u/SugarRage3

(بكون راجعة من الجامعة أو كورس)

أنا صعيدية فسبحان الله طبيعي لهجتي تكون صعيدية عندي واحدة (صعيدية برضو) كل ما أتكلم كلمة تتريق؟! فأنا مش فاهمة إيه العبط ده، اللي مستغرباه إن صحابي اللي من القاهرة ومحافظات بحري عمرهم ما اتريقوا ده بالعكس بدأوا يتكلموا زيي، فهل ده نقص منها ولا هي مشخصناها معايا

(لهجتي اللي هي مش الصعيدي الجواني هو الفرق بيبان في حروف معينة زي مثلًا القاف بننطقها جيم مش اللي هو بقول مصطلحات غريبة وكدا)

سمعتوا كام كلمة منهم في الحقيقة ولسة بتستعملوا كلام منهم ولا لأ

وحشتني يا عجل 😭😭😭😭

دايمًا بحس إن دماغي هي ألد أعدائي، كل ما أفكر أبدأ في حاجة جديدة تقلل مني ومن الحاجة، ولو الحاجة كويسة تقلل مني وتقولي فيكي إيه عشان تنجحي، إنتِ ولا حاجة

نفسي دماغي ديّ تسيبني ف حالي مش مجرد جملة بالنسبالي لا دي أمنية ونفسي يحصل كدا بجد، نفسي مجلدش ذاتي، نفسي دماغي متقللش من أي إنجاز بعمله

أنا في كلية لما بيتطلب مني مشروع والمعيدين وزمايلي يمدحوا اللي عملته ببقى مستغربة هما معجبين بإيه وبجد بحس بفرحة لمدة ٣ ثواني وبعدين بفضل باصة ليهم ومش عارفة إيه الحلو اللي عملته ما كله عمل المشروع هو أنا عملت معجزة!

اللي يضحك في الموضوع إن زمايلي شايفين عدم فرحتي على أساس إن ده أقل حاجة عندي وكدا بس لأ أنا بس دماغي اللي مستكترة عليا الفرحة

(الصورة مش بتاعتي)

في سنة كنت في مصيف وكان جنبنا عيلة تانية بس كلهم كانوا في البحر ومكنش موجود غير ولد وبنت صغيرين ميعدوش الـ ١٠ أو ١١ سنة

الولد بشرته بيضاء والبنت بشرتها قمحي فالبنت قالت للولد يلا نعمل تان

الولد يسكت؟ لأ طبعًا قام قايلها تان إيه هتسودي أكتر من كدا إيه، مش فاكرة البنت ردت قالت إيه بس اللي فاكراه إنها كان باين عليها زعلانة

وللأسف أنا وقتها محبتش أتكلم معاها عشان البنت متتحرجش إني سمعتهم وكمان عشان مش ضامنة رد الفعل كان ممكن تقولي ملكيش دعوة أو أي حاجة تخليني أندم إني إتدخلت

يا رب البنت متكونش زعلانة وتكون نسيت

بحس إن اللي عامل ريديت بيخلي كومنتات الناس اللي عملتلها بلوك تظهرلك عشان لو إحتمال اللي عاملك بلوك جايب في سيرتك ولا حاجة تعرف إنه بيتكلم عليك

لما بكون في المواصلات لوحدي ممكن يكون موجود ٣ أو ٤ صحاب سواء بنات أو أولاد وبيكون صوتهم عالي فبسمعهم

الحاجات اللي بعاني منها لما يهزروا ويقولوا حاجة تضحك بس مينفعش أضحك عشان ميعرفوش إني معاهم وسمعاهم فبيبقى شكلي شبه الصورة دي

بتعملوا إيه في الموقف ده بتضحكوا وتدخلوا في الموضوع ولا برضو بتبقوا شبه الصورة

(آخر مرة رسمت ولونت كان من ٨ سنين قبل الرسمة دي)

ابن خالتي غنالي أنا من كله هكفيكي عقبالكم لما تلاقوا حد يغنيلكم كدا

(ابن خالتي عنده خمس سنين)