u/Masry_man138

دايما انا بحب جدا العاب البطاقات المميزه زي balroto واللعبه دي تخطت حدود التميز والابداع في للاول بتلعب اللعبه عادي تقول لعبه بطايق عادي بعدها بتكتشف ان في لور وحوار ورا اللعبه دي وقصه كامله

الجرافيك والجيم بلاي بتاع اللعبه جميل ومميز ومتعوب عليه

القصه مبهمه اوي ونهايتها مبهمه سيكه بردوا ياعني مش بيقولك بكل وضوح اي دا بسيبك تخمن

تقيمي النهائي للعبه 8/10 لعبه محتاجه تركيز ومهاره وليها تعريب وهاتلاقي نفسك ضيعت مع اللعبه

اشتريت اللاب بالشكل دا هو تمام بس واحد صحبي قالي دول مابيبقوش كدا ومكانهم بيبقا فيه حاجه ولا هو شكله كدا ودا مكان احط فيه حاجه من برا

هو قالي ان اللاب لي نسخ مفهاش كاميرا ومنهم النسخه دي لانه لاب توب شاريكات وكدا

lenovo p50

شوف البوست الي قبله عشان تفهم دا

سعر هارد نص تيرا ب 850 وعليه داتا العاب

لعبه حارس النار او مراقب النار هي من امل اللعب الي لعبتها بصراحه لعبه في منتهي الملل القصه ضعيفه اوي حته البلوت تويست الي فيها ممل ومحمسكش العالم بتاع اللعبه صغير وتحسه محدود بس شكله جميل انت حرفيا مش بتشوف اي حد غيرك في اللعبه واللعبه مفهاش الغاز او حجات تفاعليه مجرد حوارات ملهاش لازمه مع المشرفه بتاعتك وخلاص علي كدا

عموما معنديش كلام كتير اقوله علي القصه بس اديها 4/10 عشان العالم كان شكله كويس

دا مسلسل كوميدي بيحكي عن يوميات محققين في مركز 99 للشرطه وبيحكي مغامرتهم وحياتهم مع شويه تحقيق وبصراحه الممثلين عاملين شغل تقيل بيخليك طول المسلسل تتعلق مع كل شخصيه فيهم

بالكلام عن الشخصيات في حاجه بضان عملوها وهي ان اخر تلات مواسم خلوا شخصيه تغير ميولها وفي شخصيه اصلا مغيره ميولها من اول الموسم فا دي حاجه هاتضايق ناس كتير بذات انهم بيتناولوها بشكل بشع في المسلسل وبيقنعك علي المدي البعيد انه عادي علاقتهم وكدا بس دي كبيره من الكبائر بنسبه للمسلمين

المهم تقيمي للمسلسل 7/10 الكوميديا الي فيه كريتيف وغير متوقعه وجميله بصراحه ابداع كوميدي بمعني الكلمه + ان المسلسل مفهوش مشاهد

اه في حلقه مش فاكرها بس خلوا شخصيه من كتر ك*م الغرور بتاعها خلوها تطلع قدام الناس بمنظر نبي حاجه في قمه القح*نه ياعني

احب اقولكوا بوستاتكوا مهمه وكل كومنت كتبتوه مهم وشكرا ليكوا علي مشاركتكوا معانا وان شاء الله الصب يكبر واخواتنا الجيمر يكتروا✨❤️‍🔥

كنت واقف في الطابور العيش بعد الشغل كالعاده عايش حياتي بجميع درجات البساطه بتاعتها مش عاجبني حالي وخايف من المستقبل زيي زي اي شاب الا اني الاقي قاعد علي المصطبه شاب بنظاره كوبايه هدومه متوسخه (هدوم شغل لاقل طبقه) مش قصدي حاجه بس بوصفه المهم شايفه قاعد عادي مع نفسه بياكل الساندوتش ومبسوط اوي اوي وفرحان جدا ولا اكنه بياكل اغلي وجبه في العالم حرفيا ساندوتش بسيط وموقف بسيط قدر الشخص دا انه يخلي نفسه سعيد في الموقف دا

الموقف دا خلاني افكر بنفسي اي الي ممكن يخليني سعيد الدنيا بيظهر فيها مشاكل كتير وفي ناس عندها مشاكل بتحطها عليا في السكه فا دا مخليني مخنوق مش مبسوط علطول ببقا بسيط لفتره وجيزه لحد ما دماغي تدور في التفكير في حجات تانيه بس بنقول الحمدلله في ناس مش عايشه حرفيا ربنا يوفقهم في حياتهم

قولي اي نظرتك للحياه واي سر سعادتك انتا

انا اقدر اقول اني خلصت اجمد واحسن لعبه في التاريخ ودي اول لعبه هالعبها لما افقد الذاكره وان شاء الله هاعيد اللعبه دي تاني وتالت ورابع بعد سنين اللعبه الي مقدرش اتخطاها ومعتقدش اني هالاقي لعبه بقوتها تاني

#القصه

قصه اللعبه انك بتكون فضائي عادي باربع عيون عايش مع اهلك وناسك علي كوكب اسمه تمبر هارت فا بيجي دورك انك تستكشف الفضاء الخارجي للكوكب لان في ناس قبلك طلعوا واكتشفوا ان في حضاره تانيه سابقه اسمها نوماري فا بعد ابحاث اتعمل جهاز يترجم كلامهم ومهمتك تستكشف حضارتهم في الفضاء الخارجي وسط مهمتك بتلاقي انهم كانوا بيدوروا علي حاجه لدرجه ان طول فتره حياتهم واحفادهم بيدوروا علي حاجه مهمه اوي وبتحصل مفاجاه ومش عايز احرق بس اللعبه دي قمه في الجمال والموسيقي العذبه وتغذيه الفضول الي جواك حاجه كدا زي التورته البيضه ونهايتها هي حتت الكريزه بجد بجد لعبه رائعه

تقيمي للعبه 10/10 بجد انا لعبت لعب كتير جدا بس دي احسن لعبه بنسبالي في التاريخ

نصيحتي للعبه تستاهل تشتريتها تستاهل تلعبها تستاهل كل وقتك رغم انها مش طويله بس استكشفها بحب واخيرا قبل ما توصل للنهايه في شخصيتين اتاكد انك توصلهم عشان النهايه تبقا حلوه واحده علي قمر الكموني وواحد علي الغريب ومش عايز احرق اكتر من كدا وانجوي

الي فهمته لما قعدت ادور في الحوار دا انا بدي صلاحيه جهازي كلها لصاحب الكراك بس ممكن احل المشكله لو لعبت وانا طافي النت ومدخلتش في مواقع مشبوهه دا علي حسب كلام الاجانب فا الناس الي جربت تقول تجربتها وكدا واي رايكوا في الموضوع دا

امبارح السيرفرات بتاعت الموقع اتقفلت حاجه حزينه ان عظمه زي دي تقع الوقعه دي لسا م عارفين السبب