كفايه خوف من المجتمع، توماس استروك هو السبب في اللي حصل لـ كلوي (كوين بيي)
تخيل تكون كاتب غبي لدرجة انك تكره شخصية من تأليفك وعشان تخلص منها تقرر انك تخلي الفندوم كله يكرهها
تنويه بسيط: دفاعي عن كلوي هنا بدايةً من الموسم الأول ولحد حلقة هارت هانترز
كلوي في بداية الكرتون كانت الشخصية الـBratty المتنمرة الغنية الي كل حاجة هي عايزاها بتحصل من غير عواقب وعندها خادمة بتنفذ كل اوامره زي 90% من شخصيات المتنمرين في الكرتون لكن بالرغم من كدا هي مكانتش pure evil وبعد ظهور ليديباغ اصبحت من اكبر فانزاتها ونفسها تقاتل معاها ولو مارينيت كانت سمعت كلامها كانت هزمت فانيشير بسرعة وحتي بعد ما كلوي اتحولت لـ أنتي باغ فضلت من فانزات الدعسوقة وكل حاجة هتفضل زي ما هي لحد حلقة ستايل كوين
هنستوب هنا عشان نحلل شخصيتها علي السريع
كلوي امها تخلت عنها وسابتها وراحت نيويورك واوبها لما حاول يعزضها عن غياب امه استخدم الفلوس بس وعارفة انه عمدة وعنده مسؤليات بس هو محاولش يقضي اقل وقت ممكن مع بنته ويعلمها الصح من الغلط والنتيجة كانت بنت عندها عقدة نقص بتحاول تثبت لأمها انها استثنائية ومتعجرفة ومغرورة لأن ابوها خاف انه يزعلها وعمره ما رفض ليها اي طلب والشخصين الوحيدين الي اهتموا بيها من طفولتها كانوا خادمها الشخصي وبالرغم من انه مكانش عنده السلطة ان يمارس اي تصرف تربوي تجاهها إلا انه حاول يساعدها انها تكون شخص افضل وادريان الي كان برضوا بيلفت نظرها ان تصرفتها بتأذي كل اللي حوليها
نرجع لكلامنا بعد نهاية حلقة ستايل كوين كلوي لقت ميراكولوس النحلة الي ليديباغ فقدته وبسبب انها حاولت تثبت لأمها انها استثنائية كشفت للعلن عن نفسها كا كوين بيي وحتي لما حاولت تبان كا بطلة كانت هتتسبب في اذي ناس كتير جدًا لأنها شلت حركة سواق القطر عشان تبان البطلة اللي وقفت القطر وانقذت الناس وبعد ما تحولت لـ كوين واسب وليديباغ استعادت الميراكولوس كلوي اعتذرت ليها ومع الوقت كلوي بتبدأ تتغير للأحسن زي ما شوفنا في نهاية حلقة زومبيزو لحد حلقة ميراكوليور. كلوي بتبقي مستنية ان ليديباغ تستدعيها وبتجرح مشاعر صابرينا (طبعًا انا هنا مش بدافع عن جرح كلوي لمشاعر صابرينا) وهنا بيحصل حدث كل الفانز بيتعاملوا معاه انه مش موجود وهو ان كلوي بتبقي اول شخص يرفض اكوما ولأ هي رفضت الأكوما قبل أليا لأن أليا رفضتها في الموسم الرابع وكلوي رفضتها في الموسم التالت المهم بعد إصابة صابرينا بالأكوما وسرقتها لقوة ليديباغ وكات نوار ليديباغ بتستعين بـ رينا روچ وكارابيس وكات نوار بيروح لكلوي لكن مايورا بتسرق الميراكولوس بعد ما كلوي استرجعته وواجهت مايورا بتكون علي وشك استعادة ميراكولوس الطاووس لكن مايورا بتهرب وغلطة كلوي الحيدة هنا هي عدم استخدامها لـ السم علي مايورا وبعدها بترجع ميراكولوس النحلة لـ ليديباغ بعد ما قالت لها انها مش هتبقي كوين بيي تاني
ولما بنوصل لنهاية الموسم التالت وهنا بيحصل خطأ ليديباغ الي كل الفانز بينسوه عشان هي ليديباغ البطلة اللي مستحيل تغلط، وغلطها كانت ترك عاطفتها تتحكم فيها مما تسبب في كشف مكان ماستر فو لـ هوك موث وكل دا كان بسبب مشاعرها لأدريان وعشان تبعد كاغامي عنه رغم انها في الوقت دا كانت في علاقة مع لوكا وليديباغ بتستدعي ريوكو ضد هارتز هانترز رغم ان وجود بطل تالت كان غير ضروري من وجهة نظري وحتي لو لازم تستدعي بطل تالت فا الأولي كان كلوي عشان ابوها وامها كانوا هما ضحايا الأكوما وهنا بتدمر شخصية كلوي وكلوي الطيبة المحبوبة من الفانز بتختفي للأبد لأنها بتخون ليديباغ وبتنضم لصف هوك موث ومايورا وهنا حصل حدث مخليني مش قادرة اكون رأي كامل: كلوي المتحولة لـ ميريكل كوين بتكشف هوية كل الأبطال المؤقتين وقتها (اليا، نينو، كيم، لوكا وماكس) واحب افكركوا ان هوك موث كان عارف ان كاغامي هي ريوكو من حلقة ايكاري غوزين يعني من قبل الحلقة دي ومشكلتي مع الحدث دا اني مدركة ان كلوي غلطانة لأنها كانت السبب في كشف هوياتهم وفي نفس الوقت بتصعب عليا عشان ليديباغ استمرت في إعطائهم الميراكولوس بعد كشف هويتهم وبعد احداث اوبتغامي وسانتي بابلر.
المشكلة هنا ان مكانش موجود اي سبب منطقي لتخريب الـ redemption arc بتاع كلوي وخلق شخصية سبب وجودها الوحيد هو استبدال كلوي وانهم يخلونا نشوف ازاي شخصيتها كانت هتبقي لو كان الـ redemption arc استمر غير كره الكاتب ليها مع العلم ان كل حاملين الميراكولوس بإستثناء غابريال ومايورا اعمارهم مابين الـ14 والـ16 يعني مجرد مراهقين غير ناضجين عقليًا بما فيه الكفاية يعني كلوي كانت ممكن تتغير عادي لأنها مجرد مراهقة، والمشكلة ان كلوي كانت ممكن تبقي شخص افضل بعد احداث ميريكل كوين كا نتيجة لندمها علي خيانة الدعسوقة حتي لو مش هتستعيد الميراكولوس تاني لكن زي ما قولت توماس استروك اللي بيحظر المتابعين علي تويتر لو سألوه اي سوأل، اللي سمي مارينيت بنته، كان بيكره كلوي وتحسه عزم علي تدمير شخصيتها بالرغم من ان كلوي في مراحل مبكرة من الكتابة كان المفروض تكون صديقة مارينيت أليا المقربة