u/Sea-Map6901

من زيي يحس حقين ريدت اللي يردون يدورون اي شيء عشان يقلبون ضد الشخص اللي كاتب والا غصب يصيرون محنكين ويشوفون القصه الكامله ويحكمون عليك عيب الشخص إذا تسائل عن شيء ويبي مساعده فيدوه وخلاص لا تحاولون تدورون وتلفون

انا متدربه في شركه عالميه ومع المواقف والدنيا والميتنقز وضح اني ما اعرف انقليزي كويس ولا عندي مهارات
مع الوقت احس بالاحباط المتدربين حولي مره عندهم لغه قويه ومهارات صح انا دخلت اتعلم بس وأنمي مهاراتي بس تعرفون مع المرحله فيه أشياء أتحسس منها

سالفه انك ماتشتغل بالدوام وانت تحاول ومحد يعطيك شغل مره تضيق الصدر ومسحوب عليك ولا بعد ماتسلم منهم لانك ماتشتغل وبيتكلمون عنك بس ساكته عشان المكافاه
والله ضايق خلقي مع هرمونات الدوره وانا خلقه حساسه لازال هالشيء مضايقني وحنا دخلنا اليوم الثاني

أنا متدربه بشركه اول تجربه لي واستحي فيني حيا مو طبيعي واخاف اتكلم ولا اقدر انطق اي كلمه قدام الناس وأرجف بس الحين تغيرت قلت دامني ببيئه اول عمل لازم اتغير وكونت علاقات اكيد تعرضت لرفض كثير وناس تتجاهلني وانجرحت بس مع الوقت سبحان الله معد صرت اهتم واقول هم يمثلون انفسهم

ماعلينا بس فيه شيء لا يطاق فيه موظفات اسألهم شخبارهم واروح ارجع مكتبي واعتذر اني بشتغل للاسف يجون عند مكتبي ووحده نشبه من البنات تضطر انها تجي عندي جنبي وتشوفني مشغوله وعادي تتكلم وتسولف وعبرت اني مشغوله وواضح من كل شيء اسويه اني قاعده اشتغل لازالت تتكلم وقالت انتي مركزه بالشغل وقلت اي أنا مشغوله ولا فهمت الين قمت ورحت ميتنق روم هذا غير انها تضحك بصوت عالي وتضحك طول الوقت بمكتبي واللي حوالي مكتبي يلتفتون علي زملائي هذا غير انهم يترعون بصوت عالي ؟ مدري إذا هذا يعتبر شيء طبيعي او لا أو أنا طبيعتي خجوله فا اشوف هالشيء أبدا مب عاجبني البنات طيبات وكويسات بس هالشيء ابدا ماحبيته لاني ما اقدر أشاركهم فيه وهم يبوني أشاركهم يبوني اضحك واخش معهم بالسواليف لكن أنا غير مرتاحه

وهي نفسها النشبة منهم تلاحقني طول الوقت وتقول نروح ميتنق روم ونشتغل قلت لا أنا ما اركز احب اشتغل لحالي غير كذا انها تراقبني لما اسلم على احد ثاني وتناظرني وتجي عندي بعدها احيانا بعد اقول بطلع من الدوام وما اطلع باقي انتظر احد يوصلني تجي تقول بصوت عالي بالمكتب ويييين ماطلعتي وكانّها تحاسبني
كيف احط حدود لاني تعبت على العموم هم كلهم صديقات بعض وبعضهم عزيزات علي وساعدوني كثير وخلوني اتخطى فترتي وانا مكتئبه وامشي لهم كثير لانهم كويسين بس ماعرفت كيف احط حدود

كحديث تخرج وش اقدم عليه غير برامج الخريجين طالبين ايلتس وباقي قاعده اذاكره والبرامج اللي فاتحه مو طالبه تخصصي بعد اداره بس متوتره ابي اقدم على مابال اختبر مثلا☹️ انصدمت وانا اقدم يطلبون خبره سنتين من ثلاث بالفل تايم جوبز

مستواي B1 وودي اختبر ايلتس بس مره اعاني بكثره المصادر مدري وش أبدا فيه اللي قد اختبره ونفس مستواي يفيدني الله يعافيكم

لو كان عندي رصيد اجازه مدفوعه هل هي من المطالبات حقتي لو طلعت من الشركة وما استخدمتها؟

أنا متدربه انتيرشيب بشركه وقد قلت لهم قبل اني بس بكمل ست شهور معكم اللي هو بعد اسبوعين اكمل ست شهور خلاص…بس عقدي لسا باقي له شهر و٢٠ يوم فا قلت المده الزايده اروح روتيشن بتكون فرصه مره حلوه واذا ماسنحت لي الفرصه بطلع من الشركه لان مابي اكمل مع تيمي اكثر من ست شهور
فا عطيت تيمي ومديري خبر اني ابي اسوي روتيشن وكل شيء بس الموضوع عندهم معقد شوي (خصوصا ان مديري اجنبي) التيم الثاني موافق علي وكل شيء وعادي عندهم يبوني أبدا بسرعه
المهم قالي مديري اني بتكلم مع الاتش ار دامك مايمديك تسوين ترانسفير احسه فهم الروتيشن غلط والاتش ار اكلمها تقول عادي حاولي بالروتيشن ما اقدر اضمن لك النتايج…؟ مافهمت عليهم عموماً
المشكله اني ودعت التيم وكل شيء وقلت مدري يمكن الأسبوع الجاي آخر شيء لي واسوي روتيشن إذا تمت الأمور إذا ماتمت بطلع….والحين معلقه اداوم ولا لا احضر الميتنقز حق تيمي ولا اسحب عليهم اموري احسها مب واضحه🧍🏻‍♀️
عموماً حتى لو ماوافق على الروتيشن اقدر انهي العقد واطلع عادي وانا هذا اللي ناويته مابي اكمل مع تيمي اكثر من ست شهور كافي مافي شغل بس يحزن صرت اداوم بس وانا ماعندي شيء اطق مشوار الاحق ورا ذا وذا واسألهم

أنا تصير لي مواقف بالدوام وما اعرف أتعامل معاها ولا اعرف هل أنا غلطت ؟ خصوصا انها اول فرصه لي كلمت الاتش ار واحسها محايده احتاج شخص يوجّهني اقول له وش سالفتي كامله لاني ما اثق باحد حولي بالدوام

عطيت اختي جوالي تدفع فيه واكتشفت انها دخلت الواتس ودخلت محادثاتي ماعندي مشكله تتفرج اي تطبيقات عشان يمر الوقت بس ليش تدخلين شيء شخصي؟ وذبت علي بالسالفه اللي كنت كاتبتها لوحده وكذبت تقول جاها اشعار وفتحت بالغلط بس اشعاراتي كنت مقفلتها ومره معصبه من الحركه ولا تاسفت ولا شيء

هل يجوز اغتسل من الدوره كترويش عادي بس مع وجود النيه اكيد؟ توني ادري ان فيه طريقه اغتسال سنه

أنا متدربه وناويه اطلع بعد شهر لان الشركه اللي أنا فيها مايعطون شغل والبيئه مو كويسه ومره اطفش بالدوام مشكلتي صرت اخذ ليف كثير وفوقها عندي ارق وودي اخذ ليف بكرا بس تعبت فشله كم مره اخذت خلاص المصيبه للحين مانمت ٥ الفجر
امس نايمه ٤ الفجر وصاحيه ٩ والحين عليها

انا قاعده بشركه تدريب بس عشان المكأفاة لا غير ولا اكثر لين القى لي فرصه افضل باذن الله

مايعطوني شغل شكيت قلت يمكن لاني سويت كم خطا ببداياتي ومسكوها علي ووقتها اسمعهم يحشون فيني ويتمصخرون بس سكت ومشيتها

والحين اطلبهم يعني مابي استسلم صراحه واحيانا اتدخل واقترح افكار وارسل لهم كم شيء صاروا يعطوني أشياء بسيطه وكملت عليها اسويها قلت يلا يمكن لاني بعد كم شهر يعرفوني بطلع فا ماودهم يعطوني شيء جدي،

عموما معي موظف مدري وش فيه حاقد علي احيانا اسمعه جنبي يتكلم مع موظف ثاني واحيانا مع موظفه معنا ويحش فيني على اساس انو اوه ما اتكلم فيك بس واضح يتكلم عني ويقول اني انا ماعندي شغل ومامني فايده وللاسف انه اثر علي وصرت اكره اداوم واحسهم اثروا على سمعتي بالقسم
بعد معي وحده بالتيم من جنسيه اخرى سوت لي حركات مو كويسه كنت توني جديده واحلف لكم بالله اني ماسويت لها اي شيء حتى باقي مانطقت بحرف بس انها كارهتني بدون سبب الله لا يوفقها واشتكيت عليها ولا تأدبت

انا الصدق كل ما اداوم واجلس عندهم بالمكتب كارهتهم ولا ابي اشوفهم وللاسف المدير يعتمد عليهم ويقول اساليهم واطلبي منهم شغل وهذا الشيء مره صعب علي يمكن اقعد وقت طويل عشان اتشجع واسألهم لاني غير مرتاحه
عموماً احتاج رايكم انا الحمدلله تحملت بهذا الوضع ٨ شهور واحسني قويه لكن تجيني ايام احس ابي اختفي ولا ابي اتكلم

سلام عليكم انا تدربت بشركه قطاع خاص صاحبها اجنبي وكلهم اجانب تدريب تعاوني لكن معي بس سعودي واحد كان يشرح لي بالبدايات سيستم الشركه وبعدها كنت اسوي مهام وأوافق على اي شيء اسويه حتى لو ماهو تخصصي بس كانت عندي اخطاء فيها وسمعته هذا السعودي يحش عند الاجانب عن اخطائي وينادي موظفين يشوفونها ويتمصخرون طبعا هذا كله صار باول شهر لي وقررت اسكت واتجاهل عشان اخلص تدريبي يوم خلص تدريبي المدير سألني قال تبين تمددين وانبسطت بالفرصة وقلت بمدد بس يوم مددت للاسف شوي مليت فراغ مافيه شغل ومعد صار السعودي يشرح لي قررت أتجنبه واشوف الاجانب وعاد التعامل مع الاجانب اسوء صعب اوصل للمعلومه خصوصا ان لغتي مو كويسه بس كنت احاول ولو مادخلوني الشغل كنت ادور واقترح افكار، احيانا بعض الميتنقز ما افهمها واقعد ساكته او مايكون عندي كومنت ويطرطعون اثنين اجانب من تيمي ويتشكون للمدير اني ما اتكلم بالميتنق؟ يعني بالله وش يتوقعون من متدرب انه يقول والله قهروني
عموماً انا احس بالتحطم مدري هل الغلط مني؟ او البيئه ماهي مناسبه لي هل افصخ العقد لان عادي اقدر افصخه الريدي ماعندي شيء اشتغل عليه ولا يحتاجوني

فيه شيء دايم افكر فيه ويشككني بنفسي
دايم يقولون لا تربطون قيمتكم بالناس ولا تخلونهم يحكمون عليكم ولا تهتمون لكلامهم بس أنا اشوف الواحد افضل يهتم لكلام الناس عشان يتطور برضو لو مثلا بنقول التجربه متكرر مثلا ناس مايرتاحون لشخص معين ولا يصادقونه هل يعني معقوله ذولا الاشخاص كلهم غلط اكيد فيه شيء الشخص صح؟

مديري طلب مني اكتب وافهم كل شغل واحد بالتيم واللي بالتيم من جنسيه اجنبيه فا كل ما اجي اسألهم يحسبوني بسرق شغلهمو ووظيفتهم اللي مو من زينها😍 صدق وش هالموقف الخايس وقد هاوشني اكثر من مره ان هذا الشيء بيساعدك بالتدريب فا سويه واحس ببكي مابي

سلام عليكم اول وظيفه لي كملت ٩ شهور
وبكون صريح معكم مره كل ما استوعب اني ماتطورت اجتماعياً ولا عملياً اكره نفسي زياده ما اعرف اتصرف ولا ارد وsocially awkward مره
والعمل يتطلب أشياء اجتماعيه لانك بتقابلهم ولازم تكلمهم ومناقشات اخ مره تعبت اعتقد ان الشخص مايقدر يغير طبيعته

انا ربي رزقني بوظيفه لكن بقطاع خاص واللغه المستخدمه كلها انقليزي وانا انقليزيتي ضعيفه وتصير لي مواقف ودي الارض تنشق وتبلعني كيف اخلي هالشيء ماياثر علي