u/Rayedaldoh

زيارتي الثانية لنفس الفرع، يستاهل الزيارة كل مره بدون مبالغة

اول مره اجرب هذا النوع، وانا طالع من النادي قبل شوي شفته معروض وكان ودي اقفل احتياجي من البروتين عشان كذا وقفت واخذته من عندهم.

سعره ١٠ ريال

لي فترة اجرب أنواع ولكن ما صورتها، بصورها قريباً وأقيمها لكم.

طبعاً التقييم كالتالي :

الطعم: ١٠
كمية البروتين: ١٠ (تقييم وكمية)
جودة المنتج: ١٠
السعر: ٤

مشكلتي معه في السعر كان ممكن يكون ارخص شوي لان كميّته جداً قليلة.

تجربة اسبرسو فخمة جداً وعندهم ٤ محاصيل، اليوم جربت الكلاسيك وباذن الله الثلاث ايام الجاية بصور لكم باقي المحاصيل

اخذت من عندهم تريبل لان سعرها نفس الدبل وعليها عرض

وهذا تقييمي والسبب :

السعر ٧/١٠
الطعم ٥/١٠
المكان والخدمة ١٠/١٠

كانوا سريعين ومرتبين للامانة لكن السعر غالي ب ٣٢ ريال الوجبة بالعرض، بدون العرض اتوقع ب ٣٩ ريال.

الطعم ما عجبني مع ان الخبز كان لذيذ والصوص حقهم جميل لكن اللحمة نفسها كان فيها قطع شحم قاسيه شوي وما ذابت مع الطبخ.

التجربة كاملة ٦/١٠ وممكن ارجع له مره ثانية عشان عندهم برجر بريسكت لكن ما اتوقع.

عشاء ما بعد النادي