u/Mean-Inspector9633

امبارح كنت تعبان اوي و مخنوق اوي و حاسس اني شايل الهم و ضغطي كان عالي لذرجة مكنتش قادر اقف ، نزلت اتمشى شوية لاقيت راجل فواعلي في سن والدي قاعد على جمب في حتة شكلها شاعري جدا ف سلمت عليه و استأذنته اقعد جمبه راجل لطيف جدا و عنده ذكاء عاطفي و حسن تصرف في الامور مشوفتوش عند ناس متعلمة كتير قعدنا نتكلم ، انا حد رغاي و بحب اتكلم كتير و اسأل الناس كتير بس من الخنقة و التعب مكنتش قادر اتكلم ف سيبته كان بيتكلم قليل و مشينا واحنا مبسوطين جدا احنا الاتنين لدرجة مكنتش اتخيلها ، البوست ده توثيق لليوم ده و يمكن حد يقراه و يجرب يعمل كدة ( بنصح ب ده + ولو معاك فلوس هات معاك حاجة تشربوها انتو الاتنين )

هل دي صدفة ولا ايه بالظبط بس البنات اللي عرفتهم ( صحابي مش قرايبي ) بيردو متأخر دايما او اغلب الوقت ، هما عندهم اسباب بس برضو اظن بيكون فيه وقت عادي يردو ف هل دي حاجة شائعة ولا سببها ايه

احكي مواقف حصلت معاك ليها علاقة بالجملة زي حبيت واحدة و سيبتو بعض و كان فيه عواقب عشان معاك في الجامعة او الشغل و كدة او اي حاجة ليها علاقة بالجملة عامة

مبسوط حاسس اني فرحان مع ان عندي مشاكل كتير بس حياتي بشكل عام بتتحسن يارب افضل كدة دايما و مرجعش للحزن تاني و ربنا يهديني و يارب كلكو تتبسطو و تفرحو بحياتكم و تلاقو ناس تحبكم

انا حد طول عمري علاقتي ب ابويا متوترة بسببه و انه اكستريم في حاجات كتير فاكر انه كدة بيربينا و انا حد بحب نفسي و مش بسمع و اسكت او يتبضن عليا و اسكت عشان انا مش قليل عشان يعاملني كدة ف برد عليه ، مؤخرا بقالنا سنة علاقتنا تمام اوي يعني و فيه هدايا رايحة جاية و بعمله كل اللي هو عايزه ، امبارح حصلت مشكلة في البيت حاجة انا مليش علاقي بيها ولا حد ليه علاقة بيها ف طلع ميتين البيت كله شتيمة و تهزيق و قرف و معاملة كلابي ف انا مكنتش طايق اشوفه ولا اتعامل معاه ف حصلت حاجة و شدينا مع بعض انا عندي اسبابي هو معندوش اي حاجة غير انه عايز يمشي كلامه و كلام فلاحين كتير اوي بقا انت كذا و مش عارف ايه و يقعد يشتم و يهدد و يتريق و يدعي عليا و كلام كتير ملهوش اي لازمة ولا ايه علاقته باللي بقوله و يقعد يجيب كل القديم مع انها حاجات عدت و هو اعتذر عنها او حاجات كانت سوء فهم و عدت برضو بس برضو ازاي يفوت فرصة زي دي ، المهم انا بجد زهقت من ان حياتي تكون واقفة بسبب ابويا و بسبب انه بيستعيل و يصغر دماغه عشان يثبت حاجة انا مش مهتم والله ولا عيل صغير ف هيعلمني حاجة بطريقته دي و امبارح كانت اول مرة نشد مع بعض من ساعة م علاقتنا اتحسنت ف انا مش عايز ارجع لوجع الدماغ و وجع القلب اللي كان قبل كدة انا عندي مشاكل بالفعل بعيش عواقبها بسببه ف مش عارف ايه الحل دلوقتي هل اختصر على نفس و اعتذر و احل المشكلة بس مش عايز اعمل كدة عشان عايزه يعرف ان هو اللي غلطان وان مش دي الطريقة اللي المفروض يتعامل معايا بيها عشان اسمع كلامه و اكون الابن المطيع ف بالفعل زهقت من شغل العيال و الفلح ده اتعامل معاه ازاي

السنادي خسرت ناس كتير لاسباب صح كلها بس دي اول مرة احس اني وحيد كدة ، طول عمري علاقتي وحشة باهلي بس بقالنا فترة كويسين بالعكس بقينا كويسين اوي كمان بس مش قريبين اوي برضو بس دايما كان عندي صحاب كتير بحبهم و بيحبوني ، لما دخلت جامعة خسرت صحابي اغلبهم و اللي مخسرتوش علاقتي بيه قعد قعدة قهوة بس مش اكتر ،معدا واحد بس كان اخويا و اكتر فضلنا قريبين لحد السنادي بعدت عنه عشان اسباب تخصني قولتها في بوست قبل كدة ، محدش قالي كل سنة و انت طيب غير قليل اوي من اللي لسة بيحبوني غير زمان كنت من كتر الرسايل مش بعرف ارد ،حتى اهلى انا من ساعة م علاقتي بيهم بقت حلوة و بجيب هدايا و بحبهم و بعاملهم كويس اوي يعني اخ و ابن مثالي جدا قالو كل سنة و انت طيب و بس كدة و اللي هو عايزنا نجيبلك ايه هدية و اخويا اداني ميدالية مفاتيح كانت جايله هدية او هو جايبها لنفسه بقاله كام شهر راكنها و دولقتي بيقولي جايباهالك ( ميدالية ستار وورز هو بيحب ستار وورز انا مشوفتوش اصلا ) ف اديتهاله و قولتله مش عايزها مش هستخدمها راح زعل و المفروض اني كدة اللي زعلته مني ف بجد كسم القرف ، انا على ريديت من ٢٠٢٠ بس السنادي اكتر سنة استخدمه فيها و عرفت ناس كتير خسرتهم كلهم فيه اللي بسبب و فيه اللي من غير سبب اخرهم لسة من يومين ،كمان لسة حالا صاحبي اللي كان اخويا ده و بحبه اكتر من نفسي و دايما القعدة ي اما بيتي ي اما بيتع بعتله دلوقتي لاقيته عامل بلوك ، انا السنادي اوي سنة يتعملي بلوكات في حياتي ( البنت اللي حبيتها في الجامعة، ناس عرفتها من ريديت و صاحبي ده ) صاحبي هي اكتر حاجة وجعتني حاسس اني مكسور و في نفس الوقت مش عايز اعرف حد جديد عشان جربت و مكنتش احسن حاجة يعني ، صحابي بتوع الجامعة هما مجرد زمايل دراسة و فيه منهم مش بيحبوني اصلا عشان كان فيه مشاكل حصلت قبل كدة و سوء فهم ف بعدنا بس مرجعناش زي الاول برضو ، حاسس جسمي كله بيعيط من جوة بيتقطع بالراحة بس وشي صلب ، قلبي بيتكسر ، مستغرب ازاي بقيت هنا هل في حاجة اتغيرت فيا؟ هل ده اختبار ولا عقاب ؟ هل انا زعلان لخسارة الاشخاص ولا زعلان انه مفيش حد اصلا لدرجة اني بكتب في بوست على ريديت عشان مكتبش في النوتس و احس قد انا وحيد و ازعل على نفسي ……………… اسف على الطاقة السلبية، ياريت لو عندك حاجة حلوة قولها لو معندكش ف انا مش هقدر اسمع اي حاجة تضايقني دلوقتي

انا و صاحبتي دي صحاب بس نازلين هنروح سينيما و اظن هناكل و نشرب حاجة دي اول مرة ننزل و اول مرة اشوفها اصلا هل المفروض اعزم اني ادفعلها و كدة ولا لا اتكلمنا في الموضوع ده قبل كدة انه لو مش ديت لا و احنا صحاب بس بكرر تاني ف هل اعزم و هي ترفض و الكلام ده ولا معزمش اصلا ؟ انا فقير اليومين دول اصلا و منزلتش مع بنت خروجة كاملة كدة قبل كدة يعني ف بفكر اعمل حسابي برضو في فلوس عشان لو حصلت و عزمت و هي قالت اشطا ولا انت شايفين ايه اللي هيحصل ( انا اللي قولت ننزل المفروض قبل كدة كنا هننزل اكتر من مرة بس كانت بتحصل ظروف و نفكس )

لو حد يعرف كابتن كويس اتابع معاه يكون اسعاره كويسة و يكون تعامله كويس مش بتاع حزق بتاع و نكسر الحديد و الهطل اللي بشوفه ده و يكون بيتابع كويس اكل و تمرين و كدة عشان انا مبتدأ مش حد عايز احترف يعني