u/justgoforitmannnn

Is it normal that I still get chills from that scene even after watching it 3,501 times?

Hats off to Maggie Smith 👏🏻

This is hilarious 😂

Taken by my S23 Ultra

هاي يا جماعة مجموعة نجمية اسمها مجموعة العقرب ( منها اخذو برج العقرب )

قصّتها انه هذا العقرب موجود كعقاب للصيّاد اللي حكيت عنه مره قبل ( اللي كان بلحق ورى الاخوات السبعة )... و العقرب و الصيّاد موجودين بالسماء قبال بعض تماما، العقرب بالشرق و الصياد بالغرب.. زي كانه العقرب موجود مقابل للصياد و انه براقب فيه عشان اذا أخطأ الصيّاد مره ثانية يكون العقرب موجود و يعاقبه

و فعلا بالسماء اذا بتتطلع هذول الكوكبتين جدا واضحات بالعين المجردة و فعلا موجودين بجهات معاكسة لبعض تماما و مستحيل انهم يلتقو مع بعض، مستحيل

ضمن كوكبة العقرب في نجمة هي تعتبر قلب العقرب اسمها نجمة انتاريس... نجم لونه احمر ( حتى ببين اللون الأحمر بالعين المجردة ) ضخم جدا جدا.. ضخم لدرجة انه اكبر من الشمس ب ٧٠٠ (!!!) مره تخيلو ...٠

عشان اعطيكم سكيل لحجم هاي النجمة، الشمس بتسع فيها مليون كوكب زي الارض.. تخيلو انه هاي النجمة انتاريس لسا قد الشمس ب ٧٠٠ مره 👍🏻😵‍💫٠

و لو هاي النجمة موجودة مكان الشمس تبعتنا كان بحجمها اكلت عطارد و الزهرة و الارض و المريخ و المشتري و المسافة اللي بينهم كلهم😶😶٠

هو فعليا ثاني اكبر نجم بنقدر نشوفه من بين كل النجوم اللي بنقدر نشوفهم من الارض ( في نجوم ما بنقدر نشوفها لانها بعيده جدا جدا لسا اكبر منها )

و اخر معلومة قبل ما ازهّقكم... بما انه هالنجم كثير كبير ليش ببين النا كأنه نقطه حمراء و ما اله شعاع زي الشمس مثلا، و الشمس اصغر منه و مع ذلك الها شعاع قوي علينا ؟ الجواب هو بسبب المسافة بينا و بين الشمس... و بينا و بين هاي النجمة انتاريس

تعالو خلينا نسافر...٠

لو ركبنا هسا طيارة من الطيارات اللي بنسافر فيهم و طلعنا من الارض و بوجهنا على الشمس..... بدنا ١٩ سنة عشان نصل !! تخيلو قديش الشمس بعيده؟! يعني لو طلعت من هون وانت عمرك ٢٠ سنه راح تصل الشمس وانت عمرك ٣٩ سنه ( تذكر انت بطيارة مش سياره ولا قطار ولا غيره )

طيب لو طلعنا بالطيارة من الارض ل انتاريس ؟.......... بدنا تقريبا ٦٦٠ مليون سنه عشان نصل الها 🙂🙂... عشان هيك الشعاع تبعها ضعيف بسبب المسافة بينا... لو انها ( او غيرها من النجوم ) اقرب النا كان ما راح يكون في ليل و نهار، طول اليوم راح يكون في ضو قوي علينا

سبحان الله

* الوردة كان لازم تبين بسبب المكان ولّا انا ما بحب الورد

بالصور راح احكي عن قصة نجوم على الاغلب كلنا شفناهم لما نصفن بالسما بالليل... الثلاث النجوم اللي موجودين على خط واحد ( بس معلومة، هي مجموعة نجمية كبيرة، زي ما بتشوفو بالصورة الثانية و الثالثه، بس احنا بلفت انتباهنا الثلاث اللي جايين جنب بعض )

اسمها مجموعة الصيّاد.. في ناس بسميهم الجبّار ( Orion )

الثلاث النجوم اللي بنشوفهم هذول الحزام تبع الصياد ( شوفو الصورة الثالثة مبينين بشكل واضح انهم زي حزام على خصره )

اذا بدنا نفهم قصة الصيّاد لازم نتطلع لجنبه شوي... راح نشوف نجوم الأخوات السبعة..

و الهم اسم ثاني هو

مجموعة الثُّريا (Pleiades)

[بحبهم لانه كانو اول نجوم صورتهم بالسماء وما كنت بعرف عنهم اشي، لكن لما بلشت اقرأ و ارجع اربط اللي بقرأه بالصور اكتشفت انهم موجودين بأول صورة صورتها للسما.. لذلك بحبهم]

و عشان تكتمل عناصر القصة... في بين الأخوات السبعة و بين الصيّاد كمان مجموعة نجوم اسمهم مجموعة الثور... و اكثر نجمة معروفة فيهم و اكثر نجمة لامعة و بتبين بالعين المجردة اسمها نجمة الديبران( Aldebran )

و حتى بالعين المجردة ببين لونها احمر غير عن معظم النجوم الثانيات

قصتنا انه كان في سبع اخوات جميلات بمشو بالغابة، شافهم صيّاد كان موجود هناك و حكالهم ايش يا حلوين، لا بمزح.. شافهم الصياد و أُعجب بجمالهم، ف بدأ يلحق وراهم من شرق الأرض الى غربها.. ف شاف هالاشي الإله زيوس و حزن عليهم، لذلك خلاهم نجوم و رفعهم للسما، و رفع معهم ثور عظيم يدافع عنهم.. هذا الثور اهم نجمة و المع نجم فيه اسمها نجمة الديبران ( معنى ديبران بالعربي انه يَدْبُرْ الشيء، يعني بلحق وراه )

الصيّاد لما شافهم ارتفعو فكّر انه اكبر قوة على الأرض، عشان هيك تم معاقبته و رفعه للسماء جنب الأخوات السبعة.. لكن عمره ما راح يقدر يلحقهم.. (يعني زي بما معناه انه هيهم قدامك لكن عمرك ما راح تقدر تصيبهم )

الصياد من هذاك الوقت بحاول بلحق بالاخوات السبعة ( و هو فعلا بشرق لما يشرقو و بغيب لما يغيبو، يعني حرفيا بلحق وراهم )... بس انه في ثور عظيم موجود بين الأخوات و بين الصيّاد مستعد للدفاع عنهم و بلحق فيهم ( يَدبُر ) الاخوات السبعة و ما بتركهم لحالهم

و بس، هيك لما تشوفوهم المره الجاي ان شاء الله بكون عندكم فكره انتو على شو قاعدين بتتطلعو

بما انه القمر بلّش يصير اصغر حكيت ابلش اصور نجوم و كواكب بكون احسن، في اشي حاليا حلو بالسماء صاير و بدو وقت طويل عشان يتكرر... هاي الصورة

فيها الزهرة ( Venus اللي تحت و المع )

مع المشتري ( Jupiter فوق الزهرة على اليسار )

و جنبهم نجمين اسمهم نجوم التوأم ( Castor and pollux )

هذول النجمين(شوفو الصورة الثانية مرسومه اشكالهم) الهم قصة قديمة من قصص الاغريق عشان يتسهّل حفظهم، القصة انه هذول النجمين توأم من نفس الام لكن اب مختلف.. اب الولد الاول قوي ف منح ابنه الخلود...بينما اب الابن الثاني شخص عادي عشان هيك ابنه شخص طبيعي زينا

الولدين علاقتهم جدا قوية مع بعض.. بيوم من الأيام كان في معركة و الابن من الاب العادي صابه رمح و مات.. الابن الخالد كثير كثير زعل و طلب من ابوه إما انه يموت و يلحق اخوه او انه يرجع يعيّش الولد اللي مات.. الاب تأثر بكميّة الوفاء عند ابنه و قال راح اخليكم الثنين خالدين.. و خلّاهم نجوم و رفعهم الثنين للسما.. و خلّاهم دايما مع بعض و ما بفترقو ابدا ابدا... و فعلا هالنجمتين دايما مع بعض بطلعو و دايما مع بعض بغيبو

سبحان الله ⛅️

Guys after the I think there is a problem in the multiple exposures pictures... I used to use it all the time, now when I use it the pictures are always pitch black.. I've literally used it my whole life the same way, didn't change anything, and yet it seems kinda broken after 8.5

anyone facing the same problem

Guys after the latest update I think there is a problem in the multiple exposures pictures... I used to use it all the time, now when I use it the pictures are always pitch black.. I've literally used it my whole life the same way, didn't change anything, and yet it seems kinda broken after the update

anyone facing the same problem