u/Some_Ad9193

اي نعم انا تمرمطت طول عمري وانتظرت تحت الشمس ساعات ومشيت في القوايل وتحملت ذل واهانات الهنود وتركت مواعيد مستشفى عشان المواصلات لان مستحيل احد من اخواني يهتم او يوديني المستشفى واذا مره وداني بعد شحذه بتعرض لاهانات وسب وملعنه فأكنسلها كنت اداوم يوميا ميتين كيلو بأسواء سيارات ممكن تتخيلونها لدرجة يحصل حوادث واتحمل التأخير دوامي الساعه عشره الصبح اقوم الساعه خمسه الفجر عشان اداوم بباص مع بنات واوصل الساعه سبعه واتكي بالشركة انا والحارس وارجع الساعه سبعه المغرب عشان ماعندي سواق انا كنت اداوم الساعه سته ونص واوصل سبعه الصبح عشان محاضره تبدأ وحده ونص الظهر وتنتهي ثنتين ونص وارجع انتظر لين الساعه خمسه المغرب واوصل سته ونص عشان ماعندي مواصلات ولعلمكم على الحر هذا كله السواق الملعون ماكان يشغل المكيف الا على وجهه هذا غير الوظايف والدورات والمؤتمرات والفرص الي ضيعتها لان مافيه احد يوديني اليوم وبعد انتهاء مسيرتي الدراسيه قررو اهلي يجيبون سواق ويشترون له سياره ب١٥٠الف عشان بس يودي عيال اخوي للمدرسه الي تبعد عنهم اربع دقايق ولكككك بنجن بنجن ويوم قلت بستخدمه قالو لا ماعندنا بنات يطلعون مع سواق نخاف عليك طيب والبنقاله الي من الشارع الي كانو يودوني🥲🥲 اخخخخ بس

سلام عليكم انا تخرجت تو من جامعه حكوميه والصدق اني مو راضيه عن تخصصي واخذته كله بالعربي بس يوم دخلت مجال العمل اكتشفت ضروره اللغه وطبعا لغتي اعتبرها متوسطه واعلى بشوي حلمي من زمان اني ادرس برا وطبعا من التخصصات الي تدعم تخصصي هو القانون مع انه مو جوي بس بيفيدني كثير في مجالي وفي الشركات الاستشاريه تنصحون اخذه بأمريكا او بدوله ثانيه؟

مافيه اسوء من انك اتش ار جديد ويقطونك بالكيوبكل مع الموظفين لان ماعندك برايفت اوفيس وتصير تسمع قطاتهم وحشهم على الاتش ار ولك والله ما عمولت ايشي

اذا ماتعرف طعم النكد عالصبح تذكر اني عايشه في محافظه وتجهزت الصبح وسواقي قرر يسحب علي وانا تجهزت وقدني بداوم يعني عشاني مارديت عليه بدقيقتين وللمعلوميه المحافظه الملعونه ذي مافيها غيره وعندي دوام موظفه ومو طالبه

جماعه فيه شخص اموت فيه وللامانه اني اراقبه بس يعني هو مادرا عني اخ بس ليته يلتفت لي بس😿😿

ودي اتزوج رجل مثقف وذكي وابي نعيش في بيت محب وداعم نتكلم بالهمس ونعيش حياه ممتعه وفخمه في بينت هاوس واهم شي بيئه مافيها سترس

احب اقولكم بعد بحث عميق وتحليل الرجل مايشوف الكرش عيب ولا السترتش مارك عيب ولا الزنود عيب ولا السمار او الشعر الكيرلي او التصبغات عيب هي الحرمه فتحت عيونه على شي ما يدركه بإختصار هو اي وحده عاديه و مرتبه يشوفها حلوه مره لين تجي وحده وتقييمها شوف شعرهها شوف جسمها شوف لونها من ذا الكلام لين يصير يشوف بعين الناقد لا المحب ماعمري شفت رجال ينقد باقي الرجال ويطيح سوقهم فلان اصلع فلان مكرش فلان فيه وفيه بالعكس ممكن يزوجة اخته عادي wake up girlies انتم ومعاييركم الشكليه لان الي تنقد شكل وحده احب اقول بكرا شكلك بيصير دون المستوى بعد وبينقدون عليك😥

احد جربه ونفع ولا تنصحون بالفيلر لتفتيح الشفايف؟

طبعا اخيرا بدخل سوق العمل 🎉سؤالي للاتش ار القدماء وش شغلكم واش الفوائد طلعتو فيها

ليش فيه جهات يتواصلون ويقولون خلاص بنحدد لك مقابله بعدها يقطعون التواصل وش السخافه ذي

سلام وش تنصحون بالتدريب التعاوني يكون في وزارات قطاع حكومي او خاص؟مع العلم اني انقبلت في الجهتين وزارة بعيده عن بيتي وشركة قريبه من بيتي؟

امتلك موهبه صوتيه كيف استغلها واحقق ارباح منها ؟

هل طبيعي اني فوتت ثلاث عروض وظيفيه قويه لان وجود الرجال كان اكثر بكثير من الحريم احس يخوف تكفون كيف اتخطى لا صدق يخوفون

طبعا قصتي اليوم هي مقتطفات من طفولتي وهو صاحب قصه كئيبه جدا المهم بحارتنا كان فيه بقاله كأن عليها غمامه سوداء طاقه سلبيه تحسها من بعد امتار البقاله فيها لمبه وحده صفراء خافته تغطي اجزاء من البقاله ماعدا الزوايا الغبار في كل مكان والارفف فيها حبات قليله من السلع الغير مسعره ويغطيها غبار ورجال جالس على الكاونتر منزل راسه يناظر الارض من اول ما تدخل لين ما تخرج وهو ساكن بنفس الوضعيه حتى لو سرقت شي مارح يكلمك المهم امي كانت تجبرني ادخل معها وانا طفله لاني اخاف منه صراحه واخاف مرره من المكان وامي كانت تشتري منه كصدقه بعد لان المنتجات تاخذها تتصدق فيها من وانا طفله احاول اقرا عيون الناس لكن هذا ماقدرت اقرا عيونه غريب جدا وبائس وحزين لكن شديد الجمال بنفس الوقت المهم يوم كبرت سألت امي ليش انتي الوحيده الي تشترين منه وكنتي مصره لان ماعمري شفت احد يشتري من عنده قالت امي هو كان مسجون فتره طويله جدا (مع انه يبدولي شاب بنهاية العشرينيات )واهله فتحو له بقاله فأنا حاولت ادعمه لعل ربي يفتحها عليه طيب الحين اذا عندكم سالفه مشابهه ياليت تشاركونها

we decided to move forward with other candidates.😿

ليتني اكشتفت المعاهد الي عندها برامج منتهيه بالتوظيف بدل خدعة الجامعات والبكالوريس💔