u/Royal-Low8057

اهلًا
بعد فترة مريرة من العطالة منّ علي ربي حبيبي من فضله ورزقني وظيفة في شركة محلية حليوة تبعد عن بيتي ٣٥-٤٠ دقيقة والآن أنا في فترة التجربة

بعد شهر من الوظيفة حصلت على عرض تدريب في شركة عالمية لها اسمها "تدريب بنفس مسماي الوظيفي الحين براتب ٤٠٠٠ او ٥٠٠٠ و تامين صحي" لمدة ٦ شهور بعيدة عن بيتي يعني نقول ٤٠-٥٠ دقيقة

في اول اتصال طلبت مني الـHR اعرف عن نفسي بشكل بسيط باللغة الانقليزية و بعد ما خلصت قالت ممتاز.. بننسق معك مقابلة قريب، توقعت يسحبون "تمنيت يسحبون عشان ما اندم " و لكن بعد اسبوعين رجعت تتصل و تقول مقابلتك بكرة في موقع الشركة 🥰 قلت ما يناسب .. قالت مو مشكلة نخليها virtual

بس أنا وقتها كنت أسوق و متقروشة و رفضضضضضت العرض و قلت برشح لكم احد من زميلاتي اذا تسمحين.. هي طبعًا قالت منّا مشكل عطينا احد و عطيتهم رقم زميلة لي

و الآن بعد ما رجعت البيت طقتني الغلقة لان افكر شقد كان اسمهم بيقوي السيفي و ممكن اسم الشركة يخليني بعد الله اطلع لشركات عالمية بشكل اسرع

.. شرايكم انتم؟

قرات موضوع هنا و لعلي ضيعته عن وحدة تقول انها صارت في عمر لازم تراعي فيه كلامها بزيادة .. فانا هنا عشان اذكر موقف مشابه لي ..
في مرة في ٢٠٢٥.. قلت لوحدة تقرب لنا اني ما ابي اتزوج الحين (وقتها كنت آخر سنة جامعة و ما جاني احد اصلًا 🥰 بس كنت اسولف انه افتراضًا لو جاني احد الحين ما أتوقع اني بقبل به، لان لسى ادرس)
بعدها ب ٤ شهور بعد ما تخرجت جت في مناسبة اجتماعية وقالت بصوت عالي بكل غباء:
( اعرف وحدة اخوها دكتووور و عليه الكلام و انها تدور له بنت بحدود عمر ٢٣-٢٧ و اني جيت اذكر فلانة "أنا" له)
قالت امي: ايوه؟

ردت هي قالت:
(بس ما ذكرتها لانها تقول ما تبي تتزوج الحييييين) وجهي صار كذا 🤨

المشكلة النصابة مب هذا السبب .. لان هي بنفسها قد قالت لي انها ما تحب تخطب احد تعرفه لاحد ثاني تعرفه .. او توظف صديقتها او قريبتها في دوامها ، تقول ما احب اخلط عوالمي في بعض .. طيب يا نصابة ليش تقولين ذا الكلام قدام الناس وش تبين توصلين له؟
من عقبها صرت اختار كلماتي خصوصًا في موضوع الزواج/ الوظيفة/ الابناء
بعناااية لان ما تدري مين ممكن يقوّلك كلام و يترجم كلامك على حسب مزاجه❤️

هل طبيعي تكون فترة التجربة ٦ شهور؟ لان اول ما قالها جاني ضيق، ٦ شهور اع

اهلين بدون مقدمات، أنا متخرجة من شهرين ولا دخلت مقابلة عمل مع اني ما بقى رابط ما قدمت عليه .. المهم اني كلمت ناس كثير على الخاص و كلهم يسحبون علي و أنا خلاص احس جاني يأس مب طبيعي 🥰

إلا وحدة الله يجزآها الجنة ردت و قالت كلمت لك شركتي القديمة و انه روحي المقابلة بكرة الساعة الفلانية "تقصد يوم الاحد" رحت انااااا للمقابلة طيارة فرحانة مرة.. سويت المقابلة و ما كانت مع الـHR كانت مع الي ماسك التيم و تكلم و يسوي نفسه يكتب و كذا و أنا أتكلم 🥰 وحسستني عجبته و كلامي عجبه و قال انه يحب الفريش قراد يجون متحمسين و بينسق لي مقابلة ثانية "بكررررة" مع مدير القسم لو جدوله يسمح و اخذ رقمي

أنا طبعًا طرت من الوناسة استانست و بكيت في السيارة من الفرحة (مرة انرحم ادري بس عمري ٢٤ و اعتقد اني في طفرة نمو) المشكلة اني عقب ما خلصت المقابلة ارسلت له اشكره و اني انتظر موعد المقابلة الثانية.. و

سحب علي..
يوم كامل مارد.. هل سحب علي؟ حسيت
المهم اني زعلانة مرة لان اكره التعشيم :(