u/in_war

هل هو طبيعي ولا لا؟ او عادي يعني

السلام عليكم .
اليوم بتكلم عن اكاذيب او معلومات غير صحيحة منتشرة بين الناس من كتاب بأسم ( lies my teacher told me ) بمعنى اكاذيب قالها لي معلمي .

المعلومة الاولى : نيوتن ما طاحت على راسه التفاحة. الرجال كان يتأمل و شاف تفاح يطيح من شجر و جت الفكرة بباله لا غير . التفاحة مالها ذنب بدرجاتك المخيسة لا تلومها .

المعلومة الثانية : قيس و ليلى شخصيات خيالية غير حقيقية اطلاقا . ما اعرف كيف اصارحك لكن مافيه ولا دليل يقول انهم حقيقيين وناس كثيرين يقولون انهم اسطورة مثل العنقاء لا وجود لهم . مافيه ولا شعر مجهول القائل فيه اسم ليلى الا و نسب الى قيس ابن الملوح لكنه مب حقيقي.

المعلومة الثالثة : توماس اديسون ما اخترع المصباح الكهربائي . فيه ناس كثير سبقوه بذا الاختراع لكنه طوره فقط لا غير ولا المصباح الكهربائي كان موجود من قبله بسنين عديدة لكنه كان مكلف و سريع التلف جاء توماس اديسون طوره و اخذ براءة اختراع فقط لا غير.

المعلومة الرابعة : آينشتاين ما رسب فالرياضيات انت بس اللي رسبت و اخذتها صيفي . مافيه ولا شهادة مدرسية و مقال من احد اقربائه او زملاءه يدل انه سقط او رسب بالرياضيات . ممكن اللي سبب اللبس هذا او المعلومة ذي ان في سنة من السنين غيروا ترتيب الدرجات فصار ( ١ ) يعني ناجح و ( ٦ ) يعني راسب. ما رسب في اي مادة و كان يجيب درجات اعلى من اللي اكبر من بسنتين! .

عموما هذا كان موضوعي لليوم و شكراً لقراءتك.
( سويت البوست ذا لاني مقدر انام👍 )
Edit: توني انتبه اني حاط الفلير اسألة معليش