات التجميل من أكتر الحاجات اللي شوفت فيها دخل كويس بالنسبة لرأس المال
الماكينة دي عملت معايا الواجب توصيلة واحدة حققت معايا رقم حلو وعلشان كدا دايما بركز على خطوط الإنتاج والماكينات لأن الطلب عليها بيكون مرتبط بصاحب مشروع محتاج ينتج ويوسع شغله مش مجرد حد بيشتري منتج للاستهلاك وفرق الأسعار بين الدول ممكن يعمل فرص كويسة جدا خصوصا لما تلاقي ماكينة سعرها مناسب لو تقدر تصدّر ولو حتى أثاثات علشان رخيصة جدًا في مصر هتلاقي نفسك بدأت تتاجر مستحضرات التجميل حكاية تانية
مش قصدي قتال حرفيا قصدي مجموعة سرية نبدأها من الصفر من غير هدف واضح في البداية وكل ما العدد يزيد نقرر مع بعض هنعمل ايه
أتمنى يتم إضافة التجارة للموسوعة وتكون من الأقسام اللي عليها تحديثات مستمرة
لأن في جانب كامل من عالم المال الناس نادرًا ما بتتكلم عنه بالشكل الكافي رغم إن تأثيره ممكن يكون أكبر بكتير مما الناس متخيلة
أنا عندي مخزن تابع لشغلي في بلد تانية غير مصر وبدي الشخص اللي شغال معايا 300$ في الشهر وهو طالب زيادة ودي هتكون الزيادة الثانية من وقت ما بدأ معايا وبقاله حوالي 6 شهور طبيعة شغله مش دوام كامل لأنه بيدرس كمان وهو قريب من المخزن فبيستلم البضاعة اللي بتوصل ويحطها في المخزن ولما يكون في طلب بياخد البضاعة ويوصلها للعميل وأوقات البضاعة بتقعد في المخزن أسابيع من غير ما أحتاج أكلمه وكل مصاريف النقل والحركة الخاصة بالشغل أنا اللي بدفعها لحد دلوقتي أنا معنديش مشكلة في شغله والمشكلة مش في أدائه قد ما هي في موضوع الزيادة لو ساب الشغل مش مجرد إني أجيب حد غيره وخلاص لأن المخزن في بلد تانية وأنا مش موجود هناك وممكن أضطر أسافر بنفسي عشان أرتب موضوع المخزن والبضاعة وأدور على حد جديد وده هيكلفني وقت ومجهود وفلوس في نفس الوقت مش عايز أوافق على الزيادة لمجرد إني خايف إنه يمشي لأن دي هتكون الزيادة الثانية في 6 شهور وممكن الموضوع يتحول لزيادات مستمرة كل فترة خصوصًا إن الشغل نفسه جزئي فأنا محتار بين إني أرفض الزيادة وأتحمل احتمال إنه يمشي وتكلفة استبداله أو أوافق وأعتبرها زيادة مقابل استمراره معايا
تطبيقات مفيدة لأي حد شغال أونلاين أو في التجارة
Attijari Up وAl Rajhi لإدارة الحسابات والتحويلات
NSAVE لإدارة الأموال
Zoho Invoice للفواتير
Google Drive لحفظ ملفات الشغل
AfriConnect للتواصل والفرص في أفريقيا
Zoom للاجتماعات والتواصل مع العملاء
لو هبدأ من الصفر ممكن أفكر في الكتب المستعملة لأنك تقدر تبدأ بكمية صغيرة جدًا وتختبر السوق قبل ما تحط كل فلوسك فيها وسور الأزبكية مثلًا لسه فيه سوق فعلي للكتب المستعملة وأسعار الكتب هناك بتختلف حسب الحالة والطبعة والندرة وفيه كتب فلسفة وتاريخ وعلم نفس ومراجع قديمة بأسعار متفاوتة
الفكرة مش إني أشتري كتب عشوائية وأحاول أبيعها واحدة واحدة هختار موضوع معين وأعمل له مجموعة جاهزة مثلًا حد عايز يبدأ فلسفة أعمل له مجموعة فيها مدخل للفلسفة وكتاب لأفلاطون وكتاب لنيتشه وكتاب عن تاريخ الفلسفة ولو حد مهتم بعلم الاجتماع أعمل له مجموعة مختلفة فيها ابن خلدون مع كتاب تمهيدي حديث بدل ما يقعد يدور على كل كتاب لوحده أنا أوفر له الاختيار جاهز
ومش محتاج محل في البداية ممكن أصور المجموعات وأنزلها في جروبات الكتب وعلى فيسبوك وإنستجرام وأشوف إيه اللي عليه طلب وبعدها أشتري الكمية بدل ما أجمد رأس المال في كتب محدش عايزها
أنا شغال في التجارة والحمد لله بقدر أطلع منها دخل كويس وبحاول دايمًا أرجع الأرباح في نفس الشغل
بس مع الوقت بدأت أحس إن الفلوس مش بتكبر بالشكل اللي كنت متوقعه وده خلاني أفكر إني محتاج يكون عندي حاجة تانية جنب التجارة
مش قصدي أسيب شغلي أو أحط كل فلوسي في الاستثمار لكن على الأقل يكون عندي جزء مستثمر ولو حصل أي ظرف لا قدر الله يبقى عندي مصدر أو أصل تاني أقدر أعتمد عليه
المشكلة إني معنديش أي خبرة في الاستثمار تقريبًا وجربت ثاندر بس بصراحة معرفتش أتعامل معاه ومفهمتش أنا بعمل إيه عاوز اي نصيحة استثمارية
قبل حوالي 3 سنين اشتريت 500 جرام ذهب بحوالي 1.9 مليون جنيه ودلوقتي قيمتهم حوالي 3.3 مليون ممكن من بعيد تشوف إن ده استثمار وعائد حوالي 1.4 مليون لكن لما تحسب التضخم والقوة الشرائية هتلاقي الصورة مختلفة الـ1.9 مليون وقتها كانت بتشتري تقريبًا نفس كمية السلع والخدمات اللي الـ3.3 مليون بتشتريها دلوقتي فبالنسبة لي الذهب هنا مش استثمار بالمعنى الحقيقي هو مجرد وسيلة للحفاظ على قيمة رأس المال من التضخم وده خلاني أفكر إيه الأصول أو الاستثمارات اللي فعلًا بتزود القوة الشرائية لرأس المال مش بس بتحافظ عليها
أنا حاليًا في دوامة ومش عارف أحدد أعمل إيه في حياتي ومش بفكر في الجواز دلوقتي
معايا تحويشة السنين اللي عشتها في مصر ومعظمها في ذهب وحسابات بنكية ورأس مال للشغل وكمان عربية وعندي شغل كويس الحمد لله
بس كل يوم تقريبًا بفكر أبيع كل حاجة وأسافر إسبانيا وأعيش في مدينة ريفية هادية وأبدأ حياة جديدة وأشوف مصدر دخل هناك ومش عارف هل ده قرار منطقي ولا مجرد هروب من اللي أنا فيه
مش عايز أعمل حاجة أندم عليها بعدين وفي نفس الوقت مش عايز أفضل مكاني وأحس إني ضيعت عمري
شغال في توريد المعدات والمستلزمات الصناعية خصوصًا بين مصر والمغرب
عندي مخزن صغير في إسكندرية ومخزن في الدار البيضاء وبحاول أستفيد من فرق الأسعار بين السوقين
الفكرة ببساطة إني أشتري المنتجات اللي سعرها أفضل في مصر وأوفرها للعملاء في المغرب أو موريتانيا والعكس لو المنتج متوفر بسعر أفضل هناك
بحاول أتعامل مع كل طلب كصفقة مستقلة وأحسب تكلفة الشحن والجمرك وهامش الربح قبل ما أوافق عليه
اللي محتاج أطور فيه حاليًا هو شروط التعامل مع العملاء والموردين خصوصًا موضوع الدفع مقدمًا والحد الأدنى للطلب والتسليم
لو حد عنده خبرة في تجارة B2B أو التوريد بين مصر وشمال أفريقيا ياريت يفيدني بتجربته أو ينبهني لأخطاء ممكن أقع فيها