هواي شفت ناس يكولون هوه مو فرض اكدر اعرف شلون مو فرض وبالقران مكتوب وليضربن بخمورهن يعني الخمر الي هوه غطاء الراس ف مادري شفت ناس يكولون لا مو فرض بس اني اريد تفسير اريد واحد يعرف انو شلون هوه مو فرض مجرد سوال واريد جواب يعني ماجاي افرض رأيي على احد بس اتمنى احد يفيدني ويصحح معلوماتي اذا اني غلطان
شلونكم شباب اريد احسن بيج يبيع سترابس وكون عمليه لان صراحه جنت اتمرن بدونهن لكن بعد فتره ايدي كامت تتشقق وتوجعني وماكدر اشيل اوزان بسبب ايدي ف اريد اشتريهن علمود احميها
دوله زربه هاي لخاطر محمد يعني يعتقلون ابو جنه علمود مصدر الفلوس ونور زهير الي بايك ترليونات وموجود حي يرزق يخلونه عايش ومايحاسبونه لو عمار الحكيم نفس الشي
والشعب خلي خلي لحد مايكومون يسلبونه حقوقنه بالشارع يلا نحجي اذا انت مستفاد واني مستفاد محد راح يحجي بس من نتضرر من الي جاي يصير راح نحجي
لجنة المحتوى الهابط تحسها تختار للهابطين على مزاجها وعايفه جماعة البثوث والسب ولشتم والكفران وجايه تعتقل هذا الي خان زوجته بس لان صعدوا ترند
يعني لو ماصاعدين ترند مايعتقلوهم؟🤣🤣
هاي السعوديه همين دوله عربيه
فنه واحد يطلع يحجي منهم اى يسب او يغلط او يكفر كبل يروح للسجن ويتعاقب واحنه عيني خايفين عليهم شاجور الالعاب حرفيا فوك الاربع مرات دخلوا سجن ورجعوا نفسهم ونفس محتواهم الخايس ورغم هذا كله محد يخاف طبقوا على يوسف لاز
يوسف لاز طلع وصار اسوء من قبل (بعقلهم حجاره مايفتهمون لازم يصلحون الناس مو يسجنوهم )
الى اي واحد منكم ضوجته اني اسف وامسحها بوجهي وكل عام وانتم بخير للكل💗
خرب يوم هيج فصل ياهو يجرعه بس اريد افتهم المشكله قاري بفهم وراسم رسومات على الورقه علمود اتذكر صارلي هذا ثالث يوم توني بنهاية النباتات بالعباس تعبت ماكو هيج شي
عبالك جاي اقره من جديد
يالله بسم الله
نريد نبدي ويه المسلمين الي ميعجبهم كلام رب العالمين
سوال شنو عبالكم انتم انو الرجال تجيه شهوه لان يشوف ايد البنيه لو يشوف شعرها؟ أنتم غلطانين بهاي النقطه الحجاب هوه امر رب العالمين ومابي نقاش والي يريد دليل عندي هواي دلائل وبالنسبه للي تلبس حجاب وتحط مكياج ترا هوه التبرج حرام يعني حاله حال انو متلبسين حجاب (اتؤمنون ببعض وتكفرون ببعض) وبالنسبه لمعصم الايد احنه نعرف الشي الي بنيه تكدر تطلعه من جسمها هوه قرص الوجه وكف الايدي بعد اي شي ثاني يعتبر حرام وعوره
ومادري ياهو مفهمكم انو البنيه عوره معناها غلط وحرام مايفتهمون انو هذا تكريم للبنيه بدال ما هوه حصر وتعقيد بس لا يحاولون يفسرون كلشي على هواهم ومثل ما البنيه عدها اشياء حرام الولد همين حرام يطلع جسمه وحرام يطلع ركبة رجله وحرام
لبس الذهب للرجل
لبس الحرير الطبيعي الخالص للرجل
تشبّه الرجل بالنساء في اللبس أو الهيئة بشكل مقصود
خلوة الرجل بامرأة أجنبية عنه (وكذلك العكس أيضًا)
ظلم الزوجة أو عدم العدل بين الزوجات إذا كان متزوج أكثر من وحده
وبعد هواي اشياء ف ما اعرف ليش المسلمين صايرين دلوعين ويضوجون من الالتزام بقوانين دينهم ترا ماكو شي اسمه حريه بالدين الاسلامي اكو شي اسمه حريه بحدود الدين فقط الي ماعاجبه يروح يتوكل يشوفله غير ديانه هذا دينك وهذا قوانينه
أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ
المشكله كل الي كلته موجود بالقران يعني حتى لو واحد يريد يجذبني مايكدر
الله يهدي الجميع وهذا هوه الاسلام مقدر المرأه ومحترمها ومقدر الرجل ومحترمه واي شي دخيل من العادات والتقاليد فهوه غلط مال منع المراه تطلع بره وغيرها من الامور الاسلام مامنع هلشي اصلا
حبيت انوه على هلشي لان الموضوع طلع من ماعونه وكل واحد يخترع قوانين بالدين مالته ولو متعصب لو متهاون باوامر رب العالمين ويوم عن يوم دنرجع ليوره لان كل اهتمامنه هوه بنفسنه ومانفكر بالهدف الاساسي من وجودنه بالحياة الي هوه العباده وسماعة الطاعات ونسيان احنه عبيد عند رب العالمين…
اخوان جايتني جامعه واريد شعري يضل رطب طول اليوم منو من الشباب يعرف شنو استخدم لشعري
اخوان اخوان خشمي بي رؤوس سوداء واريد اتخلص منهن لان بشرتي دهنيه اريد نصيحه غسول او مرطب او اي كان اريد اتخلص منه
الي يعرف يكتب اسم المنتج وشكد سعره واذا عدكم تجارب كلولي لان كلش د اعاني
هاي معقوله اكو اطفال ويانه اعمارهم من ٢٠١١ الى ٢٠١٢؟؟؟؟
تحجون صدك لو تشاقون نوب الصدمه الكبرى اغلبهم شايفلهم تعليقات يغلطون بيها وينطون اراء مال ناس كبار واني عبالي كبار طلعوا بالرابع لو بالثالث
معقوله كلاوات لو مادري ماجاي اصدك ترا كلش صغاررررر شلون هيج والله مادري بعدين يكلك ليش العراق مايتطور
ولحد يكلي كبار ترا كلهم بالرابع اوثالث تعرف شنو لو يسولفولك؟؟
اخوان عندي تراكم بالتطبيقات جم سوال ومحتار بيا فصل انهي اول
الفصل الثاني وثم اخلص الاول
لو الاول ثم الثاني
اريد الفصل يكون خفيف لان اريد اكمل ويا تراكمات التطبيقات؟
اني ماحب واحد يجبرني على شي ويكعد يكلي يلا كوم سوي سوي وهاي الفتره اني ماجاي اصلي مو قصة شي بس مادري ياخي حيل مالي خلك اصلي ومادري احس اريد اكعد ويه نفسي اسولف علمود احل المشكله بس هذا مو موضوعنه موضوعنه انو ياخي اهلي يضغطوني علي كوم صلي كوم صلي اخير شي انفجرت وكلتلهم ياخي خلص لحد يضغط اذا تضلون تلحون ما اصلي مابيه حيل ( اني اصلا بس محبوس بالغرفه لان فترة مراجعه وماعندي شي اسوي وتعبان وماكدر افكر بشكل عدل وهمه بس يضغطون عليه
ومن سئلتهم يكلولي والله علمود مانتحاسب! يعني واني متهتمون الي؟ متهتمون انو جوز اضيع وجوز اصير ما اصلي بسبب انو اني تعبان او مالي خلك اكوم افتح الباب محد يسئل يردون بس همه وبس همه مايتحاسبون مو مهم اني اصلي بقناعتي او لا
ياخي ماعرف شكول لاتخلف اذا ماتعرف تربي
عود شنو عودك اني ادرس يمك طول السنه تجي من تاخذ الدفعه الجديده اراسلك ماترد عليه ونوب تنشر ستوريات كاتب ختمنه المنهج وكملتلك المراجعات
وانت لحد الان مامكملهن؟ يعني اني معتمد عليك مصدري من شهر الخامس تجي هسه تقهرني وتكتب بحسابات وهميه انو كملت المراجعه الي دفعت فلوس علمود ادخلها وانت باقي محاضره اخيره من اهم موضوع بالرياضيات مامنزلها؟ وخليتيني احتار بعمري وافكر بالتاجيل؟ ماعرف شنو عقوبة هذول المدرسين ومادري شنو يردون يوصلون
عود شنو عودك اني ادرس يمك طول السنه تجي من تاخذ الدفعه الجديده اراسلك ماترد عليه ونوب تنشر ستوريات كاتب ختمنه المنهج وكملتلك المراجعات
وانت لحد الان مامكملهن؟ يعني اني معتمد عليك مصدري من شهر الخامس تجي هسه تقهرني وتكتب بحسابات وهميه انو كملت المراجعه الي دفعت فلوس علمود ادخلها وانت باقي محاضره اخيره من اهم موضوع بالرياضيات مامنزلها؟ وخليتيني احتار بعمري وافكر بالتاجيل؟ ماعرف شنو عقوبة هذول المدرسين ومادري شنو يردون يوصلون
هسه اني هواي شايف الملحدين وطريقة كلامهم وارائهم وهاي بس عندي سؤال عود شنو معناتها من الملحد يستهزء بالاسلام؟ بس لأن هوه مايؤمن بي
زين انا الي اعرفه انو الملحدين مايهتمون لاحد ولا يستهزئون باحد اهم شي عدهم نفسهم
ليش هاي الظاهره منتشره انو ينتقد غير ديانه لمجرد هوه مايؤمن بيها
تناقض للالحاد اصلا مو معناتها انت ملحد يعني الك حق تضحك على الناس لمجرد همه يؤمنون او لا
ماعرف بعد هيج حتى صار استهتار اكثر من مجرد الحاد
اخوان شسوي اريد حل تعبتتت يومي نصه يطير واني ممنجز شي ادرس بس احس ماجاي اخلص شنو الموضوع ونسيان كارثي
انعل ابو التطبيقات (رياضيات) والسادس كله