u/enggurl555

يا جماعة ايه قمة الملل دي بجد معنديش حياة بدون المذاكرة والله
لو حد عنده حاجة تتذاكر يباصيهالي زهقانة(عايزه اي كورسات مفيدة او اي تيبس لاي حاجة في الحياة مفيدة تتعمل)

يا جماعة ايه قمة الملل دي بجد معنديش حياة بدون المذاكرة والله
لو حد عنده حاجة تتذاكر يباصيهالي زهقانة(عايزه اي كورسات مفيدة او اي تيبس لاي حاجة في الحياة مفيدة تتعمل)

مفيش اي بشر فيها يعني؟ أنا دخلتها لوحدي ولا ايه
ياريت لو حد يعرف البايولجي و الاناتومي بيتذاكروا منين علي اليوتيوب وايه أصلا المنهج الي علينا اي حاجة اسامي دكاترة اي بتنجان يفيدني لو سمحتم

فشلت اني اعدل نومي بجد ويومي ملخبط ومش بعمل فيه حاجة حرفيا بيضيع و كل ما انام بدري بصحي بعدها بساعتين وكل ما اصحى بدري بنام بعدها بساعتين

بناوييييت
نفسي اعمل جروب تيلي نتابع فيه بعض الي عايز ينتظم علي دايت نبعت فيه صور وجباتنا و نبعت فييه صور لما ننزل الجيم و يبقى اكنه التاسك بتاعنا انه نبعت صور عشان ناكد اننا مشينا اليوم صح و طبعا الي عنده اساله يسألها في التمارين او في الدايت والي يعرف هيساعد التاني

شغفي مات بجد وحاسه اني محتاجة ناس عندها نفس هدفي تشجعني

بناوييييت
نفسي اعمل جروب تيلي نتابع فيه بعض الي عايز ينتظم علي دايت نبعت فيه صور وجباتنا و نبعت فييه صور لما ننزل الجيم و يبقى اكنه التاسك بتاعنا انه نبعت صور عشان ناكد اننا مشينا اليوم صح و طبعا الي عنده اساله يسألها في التمارين او في الدايت والي يعرف هيساعد التاني

شغفي مات بجد وحاسه اني محتاجة ناس عندها نفس هدفي تشجعني

بنرجع نتعامل ازاي بجد في البيت بعد ما قعدنا سنة كاملة في سكن للدراسة وكده حرفيا خلقي في مناخيري ومحدش عارف يتعامل مع حد و أنا وماما وضعنا بجد صعب ومش عارفه اعمل ايه بدعي الدراسة تيجي النهاردة قبل بكره

ايديت(حاسه عايزه احشركم في حياتي شوية واحكيلكم عشان قربت اطق)

المهم اني كان نفسي اعمل حاجات كتير في الاجازة وكل ما افكر اعمل حاجة تقولي انتي طول السنة لوحدك وبتعملي الي عايزاه(حرفيا مش بعمل حاجة غير الجامعة ومش بعرف اروح حتة عشان محتاجة استأذنهم كل ما اتنفس) و انتي خلاص جيتي الاجازة عشان تقعدي في البيت شوية وانا بيكون نفسي أطور بقى سوشيال سكيلز واشترك في حاجات وكده وبجد مش بيخلوني اعمل حاجة

عندي شوية فلوس تحت الخمسين الف مش كتير يعني بس أنا بدرس وكده وحاسه هصرفهم لو فضلوا موجودين قعدت اقول هجيب ذهب وكده بس حاسه بينزل اكتر ومش فاهمه السوق اوي و بابا بيقولي احطها شهادات في بنك و ممكن احولهم دولارات و أنا أصلا بفكر اجيب بيهم جهاز ليزر منزلي واخلص😆
ف عندي كذه اوبشن شايفين ايه احسن طريقة احطهم فيها دي أول تحويشة ليا من المصروف وكده

مره كنت قاعدة بالليل ومضايقة وهموم الدنيا فوق دماغي ف قولت هيحصل ايه لو جربت ثيرابيست …

فتحت فيزيتا شوفت ارخص دكتور ويكون اونلاين عشان الاسعار مريبة جدا ف لقيت واحد كان شغال لحد اتناشر بالليل تقريبا ولا حاجة كده ف حجزت كمان ساعة السيشن…

جيه وقت السيشن الدكتور معرفش يدخل علي الميتينج و قعدت مستنياه حبتين وانا متوترة ومش طايقة نفسي في الاخر الدعم الفني كلموني وأدوني رقم الدكتور كلمته و بعتلي لينك دوم ودخلنا

سألني كام سنة والحاجات دي وبدات احكي كنت بحكي حاجات عشوائية مكنتش عارفه احكي ايه بالظبط

الدكتور كان قاعد بيڤيب وينفخ الدخانة زي اي عيل معداش 13 سنة و بيهز الكرسي بطريقة توتر ويعمل انه مهتم وكده بتعابير وشه

وسط منا بحكي الزوم ميتينج فصل عشان خلصت ال 45 دقيقة و الدكتور مظهرش تاني غير تاني يوم وهو بيقولي اصل سعر الساعتين غير سعر الساعة

حرفيا مقالش ولا كلمة في الميتينج ولا حتى قالي احنا كده خلصنا ولا هنتكلم تاني ولا لا او حالتي ايه

ياجماعة ممكن اعمل ايه في الاجازة يحسسني بالإنجاز عشان شعور عدم الإنجاز ده هيموتني لحد آخر الاجازة كده(أنا في كلية هندسة لو هترشحوا كورسات)

جيبت كيس اندومي بعد شهور مكلتوش(باكله كل كام شهر مره كده اتقفل منه وابطل لحد ما نفسي تجيله تاني)
عاملة دايت أصلا ومستنياهم يناموا عشان ميعرفوش اني عملت اندومي
حاسه بقمة الدوبامين دلوقتييييييييييً

يا بناويت بتشيلوا شعر وشكم بايه الفلامينجو دي بحسها بتخشن وشي و اول ما استخدمتها خالص عملتلي حبوب كتير ولسه بعالج فيها وفي منها تحت الجلد كتير

(مش لاقية فلير عناية بالشعر ف لو حد يعرف صب للشعر يبعتهولي)

المهم يا بناويت أنا شعري ولا ويفي ولا كيرلي هو نص نص يعني و في المعظم مش بيكون ناشف يعني دايما كنت بحب احط كريمات خفيفة وكده عشان بحسه بيلزق بسرعة

المهممممم بقالي حبتين مش مهتمة اوي وكنت بجرب ليف اين مطلعش حلو وقعدت احاول اخلصه وكده ف مكنتش مهتمة بصراحه بشعري

من شوية اخدت شاور و جيت اسرحه حسيت اني عمري ما شوفته بالهيشان ده مش طبيعي حرفيا عمري ما كنت كده

حلول بقى لحل المصيبة الي عملتها فيه دي أنا بستحمى كتير وتقريبا الشامبو تقيل ف كل دي حاجات بوظته

رشحولي كريمات احطها عشان حرفيا مش عارفه احطله ايه ولو تعرفوا شامبو غير بوبانا عشان هو الي بوظلي الدنيا وغير favelin عشان خلص فلوسي يكونوا مصريين عشان المقاطعة و رشحولي اي روتين بقى وانا همشي عليه محترمة

ثانك يو مقدما

عندي فكرة مشروع كوتي كده(هي قديمة بس عايزه اعملها بطريقتي) المهم انه مش عارفه بنبدا منين الي يعرف يساعد يبعتلي dm اصيح شوية و يفهمني الدنيا

خبراء البيزنس عايزه رأيكم في كلمتين ابعتولي

لو حد بياخد عليه اي كورسات رشحولي اي حاجة بدل تضيع الاجازة ده

لو حد بياخد عليه اي كورسات رشحولي اي حاجة بدل تضيع الاجازة ده(أنا في هندسة)

رشحولي عربيات لو هي اول عربية ليا وعايزه حاجة قطع غيارها متوفرة وتكون تحت المليون مش مهم اوي سرعات وكده ومش هسافر بيها في المعظم ف حاجة استخدام يومي بسيطة يعني بس يكون شكلها حلو