▲ 1 r/saudicars
جيت بشتري قطع غيار من برا، وانصدمت ان المواقع محجوبة!
مستغرب
وش السالفة؟ ليش حاجبينها؟
جربت اكثر من موقع
فيه احد يعرف موقع معين؟
u/These-Fee5265 — 19 hours ago
u/These-Fee5265
r/SaudiProfessionals r/saudicars r/askcarguys r/exsaudi r/ArabsFreedom r/KSAkora r/Residency r/deardairyi r/SaudisInUS r/saudipsychology r/tadawul r/saudi_gamers r/MBTI_MENA r/IMGreddit r/MCCQE r/SaudiForSaudis r/saudimedical r/SATraveler r/SaudiReaders
▲ 1 r/saudicars
ورشة سيارات بورش و مساعدة بليز
اهلين شباب
طرنبة بنزين موتري خربانة
ابي ورشة تضبط لي الامور بالرياض
ممكن مساعدة؟ ابي ورشة مضمونة
u/These-Fee5265 — 3 days ago
▲ 0 r/askcarguys
Why does my car stops immediately after I start it?
The engine just dies after I start the car. I don't know what's the issue.
Battery is ok
Any explanation. It's 2021 model
u/These-Fee5265 — 5 days ago
▲ 3 r/tadawul
واحد من اخوياي شخصنها يوم قلت له تسلا افضل من البيتكوين!
أهلين كيفكم؟
واحد من اخوياي سولفت معه اني ربحت كثير من تسلا ومبسوط، جاد شخصن الموضوع معي ويوريني مؤشرات وتحاليل ان البيتكوين افضل!
مصدوم والله
ليش العرب عندهم تعصب حتى بالآراء؟ يحسسك انه هو صاحب البيتكوين ومالكها
شيء مرعب صراحة التعصب للراي، صرت اخاف اسمع اراء احد بالاستثمار ، بعضهم يجيك مشخصن الموضوع ومتعصب لرايه يحسسك انها مباراة بين الهلال والنصر
هذا طبيعي؟
u/These-Fee5265 — 5 days ago
▲ 32 r/tadawul
جفاف السوق السعودي, انانية الهوامير دمرت الاقتصاد
أهليين
خلونا نكون صريحين مع بعض
النمو بالسوق السعودي بطيْ جدا واغلب الهوامير يلعب عليك ينزلون اكتتابات وياخذون فلوسك وهو يروح يودي فلوسه للاسواق الاجنبية
ليش الهامور مايدعم الاقتصاد المحلي؟ ليش يخلي السردينات تدعم السوق؟
هل القويز كان يدعم الهوامير ضد السردينات؟ بليز نبي شرح علشان ماينضحك علينا
u/These-Fee5265 — 6 days ago
▲ 54 r/SATraveler
النرويج التي رأيت! تجربتي لرحلة سولو
أهلا فيكم
بقولكم تجربتي كرجل سعودي سافر للنرويج لوحده.
الهدف كان الهروب من الضغط الاجتماعي، اسقاط الاحكام والسيطرة السلوكية ، الحر والشموس إلى بلد بارد في اغسطس ومريح.
عيب السفرة الوحيد: الغلاء الفاحش ، يعني مايصلح تروح الا وانت مرتاح ماديا
ايجابيات السفر
١- الجو خيال، افضل وقت لها هو يوليو او اغسطس ، ولا تحسب الجو معتدل، لا ابدا تراه غالبا بيكون غائم وفيه مطر والجو متقلب خلال اليوم
٢- الماء نقي جدا جدا جدا، تشربه من الحنفية ع طول ،بارد ويسرسح، والمطاعم دايم يحطون لك جرة ماء قبل تطلب، حركة جدا روعة وحميمية
٣- اهتمام بطل بطل بالانسان، المواصلات مريحة ، ماتبلش ابد، والاكل صحي وفيه خيارات نباتية وخالية من اللاكتوز والجلوتين كثيييير ، الي يحب الاكل الصحي والاهتمام بالطعام بينبسط جدا جدا ، بيتزا خالية من الجلوتين، برقر خالي من الجلوتين ، شيء خيالي
٤- لاحظت عنهم شيء مثير للاهتمام ، عندهم جو عام من الثقة بالاخرين، يعني مثلا لو تركب ميترو او باص او ترام، احتمالية انهم مايشيكون على تذكرتك هي ٩٠٪، مع ذلك كلهم يدفعون قيمة التذاكر، مرة وحدة خلال كل تنقلاتي شيكوا على تذكرتي وتفاجات ان كثير اصلا عنده تذكرة ، يعني حتى لو ماحد يشيك وراك فيه جو عام من الثقة بين بعض واحترامهم للنظام.
٥- البلد عائلي جدا جدا، بكل مكان تلقى عوائل واطفال وامهات مع اطفال رضيعين، يصلح للعوائل
٦- بلد تقريبا خالي من التدخين والمدخنين، نادرا تلقى احد مدخن، شعب راقي وواعي ويعرف مصلحته.
٧- ماتلقى طبقية ابدا ابدا، كل انسان يحترم حدوده ويحترم الانسان الاخر، مافيه اي مظاهر التعالي على بعض
٨- متاحف كثيرة جدا جدا وفيها تاريخ عريق وعظيم
٩- المناظر السحابية والغيوم والريف يكاد يكون ولا بالاحلام وكأنها رسمات، سبحان الخالق
سلبيات السفرة:
١- الفنادق مثل تصاميم اوروبا، الغرف صغيرة وهذا شيء ماتعودنا عليه كعرب ويضايقنا، لكن لو ماتدقق كثير بتمشي امورك
٢- ماتصلح للسفر لوحدك الا اذا كنت متعود وعندك خبرة، لأنك بتعتمد على نفسك كثير وحنا ماتعودنا على هالشيء ، نحتاح تطمين ووجود أشخاص حولك.
u/These-Fee5265 — 7 days ago
▲ 10 r/SATraveler
سفر الروح قبل الجسد إلى النرويج Solo
اللله ، أحلى سفراتي السولو، اعصابك ترتاح من اول ماتحط رجلك بالمطار.
الماء نقي
الترام والميترو والباص مريح وتحس ماحدد لمك
الجو ناااااااار
دولة عائلية جدا جدا جدا
نصيحة لا تاخذ أحد معك، تعرفون ربعنا يحبون النكد
u/These-Fee5265 — 11 days ago
▲ 7 r/SATraveler
النرويج ، بلد الرفاه والفكر
اخ بس ، مصدوم من روعة هالبلد.
اول ماتوصل ترتاح اعصابك، مافيه ضجيج، مافيه صدام ،مافيه ناس تعاند لمجرد العناد.
النظام واضح وكلن يحترمه، ماتحس فيه ناس يحاولون يسوقونها او يخدعون الاخرين
بلد الناجحين صراحة، كل فرد بالمجتمع يساهم ينجاح البلد
مو مثلنا نص الشعب يناقش محصول الكوفي كأنه مزارع، ماتحس عندهم السطحية هذي والاقصاءات الاجتماعية
بليييز لا تعلمون احد، مانبي احد يدري عن هالبلد الرائع ، خلوهم بلندن ازين ههههههه
الصور من جزيرة قريبة لاسولو، شاطئ رملي جميييل وعائلي
رايكم؟
u/These-Fee5265 — 12 days ago
▲ 24 r/SATraveler
النرويج التي رأيت
صور من رحلتي لاوسلو
ياسلام، وربك اول ماتنزل من المطار ترتاح اعصابك
مافيه همجية، ضجيج، صراع، محاولات استغلال
شعب راقي ويحترم النظام والدور
كل شيء عندهم منطقي
فيها ميزة ماتلقى فيها خليجيين كثير، يعني بلد ماعندهم عقدة من حركات الخليجيين وضجيجهم واستحقاقيتهم وتخريبهم ع بعض
لا تفووتكم
u/These-Fee5265 — 13 days ago
▲ 2 r/saudicars
مطلوب كابريس تسعاوي موديل ثمانينات
من وين القاها نظيفة؟
u/These-Fee5265 — 16 days ago
عاطفة مجتمعنا الجياشة ، سبب حالة شديدة من Gaslighting
اهلا شخباركم؟
لاحظت شيء بمجتمعنا سام جدا جدا ، واحسه سبب في زيادة معاناة الافراد النفسية.
الي هو سلوك Gaslighting
يعني لو يصير لك موقف وأثر فيك وتقول الموقف لأحد تنصدم إنه بسبب انحيازاته العاطفية يقلب عليك وينكر معاناتك!!
وهذي بعض الأمثلة:
١- اذا انت متزوج او متزوجة، وانفصلت وكنت مظلوم وبسبب رغبتك بفهم ماحصل ، تزوح لواحد قريب لك او من افراد الاسرة وتحاول تشرح له القصة وتطلب تفهم، تنصدم إنه يقلب السالفة عليك، ويحاول يدور سبب بشخصيتك او تصرف سويته يبرر الانفصال! بالعربي يقلب الموضوع عليك ومايحاول يتفهم إنك ممكن تكون مظلوم! تفسيري للموضوع إنهم دايم يشوفون إن لكل موقف يحصل لابد إنك سويت شيء علشان يحصل! مايستوعب إنه ممكن يحصل بدون سبب منك ولأن الطرف الاخر سيء بدون سبب منك
٢- اذا رحت تشرح لصديقك موقف صار لك بالعمل ، يروح يقلبها عليك ويخليك تندم إنك قلت له القصة، نفس المثال الاول لكن بإطار العمل
٣- اذا جيت تقول للناس الرياض زحمة ووو، يقلبها عليك ويقولك على الاقل احسن من ديرتك الخ ، كأنه ممنوع عليك تكون عندك مشاعر تجاه امر معين، وليش ياخذها بشكل مقارنة مع ديرتي اصلا؟
قصص كثيرة
شرايكم؟
u/These-Fee5265 — 16 days ago
▲ 2 r/SATraveler
نصايحكم لسفرة النرويييج
أهلين كيفكم؟
بعد كم يوم بروح النرويج، شنصايحكم ؟
احس اخيرا برتاح من وجع الراس بالرياض
ابي اريح واروق راسي، تعبت من الهمج والصداع الفكري
بليز اقترحوا لي
u/These-Fee5265 — 16 days ago
▲ 3 r/SaudiReaders
الرفاهية والدلع، المادة الخام للإستحقاقيين
قريت هالتفسير لنشأة الاستحقاقية وكان اغلب الاسباب تدور حول الدلع من الاباء والرفاهية وعدم التعب بالحياة، يصير الواحد يحسب ان كل شيء سهل ومن حقه
من كتاب Laws of human nature for Rebert Greene
u/These-Fee5265 — 17 days ago
▲ 12 r/exsaudi
التعارف بين الجنسين, عقدة العار
اهلييين كيفكم؟
لاحظت بالسعودية رغم التفتح وانتشار الملحدين الا انه لا زال كثير من الناس يشوف التعارف والرومانس شيء عار.
تعرفت على مرأة وانصدمت من تحسسها من موضوع Kissing
وكأنك تتحدث عن شيء غير طبيعي!
من وين جتنا هالعقد؟ ليش الشيْ الطبيعي والفطري يكون غير طبيعي والي يفكر فيه يكون مريض؟
ممكن جواب؟
u/These-Fee5265 — 18 days ago
▲ 4 r/saudimedical
USMLE step 1
أهلين
انا خلصت بورد بالسعودية
وكنت ناجح Step2 Ck
بس انشغلت بالبورد وماسويت ستيب ١.
الحين صراحة ودي استقر بأمريكا، وأبي شخص جاد يساعدني ونضبط بعض بموضوع المذاكرة
ونهاجر سوا يعني .
خلاص مابي اضيع عمري هنا صراحة، تعب ع الفاضي
من يقدر يساعدني ب Uworld ستيب ون؟
هل اقدر القاه مجاني
u/These-Fee5265 — 20 days ago
▲ 6 r/SaudisInUS
صدمة! اكتشفت كثير بالسعودية عنده تفكير نكران الجميل
اهليين
شخباركم؟
انا طبيب اوك؟ واشوف مرضى كثير واحيانا اساعدهم فوق طاقتي وخارج نطاق عملي علشان تتسهل امورهم بحكم اننا مسلمين وهم مرضى.
يعني احيانا اشغل علاقاتي الداخلية مع الاقسام الاخرى علشان اسرع لهم حجز اشعة او طلب ادوية بدال مايروح يتمرمط من مكتب لمكتب ومن مكان لمكان.
الصدمة ان هالشيء يدخلك احتراق وظيفي لانك تضغط على نفسك وتسوي اشياء فوق المطلوب منك
الصدمة الاكبر اني يوم قلت هالمشكة لاشخاص كثير صدموني بردهم!!
,يقولون لي الاحتراق الوظيفي شيْ وانك تتوقع مردود من الناس شيْ اخر!!!
يقولي هذي وظيفتك ولا تصير استحقاقي!!
يعني مدري هذا جزاي اني احاول اريح الناس؟ تبيني اسوي الاقل وخلاص اخليهم يتمرمطون وتتاخر مواعيدهم واصير اناني؟
ترى هالامور ماهي مطلوبة مني بس اسويها علشانهم
مرعب تفكير الناس بالسعودية, يخلونك دايم تندم انك تساعدهم وتحس اغبياء مايعرف من الشخص الي يفيده والشخص الي مايفيده
شرايكم؟
ليش الناس هنا ماتعرف مصلحتها وتخرب على نفسها؟
الحين انا بسبب كلامهم حسيت ماودي اساعد احد فوق طاقتي, اخاف يطلع واحد مثل تفكيره يحسب ان هالشيْ الي اسويه واجب علي وهو فعليا فوق البيعة
u/These-Fee5265 — 20 days ago
▲ 7 r/saudimedical
الإحتراق الوظيفي، كيف يؤدي بك إلي المشاكل وإلى كرهك لمجتمعك؟ حقائق صادمة!
أهلين شخباركم ؟
بقولكم شيء صادم جدا جدا جدا
مجتمعنا مايرحم الأطباء أبد ولا يقدرهم، تتعب وتحترق وتتمرمط وكلن يكلمك وتصير زي المهذري وتصير تكره اسمك من كثر ماصار عقلك يربط إن ماحد ينادي اسمك الا اذا فيه مشكلة او يبي يطلب شيء منك او يبي يكرفك.
مع مرور الوقت، تبدأ تتعب ويجيك Brain Fog
يعني مخك يصير ضبابي، ماتتذكر زين اي شيء صار قريب
تنسى الاسامي واعمار المرضى بسبب كثرة حفظك لهم
يصير مخك مثل رام الكمبيوتر يفلتر المعلومات الغير مهمة
توصل لمرحلة إرهاق ذهني وهذا الارهاق يخليك ترتكب مخالفات غير مقصودة، توقف غلط، تنسى جوازك، تنسى تذاكر سينما.
لكن المصيبة إن ماحد يتعاطف معك ويرحمك ويساعدك!!
هذا أكبر شيء مؤلم يحصل لك، إنك تقول انا ضحيت وتعبت لصالح مجتمعي وكنت اتحملهم واتغاضى عن تجاوزاتهم، ليش يستقعدون لي؟
ليش مايلتمسون لي العذر؟
ليش الناس ماترحم وتقلب عليك؟
بالنهاية توصل لقناعة إن مجتمعنا للأسف مايستاهل تضحيتك وناس كثير تخرب على ناس كثير محتاجة بسبب غبائها وعدم تفهمها.
تصير خلاص ماتبي تساعد إلا شخص متأكد ١٠٠٪ انه يستاهل وماراح يتعبك
رايكم؟
u/These-Fee5265 — 21 days ago
▲ 3 r/SaudiReaders
ثقافة القطيع
مرعب الوصف ودقته.
من كتاب Laws of Human Nature
شرايكم؟
u/These-Fee5265 — 22 days ago
▲ 3 r/saudimedical
الراوند، ساحة تصفية الحسابات والنكبات!
أهلين ، شخباركم
من تجربتي لاحظت بالراوند تصير حركات غريبة وتطلع أسوء سلوكيات البشر وهي كالتالي:
١- وانت تتكلم مع التيم قبل الراوند قلت معلومة لهم عن المريض خاطئة، لكن يسكتون، فجأة بالراوند اذا قلتها يطب عليك واحد ويغلطك قدام الاستشاري!!! ليش توه ينبهك؟ وينه من يوم قلتها اول مرة؟!
٢- وانت تتكلم عن مريضك، فجأة يطب واحد ويدخل عرض ويكمل الكلام!!! وفجأة الكونسلتانت يحوس مايدري المريض مع مين اصلا!!! وش هالتصرف؟ ليش الانبراش؟
٣- بعضهم كل ماتقول شيء يقاطعك!! ومايبي يسمعك، وش هالهبال؟ تحس الموضوع تحدي مهوب محاولة تفاهم
٤- كل واحد من التيم يتلقف على مريضك ويحوسه بالاقتراحات، وش هاللقافة؟
هذي ابرز الملاحظات، وصراحة مصدوم انها منتشرة وطبيعية عندنا
رايكم؟
u/These-Fee5265 — 23 days ago
▲ 63 r/SaudisInUS
اجتماعات العمل عندنا، كأنك في حلقة من حلقات صراع العروش
أهلين شخباركم؟
كوني مبتعث سابق، اذكر كنت اقدم برزنتيشنات بكل اريحية وكلن مستمتع ومنصت وينتظرك تخلص.
بالسعودية لاحظت سلوك غريب وهمجي جدا!
اذا كنت في اجتماع، مايمديك تقول كلمتين على بعض الا ويطب عليك واحد ويقاطعك!
او يجي واحد ماهو فاهم وش السالفة ويعطي رايه!
أو يجيك واحد ويغير سياق الموضوع لموضوع اخر ماله علاقة!!
تحس كأنك في غابة وفوضى! وكأنك بحلقة من حلقات قيم اوف ثرونز
سألت واحد من زملائي، ابي افهم ليش الوضع كذا، قال انت عاد لازم تثبت نفسك!
مافهمت وش يقصد، كيف اثبت نفسي؟ بعدين استوعبت إنهم يشوفون اسلوب المقاطعات والانبراشات والمشاركة لأجل المشاركة هي طريقة اثبات النفس!
كانت بالنسبة لي صدمة وعرفت ليش كثير من الامور متعطلة عندنا، مايمديك تقول فكرتك او تقدم حل الا قاطعوك لدرجة يصير ماودك تحل أي مشكلة او تقدم اي فكرة مفيدة.
رايكم؟
كيف نتجاوز هالمرحلة الهمجية والفوضى؟ بصراحة ماعمري شفتها برا ورجاء لاحد يحاول يسخف من الموضوع ، هالموضوع مهم جدا جدا
u/These-Fee5265 — 25 days ago