Why does science use the argument that the bottoms of ships disappear from view with the naked eye as evidence for a round Earth, and also claim that the Earth is too large for its curvature to be seen directly?
معاناة اصحاب الرموش الطويلة.
الموضوع الصراحه ماعرف ليه سوني عندهم هذي المشكله الي هي ستيك درفت. انا شخص العب تقريبا مرتين او ثلاث بالاسبوع ولمده ساعه
هذي ثالث يد سوني اشتريها وتصير هالمشكله
المهم لمن صارت صرت ماقدر العب بعض الالعاب زي فيفا اللاعب بعد المشكله صار يروح يسار
المهم حولت العب قران توريزمو
واكتشفت ان اللعب مع الستيك درفت ممتع وشكله واقعي لان السياره تحذف يسار بشكل بسيط وعشوائي يعني احيانا تحذف احيانا لا
وانا طول الوقت اعدل لو صارت
بما اني شخص احب السيارات فدايما العب هذي الالعاب بدون مساعدات يعني مطفي التراكشن وABS و قير عادي
وبعض الالعاب زي فورزا العبها مع كلتش
كل هذا بيد التحكم
المهم الان صلحت اليد ومشكله الدرفت وجيت العب جران تورزمو احسها صارت ممله
للمجربين بس بغض النظر عن نتائج الابحاث
هل سبب لك الكرياتين تساقط شعر ملحوظ؟
يعني تساقط لمن تاخذه ولمن وقفت وقف التساقط؟
ابعلمكم مشاكلي كقيمر في هذا العمر عشان تتجهزون لها
انا العب من يومي 6 سنوات بديت في كمبيوتر صخر كنت العب اول لعبه اذكرها هي لعبه القلعة
بعدها ابوي اشترا لنا بي سي كانت سرعته 16
وبعدها بي سي ثاني كانت سرعته 33
هنا انتقلت العب العاب مثل wolfinstine 3d و DOOM
وبعدها اكثر من بي سي وكان اكبر ابقريد صار وقتها لما اشترينا كت السيدي ومعه كرت صوت
كان نقله نوعية انك تسوي ابقريد للجهاز وتركب هذي الاشياء وهذي صورة زيه لمن طلبناه من امريكا
كان البيسي هذاك الوقت ايام التسعينات معاناة كثير العاب ماتشتغل لمن تشتريها لان مواصفات الجهاز ماتدعم
كنا نشتري سيدي واحد فيه 100 لعبة وكثير منها ماتشتغل بسبب خلل باللعبه او بسبب ان الجهاز مايدعم
كنت العب العاب السوني والننتدندو 64 باستعمال محاكيات
السوني اشهر شي وقتها كان في برنامج اسمه
هذا تركبه في جهازك ويخليك تشغل العاب السوني ( تحط السيدي حق السوني نفسه بالبيسي)
انا بالنسبه للننتندو تستعمل محاكيات وملفات اللعبه تشتريها بسيدي
وقتها ختمت العاب كانت حصريه على سوني وننتندو مثل قران توريزمو , بيبسي مان, سايفون فلتر. تيكن. وماريو. وفوكس 64 كلها لعبتها على البيسي
بعدها اشتريت اول جهاز اكس بوكس اول نسخه وبكذا انتقلت للكونسول
ومعه اشتريت سوني 3 وبديت العب اونلاين
ادري طولت عليكم بالمقدمه بس بدخل بالموضوع الاصلي
اذا وصلت هالعمر وصار عندك اطفال اشياء كثيره راح تتغير كقيمر
راح تشوف العاب كثيره ودك تلعبها بس مافي وقت لان وقتك راح يضيع بين وظيفتك بالعاده لساعات طويله . تجي تعبان وتبي تقابل اهلك وعيالك
او تكون مشغول في مشاوير كثير وبالعاده تنام بدري
هذا يؤدي الى انك تشتري العاب وتخليها بالسوني محمله بس ماعندك وقت تلعبها
واذا بديت بعضها ماراح تكملها راح تبدا كم ساعه بعدين تتركها
تقوم تركز على بعض الالعاب الي مايحتاج لها تطور كثير يعني مثل فيفا او قران توريزمو . تشغلها وتلعب كم قيم وتطلع مايحتاج قصة او مهاره كبيره
وفوق هذا عيالك يبون يلعبها او يبون يشوفونك تلعب العاب اطفال بالعاده
بتلقى نفسك محمل العاب اطفال كثيره وتلعب معهم
مشكله ثانيه هي مع العمر سرعة رده الفعل راح تقل وهذا شي طبيعي بالانسان
في بعض الالعاب قامت تقلل هذا الشي لان عارفه كثير ناس تتضايق من هذا الشي
الفرق اجزاء قليله من الثانيه بس الصغار رده فعهم بتكون اسرع
وهذا سبب في فيفا او اي لعبه ثانيه بعض الصغار يتفوقون على الكبار بسبب رده الفعل
مشكله ثانيه هي ان اذا بنلعب شي من الالعاب الكبيره الي فيها قصة ومشاهد
كثير صرنا نسوي سكب للمقاطع لان ماعندنا وقت
او مانهتم للقصة لان نبي نلعب القيم نفسها
وبس الموضوع فضفضة وحبيت انقل لكم تجربتي. ا
اذا اي احد عنده سؤال انا جاهز
كثير اشوف ناس حاطه لسته رغبات تخصص وتسال تبي مساعده بالاختيار
في ظل النهضة الي تمر فيها المملكة من مشاريع كثيره وهيئات تطوير مثل هيئة تطوير الشرقية وهيئة تطوير الرياض وهيئة تطوير الاحساء
ومشاريع سياحيه وتطوير عقاري مثل نيوم . والبحر الاحمر. والرياض.
ومشاريع كثيره للنقل مثل المترو
ومشاريع فازت فيها السعوديه مثل اكسبو وكاس العالم
محد هنا يحط خياراته هذي التخصصات
الي هي
انتو مستوعبين ان هذول هم الي يمسكون اداره هذي المشاريع
هم الي يربطون كل الاقسام ببعض
هم مدراء المشاريع
وهم الخط الاول في التخطيط ومتابعه المشروع
ونجي نشوف اختياراتكم اكثرها هندسه كيميا او حاسب او كهرباء او ميكانيكال
يعني مادري هل تبون تشتغلون في مصنع بدوام 12 ساعة
انا اكلمكم بخبره هذي التخصصات .. ماحس انكم توابكون الواقع والوضع الحالي للنهضة
احسكم بعالم ثاني معلقين على فتره ال90 باختياراتك للتخصص
انا مااقلل من اهمية اي تخصص بس الارقام تقول كذا . الكل مركز على فئة معينه منهم وتارك الباقي
امس كنت مع ولد اخوي في العاب احد المجمعات . اول مره اروح المكان
وقفت عند الاستقبال وكانو وراه ٥ موظفات سعوديات ووحدة منهم الكاشير وكانت في وحده قدامي تشتري تذكره مع ولدها
وورا الاستقبال في شاشه مكتوب التذكره من الساعة ١ الى ٤ العصر ب ٣٩ ( السعر الاصلي ٧٩)
انا كنت واقف الساعه ٣:٥٠
لمن جا دوري الموظفه حطت السعر ٧٩
قلت لها مكتوب ورا ب ٣٩
قالت ايه الحين الساعه ٤ وجلسو يتكلمون مع بعض وقلت لها شوفي بالجوال الساعه كم باقي ٣ دقايق
بعدين رفعت كتوفها يعني مو عاجبها كلامي وجات المشرفه وراها وحطت لي الخصم وقالت اوكي وهي بعد مو عاجبها
بس سؤالي الحين ليه يسوون فيني كذا . انا جيت وقت العرض وقفت وجيت احاسب كلها قبل ٤ .
هم ايش مستفيدين اذا دفعوني المبلغ كامل . مع انهم موظفات مالهم دخل بالارباح ولا بينقص من راتبهم
. ليه يعاملوني كذا مدامهم سعوديات وانا سعودي يبون يلعبون علي؟!
ليه هالشياء ماتصير عكس بعضها
اذا شربت في يوم كافيين كثير
هل في شي اكله او اشربه يقلل الكافيين او يساعد الجسم يتخلص منه بسرعه؟
ليه الامثال الشعبية كلها شي قديم
يعني ليه مافي شي جديد
ليه وقفوها؟
متى تنزل اصدارات جديدة
امثلة لجنريشن z الي ممكن مايعرف وش هي الامثال
- الي بالجدر يطلعه الملاس
- ماطار طير وارتفع الا كما طار وقع
- عنز الفريج يحب تيس الغريب
- الجزر يقوي النظر
هذا الموضوع من سنوات منرفزني
بعضهم يحط اغراضه . جوال مويه على كرسي الجهاز او البنش الي جنبه . بكل بجاحه
ماعندي مشكله يحطه على شي يستعمله بس بعضهم يحطه مثلا على البنش وهو يلعب دمبل وهو واقف
اول مره شفت فيديو Paterson–Gimlin film كانت تقريباً سنة 2006… ووقتها انبهرت بشكل مو طبيعي 😅
كمية التحليل اللي شفتها كانت مجنونة:
من طريقة المشي، لشكل العضلات، وحتى حركة الجسم مع كل خطوة.
وقتها فعلاً حسّيت إنه أقوى دليل ممكن على وجود الـ Bigfoot.
الفيديو مصوّر سنة 1967 بواسطة Roger Patterson و Bob Gimlin، ومن وقتها إلى اليوم وهو تحت المجهر… وكل فترة يطلع تحليل جديد أو لقطات محسّنة أو ناس تحاول تثبت أو تنفي.
اللي مستغربه أكثر:
إنه إلى اليوم في عدد كبير جداً من الناس مقتنعين إنه حقيقي 100%
مو بس ناس عادية… حتى باحثين ودكاترة، وبعضهم بنى اهتمامه أو شغله كامل حول هالموضوع، ويرفض فكرة إنه مجرد تمثيل.
لكن بصراحة، من زمان وأنا عندي شك…
أكبر نقطة بالنسبة لي كانت طريقة المشي.
تحسها قريبة جداً من مشية إنسان لابس بدلة، مو مخلوق مختلف بالكامل.
قبل فترة حتى طلع كلام من عائلة باترسون عن لقطات أو تفاصيل قديمة، ورجعت النقاشات من جديد.
أنا الحين أميل إنه مو حقيقي…
بس بنفس الوقت مستغرب كيف كل هالسنين ولسه فيه ناس مقتنعة فيه بهالقوة.
سؤالي لكم:
هل فعلاً ممكن يكون حقيقي؟
ولا إحنا قدام واحدة من أذكى الخدع اللي استمرت لعقود؟
ليه في ناس كثير بمنصات كثيره يتعبون حالهم ويعطون توصيات او تحليل
هم ايش مستفيدين من ان الناس تشوف تحليلهم وكم استثمرو وكم ربحو
بعضهم مايطلب فلوس او اشتراك بس كثير منهم يرسل توصيات
ايش مستفيد منها؟
هذي بعض الطرق الي مجربها لتخفيف الكافيين بالجسم.. لان في ناس يشرب كثير وهو متعود يشرب وكل شوي يشتري او يسوي له كوب..
1- شم الكوب قبل ماتشرب وخذ وقتك فيه
2- زود ماء . تقدر تزود الى ربع كوب زياده بدون مايتاثر الطعم
3- وهذي اهم نصيحه لاتشرب الكوب كامل... اتركه وانت مشتهيه ..
وبكذا انت استمتعت بالقهوة وجاك الكافيين الي تبيه وفعليا ماشربت الا ربع كوب.. يعني لو تسويها اربع مرات باليوم كانك شربت كوب واحد . وراح يتحسن نومك واشياء ثانيه
الي عنده طرق اخرى يذكرها هنا
