بعرف اغني وبحب اغني جدا بس لنفسي
ونفسي اسجل الاغاني اللي بحبها على البيتس بتاعتها بصوتي ك هوايه يعني مش بشكل احترافي تجاري يعني بس مش على ريكورد الموبايل
اعمل ايه بحيث الصوت يطلع نضيف شويه قريب لصوت الاستديو
وايه الخطوات؟؟ سمعت عن يودستي نزلته وسجلت حاجه بمايك كحيان متوصل باللاب دايركت ولعبت في شوية اعدادات بس طلع منج زباله واللحن سابق الصوت مهما اعدل مش بيتعدل وصوت المايك زباله
في تراك قديم لمروان موسى اسمه بيني وبينك حاجه سهل ممتنع كده محصلش
..
المهم .. نص التراك الاول صوته حلو اوي .. صوت التراك نفسه تحسوا في صدى صوت خفيف وموسيقي هاااديه تحسوا سامعين صوت آله واحده بس وكأنها اغنيه fan made cover
عايزه ترشيح لاغاني تانيه من اي جنرا بأي لغه بس نفس الجو .. اللي هو الصوت الحالم الهادي ده
مع كامل الاحترام يا طنط انا هكتفي ب ربنا يبارك فيه لحضرتك لكن مش هقولك انه زي القمر لأن في الحقيقه هو شبه محتوى علبة بلوبيف درجه تالته
ومع كامل الاحترام يا استاذ هقول لحضرتك ربنا يباركلك فيه لكن مش هقولك انه اشطر واذكى واحلى ولد في الدنيا لأن جيناتكم انتجت نتاج سيء للأسف وده ابتلاءك في الحياه لا هو ذكي ولا هو شاطر ولا هيبقى بالمناسبه .. اعقل بقى وامنله مستقبله عشان لما ربنا يسترد امانته الواد ميتبهدلش من بعدك عشان محدش هيقدر يشيل ابنك لأنه حمل
بلاش مبالغه عموما ولما ادعي لابنك او بنتك اكتفي باللي انا قولته ومتجودش عشان متحرجنيش .. لأني اكيد مش هقدر اقولك حاجه بس هيبان على وشي ووشك انك مش مقتنع بالكلام ده
شعري كان تقيل جدا جدا
بقالي مده عمال يقع بمعدل بشع شعري خس النص
في ضغط نفسي بس مش حاسه لدرجة يعمل كده بيقع بالخصل على بعضها .. خصل رفيعه اه بس يعتبر معدل تساقط اضعاف العادي
مفيش اي حاجه اتغيرت ف روتيني غير اني بقيت بعرضه ل هييت كل اسبوعين تقريبا .. بس حاسه انه ابتدا يقع قبل الحراره
عايزه حل يتقله تاني من غير ما اضطر اكشف
ومحدش يقترح توم وبيض ومايونيز
يا تري هيرجع؟؟
يا ترى لو رجع انا هقدر ارجع؟؟
ليه وافقت من الاول؟؟ وازاي قولت اه!!
ليه عملت في قلبي كده!!!
ازاي بجد؟!
هل الستيكرز دي ليها معنى خارج؟؟
بغض النظر عن فكرة ان اي حاجه ممكن تبقى خارجه حسب السياق والطريقه
ومش بسأل جو اااايهضاااه فهموني مش فاهمه
لا خالص بسأل بجد
عشان انا بس شايفه ان دمهم خفيف وملهومش معنى بس مش قادره استخدمهم عشان شامه حاجه مش مريحه
وحقيقي محتاجه اعرف يعني ايه اسأسأ الدلمشه
لو معايا كريديت كارد خلصت كلها وبتحسب فوايد وانا كل شهر بسد الحد الادني للسداد .. اللي هو يعتبر فوايد بس مفيش حاجه منه من المبلغ الاصلي للكارت وسداد الديون بس شبه لما تكون بتحفر ف بحر
ف عندي سؤال بقى دلوقتي .. هل لو جمعت الرقم اللي ع الكارت وسديته مره واحده قبل يوم الكشف وعملت كارت فوري مثلا ..وبعد يوم الكشف روحت محوله كل اللي في الكارت على فوري ك عملية شرا واحده .. وكملت البنك يقسط المعامله وابقى كل شهر بدفع القسط اللي ع الكارت بس ..
هل الفكره دي فعاله ولا حركه ملهاش لازمه؟؟
ازاي الإنسان يسامح نفسه لما يغلط في حق نفسه كذا مره بنفس الغباء
تشوف ان صحتك تعبانه بدل ما تاخد بالك منها لأ لسه وزنك زايد وبتاكل زباله وعوادم وقرف
تكون في علاقه مؤذيه ليك وتكمل وتحاول ومتحرجش الطرف التاني عشان خايف على مشاعره مع انه مهزقك
وحاجات تانيه كتير
وانت واقف بتتفرج كده
عارف انك بتودي نفسك ف داهيه ومش قادر توقف
بحمد ربنا ع الانفتيشن اللي جاتلي للصب
انتو بني ادمين هنا يا جماعه!!!! ما شاء الله ربنا يديمها يعني ❤❤
نفسي اتكلم وافضفض معاكوا ف حاجات كتير اوي بس مش حابه اعكر صفو الصب بجد
ممكن اشير معاكوا اني مؤخرا بقيت بحب الجرونالينج
عايزه العب اي آله لكن عندى مشكلتين ... الآلآت كلها غاليه جدا ولما استرخصت كانت بتطلع اصولت نشاز وزفت
تاني حاجه اني شولة كل الوتريات بالنسبه ليا جحيم ليا وللي بيعلمني عشان اتجاه كل حاجه معكوس
من فتره طويله استقريت على درامز وكيبورد ... بردو كل اللي هنا غالي عليا اوي ومش حابه اشتري مستعمل
قررت اجيب واحد صغير اتعلم عليه من شي ان
او اجيب اليكتريك درامز من تيمو
بفكر ف المواقع دي لأنهم ارخص بكتير
حد جرب كواليتي الآلآت منهم او يعرف مكان في القاهره اسعاره تبقى معقوله .. الرينج ع المواقع دي مش بيعدي ما يعادل ال 2500 جنيه
كمان ممكن اتعلم طبله ف اد ايه
بحاول معاها بقالي سنه بس مش بإنتظام اوي لكن مفيش تحسن ملحوظ
يعني ممكن اعرف العب لوحدي لو دخل معايا اي صوت كل حاجه بتبوظ
ف هل انا كده مليش ف سكة اللعب خالص اصلا ولا ايه!!😅
جدتي حبيبتي الله يرحمها من ٥ سنين .. مفيش يوم عدى من غير ما افكر فيها او اجيب سيرتها او ادعيلها ..
اكتشفت النهارده اني نسيشت شكلها!!!
بقلب في الموبايل لقيت صور متصوراها معاها بتفرج عليها حاسه اني معرفش مين اللي في الصوره دي!! مش شبه الصوره اللي في بالي
اول يوم النهارده من خمس سنين يعدي وانا زعلانه على حاجه غير وفاة تيته .. انا زعلانه من نفسي اني نسيت شكلها
انا راضيه بحياتي جدا جدا وبحبها جدا جدا رغم انها مش مبهره ولا بعمل فيها حاجات كتير
بشتغل بضمير باساعد في بيتي بحب اهلى بصلى وبحمد ربنا على نعمه اللي متتعدش ربنا كارمني وساترها عليا ربنا يديم ستره ورزقه
انا مش حاسه اني محتاجه اغير حاجه في حياتي
شغلي كويس جدا بالنسبه ليا مش حابه اغيره
روتيني مريح ومش زاعجني ولا خانقني في حاجه
الحاجه الوحيده اللي عندي فيها مشكله هي صحتى ووزني بعاني معاهم من ابتدائي بس بحاول معاهم دايما وكل ما اوقف رياضه واهتمام برجع تاني ..
اللي اقصده اني مليش حلم كبير بجري وراه واوجع قلبي عليه
ومش حاسه اني عايزه بصراحه .. يعني انا حابه دنيتي وهي هاديه
وحقيقي حابه كده .. حاباه فعلا
بس كل اللي حواليا بيقولوا اني كسوله ومستخبيه في خوفي من اي جديد
انا بخاف من اي جديد فعلا هما عندهم حق
بس انا اي تجربه جديده اتعرضتلها وانا محتاجه اوصل لنتيجتها دخلت فيها عادي!!! زي تجربة الشغل نفسها مثلا
وممكن ناخد نقطة الشغل تكمل عليها الامثله .. لو انا بشتغل في مكان مستريحه مع الناس اللي فيه وبعرف اعمل فيه المطلوب مني وفلوسه مناسبه جدا انا اعلى مرتب وسط صحابي كلهم وكل حاجه فيه حتى عيوبه انا متصالحه معاها .... ايه اللي يخليني افكر اغير شغلي!!!؟؟؟؟؟ اصل عشان تتعلمي حاجه جديده اصل محدش بيفضل ف مكانه طول عمره ..
طب ما انا معنديش مشكله افضل ف مكاني طالما مريحني!!!
ما انا جيت المكان اللي انا فيه في المقام الاول عشان اتعلم حاجه جديده ومع الوقت لما تمرستها بقت قديمه خلاص
اي مكان هروحه هتعلم في الاول وبعدين خلاص
وقيسوا ه على كل التجارب التانيه ...
مثلا انا لو عندي وقت فاضي بعد الشغل .. انا شخصيا احب اقضيه مع فيلم جديد ... دي حاجه بحبها وبحب قعدة البيت دي عادي!!
ليه لو قولت لأ غنا مش عايزه انزل عشان عايزه احط غسله في الغساله واتفرج على فيلم عقبال ما تخلص ابقى كسوله؟؟!! او ممله ومكرره؟؟
اي حد ربنا راضي عنه ولسه مكتشفش التحفه الفنيه اللي اسمها راضيو كفر الشيخ الحبيبه يروح يسمعها ويستمتع ويك اند سعيد
زي العنوان ما بيقول.. ايه مدى التنازلات اللي ممكن تقدموها في سبيل تكونوا مع اللي بتحبوه واللي قلبكم اختاره بتكلم عن اي نوع من انوا التنازلات ماديه او معنويه وبتكلم في إطار الارتباط الرسمي بردو عشان نتخيل الموقف بجديه
تنازلات ماديه زي مثلا اوافق على شخص بدخل محدود او شقه صغيره معنويه بمعنى انه مثلا شخص بيرفيكت ف كل شيء لكن هادي وساكت كلامه قليل ف قصاد صفات كتير اقرر اتنازل عن نقطة انه يكون متحدث وبيتكلم
دلوقتي النت عندى في البيت على كابلات نحاس سلك التليفون جاي من البلكونه معدى من الناحيه التانيه داخل الراوتر عندي راوتر فودافون VDSL
دلوقتي الفايبر هيدخل وشكله هيوصل في العماره من جوا يعني هيمشي ع السلم ... انا مطلوب مني ايه بالظبط بقى
كهربائي ايه اللي لازم اجيبه ووحدة صوت ايه
انا شغلى كله اونلاين ودراسة اختى ف مش حمل النت يقطع عندي فتره لحد ما افهم الدوشه دي
وهل في اوبشن اني اغير الراوتر من فوادفون وجيب راوتر من عندهم يكون فيه
ONT
بدل ما اضطر اركب وحدة الصوت دي عشان سامعه انها بتعمل مشاكل
وكهربائي ايه اللي هيجيه عشان النت ده!!!
انا الحمد للله ربنا موفقني في شغلي جدا والتيم ليدر علاقتي بيها وبالتيم كله كويسه الحمد لله مدى اخطاء شغلى متدارك يعني في الغالب مفيش غلطه هتأثر على فلوس او موارد او تهدد صحة مثلا وكدا كدا الحمد لله ربنا ساترها معايا وغلطاتي في المعقول غلطات طبيعيه بمعدل طبيعي والتيم ليدر بتعتمد عليا ف حاجات كتير من تحت الترابيزه مش بتعتمد فيها على سينيور التيم ف بصفه عامه حقيقي الحمد لله ربنا كارمني جدا
بجانب كده التيم ليدر عموما بتحترم التيم جدا وعمرها ما عملت ميتنج عشان تتخانق مع حد مثلا ولما بيحصل غلطه كبيره شويه من حد معين مش بتعمل مشكله وبتتكلم بصيغه انه كلنا لازم ناخد بالنا من كذا وكذا يعني بردو الحمد لله بيئه العمل مقبوله جدا الحمد لله
ليييه بقى كل مره نحدد معاد ميتنج بيجيلي بانيك اتاك؟؟ وميتنج مع التيم كله عادي مش معايت لوحدي يعني
ليه؟؟ ليه ضربات قلبي تزيد وضغطي يعلى واترعش واحس ان روحي هتطلع مني!!
ليه بجد!!!
تعرفوا دكتور نسا يوافق يعمل عملية ربط قنوات لمنع الحمل بشكل نهائي لسيده لم يسبق لها الحمل قبل كده لو دلوقتي واحده حابه تتجوز ومش عايزه تخلف اطفال نهائي وكل وسايل منع الحمل بجانب اضرارها ف هي مش مضمونه مليون في الميه ولو حصل حمل بالخطأ هندخل في قصه اوسخ وهي محاولة إجهاض في بلد لا تعترف بالإجهاض الطوعي ف لو دلوقتي واحده حابه تمنع الحمل بشكل نهائي تنيل ايه
بالمختصر كده
Was it worth it to be happy for a little bit even though it ended up very sad .. OR .. would have been better if the whole thing never happened?
لو هقدر اكسر من مرتبي 2000 جنيه في الشهر .. رقم حقير جدا جدا طبعا بس ده مقدرتي اعمل بيهم ايه بحيث يبقوا ع المدى الطويل رقم يسندني ادام مجاش ف بالي غير اني اجيب سبايك ربع جرام بس مصنعيتهم عاليه بس في نفس الوقت هما كلهم على بعض الفين جنيه يعني معنديش اي خبره من اي نوع في الاقتصاد والاستثمار تماما